IND vs NZ: సెక్యూరిటీ కళ్లు గప్పి మైదానంలోకి వచ్చిన రోహిత్‌ అభిమాని.. ఏం చేశాడంటే..

టీ20 ప్రపంచ కప్ ముగిసిన తర్వాత భారత్‌, న్యూజిలాండ్ జట్ల మధ్య ద్వైపాక్షిక సిరీస్‌ జరుగుతున్న సంగతి తెలిసిందే. మూడు మ్యాచ్‌ల టీ20 సిరీస్‌లో...

Basha Shek |

Updated on: Nov 20, 2021 | 9:35 AM

టీ20 ప్రపంచ కప్ ముగిసిన తర్వాత భారత్‌, న్యూజిలాండ్ జట్ల మధ్య ద్వైపాక్షిక సిరీస్‌ జరుగుతున్న సంగతి తెలిసిందే. మూడు మ్యాచ్‌ల టీ20 సిరీస్‌లో భాగంగా శుక్రవారం రాంచీలోని జేఎస్‌సీఏ ఇంటర్నేషనల్ క్రికెట్ స్టేడియంలో రెండో టీ 20 మ్యాచ్‌ జరిగింది. ఇందులో భారత్‌ 7 వికెట్ల తేడాతో న్యూజిలాండ్‌పై ఘన విజయం సాధించింది. న్యూజిలాండ్‌ విధించిన 153 పరుగుల లక్ష్యాన్ని ఇండియా సునాయసంగా చేధించింది. కాగా ఈ మ్యాచ్‌లో ఓ ఆసక్తికర సన్నివేశం చోటుచేసుకుంది. న్యూజిలాండ్‌ ఇన్నింగ్స్‌ సాగుతుండగా కెప్టెన్‌ రోహిత్‌ శర్మ అభిమాని ఒకరు సెక్యూరిటీ కళ్లు గప్పి మైదానంలోకి ప్రవేశించాడు. ఆ సమయంలో మిడాన్‌లో ఫీల్డింగ్‌లో చేస్తున్న రోహిత్‌ వద్దకి వెళ్లిన ఆ అభిమాని అమాంతం హిట్‌మ్యాన్‌ పాదాలపై పడిపోయాడు. హఠాత్తుగా జరిగిన ఈ సంఘటనతో భారత కెప్టెన్‌ కూడా ఆశ్చర్యపోయాడు. అయితే వెంటనే సెక్యూరిటీ సిబ్బంది వచ్చి అతడిని గ్రౌండ్‌ నుంచి బయటకు తీసుకెళ్లారు.

గతంలో కూడా చాలా సార్లు అభిమానులు ఇలా మైదానంలో దూసుకొచ్చారు. అభిమాన క్రికెటర్లను హత్తుకుంటూ హంగామా సృష్టించారు. అయితే తాజాగా జరిగిన సంఘటనపై పలువురు మాజీ క్రికెటర్లు అసంతృప్తి వ్యక్తం చేస్తున్నారు. మైదానంలోని ఆటగాళ్ల భద్రత కోసం మరిన్ని పటిష్ఠ చర్యలు తీసుకోవాలని కోరుతున్నారు. కరోనా నేపథ్యంలో క్రికెటర్లంతా బయోబబుల్‌లో గడుపుతున్నారని.. ఈ సమయంలో ఏదైనా జరిగితే సిరీస్‌ మొత్తం ప్రమాదంలో పడుతుందని హెచ్చరిస్తున్నారు. కాగా ఈ ఘటనలో అభిమాని రోహిత్‌ శర్మను తాకలేదని, కేవలం పాదాలపై పడడానికి ప్రయత్నించాడని.. రోహిత్‌ కూడా అతనిని ముట్టుకోలేదని పలువురు చెబుతున్నారు.

And a fan stormed into the field!!! The fellow sitting beside me, “ab maar khaaye chahe jo ho uska Sapna poora ho gaya! Ab yeh Ranchi mein Hatia mein Jharkhand mein poore India mein famous ho gaya!!” #IndiaVsNewZealand #INDVsNZT20 #fans #CricketTwitter pic.twitter.com/6NsIQDY0fO

— Sunchika Pandey/संचिका पाण्डेय (@PoliceWaliPblic) November 19, 2021