Paralympics: భారత్‌కు బిగ్ షాక్.. ఈ బ్యాడ్మింటన్ స్టార్‌పై 18 నెలల నిషేధం.. కారణం ఏంటంటే?
Pramod Bhagat Suspended: జులై 29, 2024న, CAS అప్పీల్స్ విభాగం భగత్ అప్పీల్‌ను తిరస్కరించింది. మార్చి 1, 2024 నాటి CAS డోపింగ్ నిరోధక విభాగం నిర్ణయాన్ని ధృవీకరించింది. అతని సస్పెన్షన్ ఇప్పుడు అమల్లోకి వచ్చింది. ఈ సస్పెన్షన్ సెప్టెంబర్ 1, 2025 వరకు అమలులో ఉంటుంది. పారిస్ పారాలింపిక్ క్రీడలు ఆగస్టు 28 నుంచి సెప్టెంబర్ 28 వరకు జరగనున్నాయి.
Pramod Bhagat Suspended: పారిస్ పారాలింపిక్ గేమ్స్ 2024కి ముందు భారత్‌కు భారీ ఎదురుదెబ్బ తగిలింది. డోపింగ్ నిరోధక నిబంధనలను ఉల్లంఘించినందుకుగాను బ్యాడ్మింటన్ ప్లేయర్ ప్రమోద్ భగత్ 18 నెలల పాటు సస్పెన్షన్‌కు గురయ్యాడు. బ్యాడ్మింటన్ వరల్డ్ ఫెడరేషన్ (బీడబ్ల్యూఎఫ్) మంగళవారం ఈ విషయాన్ని వెల్లడించింది. సస్పెన్షన్ కారణంగా, భగత్ పారిస్ పారాలింపిక్స్‌లో పాల్గొనలేడు. భగత్ టోక్యో పారాలింపిక్స్ (2020)లో పురుషుల సింగిల్స్ SL3 క్లాస్ ఫైనల్‌లో గ్రేట్ బ్రిటన్‌కు చెందిన డేనియల్ బెతెల్‌ను ఓడించి బంగారు పతకాన్ని గెలుచుకున్నాడు.
ఈ కారణంగా ప్రమోద్‌పై నిషేధం..
ప్రమోద్ భగత్ గత 12 నెలలుగా మూడు సందర్భాల్లో తన ఆచూకీ వెల్లడించలేదు. ఇటువంటి పరిస్థితిలో, అతను BWF డోపింగ్ నిరోధక నియమం ‘whereabouts’ ఉల్లంఘించాడని ఆరోపించారు. BWF ఒక ప్రకటనలో, భారతదేశం టోక్యో 2020 పారాలింపిక్ ఛాంపియన్ ప్రమోద్ భగత్ 18 నెలల పాటు సస్పెండ్ అయ్యాడు. దీంతో పారిస్ పారాలింపిక్స్‌లో ఆడటం లేదని బ్యాడ్మింటన్ వరల్డ్ ఫెడరేషన్ ధృవీకరించింది.
అందులో, ‘మార్చి 1, 2024న, కోర్ట్ ఆఫ్ ఆర్బిట్రేషన్ ఫర్ స్పోర్ట్ (CAS) డోపింగ్ నిరోధక విభాగం BWF డోపింగ్ నిరోధక నిబంధనలను ఉల్లంఘించినందుకు భగత్‌ను దోషిగా నిర్ధారించింది. ఏడాదిలో మూడుసార్లు తన ఆచూకీ వెల్లడించడంలో విఫలమయ్యాడు. 36 ఏళ్ల SL3 ఆటగాడు భగత్ CAS అప్పీల్ విభాగంలో ఈ నిర్ణయానికి వ్యతిరేకంగా అప్పీల్ చేశాడు. ఇది గత నెలలో తిరస్కరణకు గురైంది.
UPDATE: Indian #Parabadminton #Tokyo2020 gold medallist Pramod Bhagat suspended for 18 months for breaching BWF anti-doping regulations with three whereabouts failures within 12 months. #Paris2024 #Paralympicshttps://t.co/YLdD7BWI5N
— BWF (@bwfmedia) August 13, 2024
ఆగస్టు 28 నుంచి పారాలింపిక్ క్రీడలు..
జులై 29, 2024న, CAS అప్పీల్స్ విభాగం భగత్ అప్పీల్‌ను తిరస్కరించింది. మార్చి 1, 2024 నాటి CAS డోపింగ్ నిరోధక విభాగం నిర్ణయాన్ని ధృవీకరించింది. అతని సస్పెన్షన్ ఇప్పుడు అమల్లోకి వచ్చింది. ఈ సస్పెన్షన్ సెప్టెంబర్ 1, 2025 వరకు అమలులో ఉంటుంది. పారిస్ పారాలింపిక్ క్రీడలు ఆగస్టు 28 నుంచి సెప్టెంబర్ 28 వరకు జరగనున్నాయి.
ప్రమోద్ భగత్ 4 జూన్ 1988న బీహార్‌లోని హాజీపూర్‌లో జన్మించారు. అయితే తర్వాత ప్రమోద్ ఒడిశాకు వచ్చి స్థిరపడ్డాడు. భగత్ నాలుగేళ్ల వయసులో పోలియో బారిన పడ్డాడు. బ్యాడ్మింటన్ ఆటను ఇష్టపడి ఇటువైపు అడుగులు వేశాడు. మొదట్లో సమర్థులైన ఆటగాళ్లతో పోటీ పడ్డాడు.
మరిన్ని క్రీడా వార్తల కోసం ఇక్కడ క్లిక్ చేయండి..
