నాకే ఓ చెల్లి ఉంటే… ఆ క్రికెటర్‌తో…!
యాషెస్‌ సిరీస్‌లో మూడో టెస్టులో ఇంగ్లాండ్‌కు చిరస్మరణీయ విజయం అందించిన బెన్‌స్టోక్స్‌పై ప్రశంసల జల్లు కురుస్తోంది. ప్రతి ఒక్కరూ అతడి ప్రతిభను మెచ్చుకుంటున్నారు. ఇంగ్లాండ్‌ మాజీ ఆటగాడు గ్రేమ్‌స్వాన్‌ అయితే తన ఆనందాన్ని భిన్నంగా వ్యక్తీకరించాడు. తనకే ఓ సోదరి ఉంటే కచ్చితంగా బెన్‌స్టోక్స్‌కు ఇచ్చి పెళ్లి చేస్తానని సంచలనం సృష్టించాడు. ‘నాకు అక్కాచెల్లెల్లు లేరు. కానీ నాకే ఓ సోదరి ఉంటే మాత్రం అతడికిచ్చి పెళ్లి చేస్తాను’ అని ట్వీట్‌ చేశాడు. అతడి వ్యాఖ్యలు ట్విటర్‌లో […]
యాషెస్‌ సిరీస్‌లో మూడో టెస్టులో ఇంగ్లాండ్‌కు చిరస్మరణీయ విజయం అందించిన బెన్‌స్టోక్స్‌పై ప్రశంసల జల్లు కురుస్తోంది. ప్రతి ఒక్కరూ అతడి ప్రతిభను మెచ్చుకుంటున్నారు. ఇంగ్లాండ్‌ మాజీ ఆటగాడు గ్రేమ్‌స్వాన్‌ అయితే తన ఆనందాన్ని భిన్నంగా వ్యక్తీకరించాడు. తనకే ఓ సోదరి ఉంటే కచ్చితంగా బెన్‌స్టోక్స్‌కు ఇచ్చి పెళ్లి చేస్తానని సంచలనం సృష్టించాడు. ‘నాకు అక్కాచెల్లెల్లు లేరు. కానీ నాకే ఓ సోదరి ఉంటే మాత్రం అతడికిచ్చి పెళ్లి చేస్తాను’ అని ట్వీట్‌ చేశాడు. అతడి వ్యాఖ్యలు ట్విటర్‌లో వైరల్ అయ్యాయి.
ఆసీస్‌తో మూడో టెస్టులో 359 పరుగుల లక్ష్యఛేదనలో 245/4తో ఉన్న ఇంగ్లాండ్‌ చకచకా ఐదు వికెట్లు కోల్పోవడంతో 286/9కు పరిమితమైంది. ఈ దశలో ఆఖరి వికెట్‌ జాక్‌లీచ్‌ (17 బంతుల్లో 1*)తో కలిసి బెన్‌స్టోక్స్‌ (135*; 219 బంతుల్లో 11×4, 8×6) అద్భుతం చేశాడు. ఓటమి అంచున నిలబడి అసాధ్యాన్ని సుసాధ్యం చేశాడు. ఆఖరి వికెట్‌కు 76 పరుగుల భాగస్వామ్యం నెలకొల్పి అద్వితీయమైన విజయం అందించాడు. జులైలో అతడు ప్రపంచకప్‌ ఎలా గెలిపించాడో ఇంకా ఎవరూ మర్చిపోనేలేదు. ఇప్పుడూ అలాంటి ఇన్నింగ్సే ఆడటం గమనార్హం.
I have no sister but if I did I’d want her to marry Ben Stokes.
— Graeme Swann (@Swannyg66) August 25, 2019
