Caviar iPhone 15 Pro: ఈ ఫోన్ ధర ఏకంగా రూ. 6.68లక్షలు! అంత ప్రత్యేకత ఏముందని?

ప్రపంచంలోని లగ్జరీ ఫోన్ల బ్రాండ్లలో యాపిల్ ఐఫోన్ ఒకటి. చాలా మందికి ఇది కలల ఫోన్. దీనిని ఎలా కొనుగోలు చేసి వినియోగించాలని భావిస్తుంటారు. అయితే దాని ధర మిగిలిన అన్ని ఫోన్లతో పోల్చుకుంటే చాలా ఎక్కువగా ఉంటుంది. మన దేశంలో ప్రస్తుతం అందుబాటులో ఉన్న అత్యంత ఖరీదైన ఐఫోన్ యాపిల్ ఐఫోన్ 15 ప్రో మ్యాక్స్. 512జీబీతో ఉండే వేరియంట్ ధర రూ. 1,79,900. అయితే ఈ ఐఫోన్ 15 ప్రో మ్యాక్స్ కంటే దాదాపు మూడింతల ధర అధికంగా ఉండే మరో ఐఫోన్ వేరియంట్ ఉందంటే మీరు నమ్ముతారా? నమ్మాలండీ.. ఐఫోన్ 15 ప్రోను కస్టమైజ్ చేసిన కేవియర్ ఏకంగా రూ.6లక్షలకు పైగా విక్రయిస్తోంది. అంత ప్రత్యేకత ఏముంది? అది కూడా ఫోనే కదా.. ఏకంగా ఆరు లక్షల రూపాయల కన్నా ఎక్కువ విలువ చేసేంత ప్రత్యేకత ఏంటి? తెలుసుకుందాం రండి..

కేవియర్ బ్రాండ్ ఇది..

కేవియర్ అనేది బంగారం లేదా వజ్రం వంటి ఖరీదైన ఆభరణాలతో ప్రీమియం స్మార్ట్‌ఫోన్‌లను రూపొందించే ఒక లగ్జరీ బ్రాండ్. ఇటీవల ఈ కంపెనీ ఐఫోన్ 15 ప్రో, 15 ప్రో మాక్స్ కోసం కొత్త మేక్ఓవర్‌ను ఆవిష్కరించింది. ఐకానిక్ ఆపిల్ విజన్ ప్రో మిక్స్డ్ రియాలిటీ హెడ్‌సెట్ నుంచి ఇది ప్రేరణ పొందింది.

ఐఫోన్ 15 ప్రో, ప్రో మాక్స్ ఫోన్ల ఈ ప్రత్యేకమైన ఎడిషన్‌లు యాపిల్ విజన్ ప్రో హెడ్‌సెట్ నుంచి ప్రేరణ పొందిన డిజైన్ ఎలిమెంట్‌లను కలిగి ఉన్నాయి. వృత్తాకార వెంట్‌లు, వైబ్రెంట్ ఆరెంజ్ యాక్సెంట్‌లు పరికరం పైభాగాన్ని అందంగా కనిపించేలా చేస్తాయి. దిగువ భాగం విజన్ ప్రో ఫ్రంట్ సౌందర్యాన్ని ప్రతిబింబిస్తుంది. యాపిల్ హెడ్‌సెట్ అభిమానులను దాని సూక్ష్మ సారూప్యతలతో ఆకర్షిస్తుంది.

ఇవి కూడా చదవండి

హార్ట్‌ రేట్‌ ఎంతో చెవిలో చెబుతా అంటున్న గూగుల్.. వింటారా?

మోసం గురూ! దీని గురించి తెలుసుకోకపోతే రూ. లక్షలు నష్టపోతారు!

తిరుగులేని ఫీచర్లతో జియోమీ నుంచి ప్రీమియం స్మార్ట్ వాచ్..

ఎన్ఆర్ఐలకు, వారి పిల్లలకూ ఆధార్.. ఎలా దరఖాస్తు చేసుకోవాలంటే..

ధర ఎంతంటే..

ఈ లగ్జరీ బ్రాండ్ కేవియర్ నుంచి ఊహించిన విధంగానే చాలా ఎక్కువ ధరతో ఈ ఫోన్లు వస్తాయి. యాపిల్ విజన్ ప్రో ఆధారంగా డిజైన్ చేసిన ఐఫోన్ 15 ప్రో ధర 8,060డాలర్లుగా ఉంది. (సుమారు రూ. 6,68,000) వద్ద ప్రారంభమవుతుంది.

శామ్సంగ్ బ్రాండ్ ఫోన్ కూడా..

కేవియర్ ఇక్కడితో ఆగలేదు. రానున్న కాలంలో మరిన్ని ఫోన్లను కస్టమైజ్ చేసి తీసుకొచ్చేందుకు ప్లాన్ చేసింది. ‘ఫ్యూచర్ కలెక్షన్’ ను కూడా పరిచం చేసింది. యాపిల్ ఐఫోన్‌లతో పాటు టెస్లా సైబర్‌ట్రక్-ప్రేరేపిత శామ్సంగ్ ఎస్24 అల్ట్రాను కూడా ఆవిష్కరించింది. అలాగే ఎమిర్ ఎడిషన్, రోల్స్ రాయిస్ ఫాంటమ్ నుంచి డిజైన్ సూచనలను కలిగి ఉన్న మాగ్నమ్ ఐఫోన్15 ప్రో సిరీస్ కూడా ఉన్నాయి. అంతేకాకుండా, స్కైలైన్ ఐఫోన్ 15 ప్రో సిరీస్ ఆర్కిటెక్ట్ ఆధారంగా ఉంటుంది.

యాపిల్ 15 ప్రో స్పెసిఫికేషన్లు ఇవి..

ప్రాథమిక ఐఫోన్ 15 ప్రో, ప్రో మ్యాక్స్ రెండూ ఒకే విధమైన స్పెక్స్‌ను కలిగి ఉన్నాయి. వీటిల్లో ప్రధాన వ్యత్యాసం స్క్రీన్ పరిమాణం. రెండు ఫోన్‌లు అద్భుతమైన సూపర్ రెటినా ఎక్స్ డీఆర్ డిస్‌ప్లేతో పాటు ఆల్వేస్-ఆన్ మోడ్, సూపర్ స్మూత్ 120హెర్జ్ రిఫ్రెష్ రేట్‌తో ప్రోమోషన్ టెక్నాలజీని కలిగి ఉంటాయి. ప్రో 6.1-అంగుళాల డిస్‌ప్లేను ఉపయోగించుకుంటుంది. అయితే ప్రో మాక్స్ పెద్ద 6.7-అంగుళాల స్క్రీన్‌ని కలిగి ఉంటుంది. 8జీబీ ర్యామ్ ఉంటుంది. 48ఎంపీ ప్రధాన సెన్సార్ తో పాటు 12ఎంపీ అల్ట్రా వైడ్ కెమెరా ఉంటుంది.

మరిన్ని టెక్నాలజీ వార్తల కోసం ఇక్కడ క్లిక్ చేయండి..