Video: వామ్మో.. టీ20 ప్రపంచకప్ హిస్టరీలోనే మరో బెస్ట్ క్యాచ్.. ఆస్ట్రేలియానే ‘కంగారు’ పెట్టించిన వీడియో
Tony Munyonga Superman Catch In Aus vs Zim Match: ఈ విజయంతో, జింబాబ్వే ఇప్పుడు గ్రూప్ బీలో నాలుగు పాయింట్లతో రెండవ స్థానంలో ఉంది. శ్రీలంక అగ్రస్థానంలో నిలిచింది. ఎందుకంటే, సికందర్ రజా నేతృత్వంలోని జింబాబ్వే జట్టు కంటే లంక నెట్ రన్ రేట్ మెరుగ్గా ఉంది. మొదటి మ్యాచ్లో, జింబాబ్వే ఓమన్ను ఎనిమిది వికెట్ల తేడాతో ఓడించిన సంగతి తెలిసిందే.
Updated on: Feb 13, 2026 | 4:53 PM
Tony Munyonga Superman Catch In Aus vs Zim Match: జింబాబ్వే వర్సెస్ ఆస్ట్రేలియా మధ్య జరుగుతున్న టీ20 ప్రపంచ కప్ 2026 మ్యాచ్లో, సికందర్ రజా నేతృత్వంలోని జట్టు 2021 ప్రపంచ కప్ విజేతను 23 పరుగుల తేడాతో ఓడించి చరిత్ర సృష్టించింది. ఈ టోర్నమెంట్లో టోనీ మున్యోంగా తన సంచలనాత్మక ఫీల్డింగ్ తో వార్తల్లో నిలిచాడు. ప్రస్తుతం ఈ వీడియో సోషల్ మీడియాలో సంచలనంగా మారింది.
ముఖ్యంగా, మొదట బ్యాటింగ్ చేసిన జింబాబ్వే జట్టు 169/2 స్కోరు చేసింది. దీనికి సమాధానంగా, ఆస్ట్రేలియా ప్రారంభంలోనే నాలుగు వికెట్లు కోల్పోయింది. ఈ క్రమంలో గ్లెన్ మాక్స్వెల్, మాట్ రెన్షా 5వ వికెట్కు కీలకమైన 77 పరుగుల భాగస్వామ్యాన్ని నెలకొల్పారు. ఇదే సమయంలో వచ్చిన ఓ చక్కని అవకాశాన్ని అందిపుచ్చుకున్న టోనీ మున్యోంగా బౌండరీ దగ్గర అద్భుతమైన క్యాచ్ తో చర్చనీయాంశంగా మారాడు.
OH THAT’S OUTRAGEOUS! 🤯🔥
Munyonga flies across and plucks a stunner out of thin air! 👐✨ Zimbabwe’s fielding has been top-tier and AUS are now seven down! 👏💥
ICC Men’s #T20WorldCup | #AUSvZIM | LIVE NOW 👉 https://t.co/WBa4qbbxs0 pic.twitter.com/4RlkjdsSGY
— Star Sports (@StarSportsIndia) February 13, 2026
ఆస్ట్రేలియాతో జరిగిన మ్యాచ్లో టోనీ మున్యోంగా తన జీవితంలోనే అత్యుత్తమ క్యాచ్ను పట్టుకున్నాడు. 18వ ఓవర్ 4వ బంతికి బెన్ ద్వార్షుయిస్ ఒక షాట్ కొట్టాడు. టోనీ మున్యోంగా అద్భుతంగా గాల్లోకి డైవింగ్ చేసి ఎంతో ఒత్తిడిలోనూ చక్కని క్యాచ్ పూర్తి చేశాడు. ఇది అతని జీవితంలో గుర్తుండిపోయే ఒక క్యాచ్. ఎందుకంటే, జింబాబ్వే ఆస్ట్రేలియాపై అండర్ డాగ్స్ గా నిలిచింది. అతని కృషి కారణంగానే ఆఫ్రికా జట్టు టోర్నమెంట్లో తమ విజయాల రికార్డును విస్తరించుకుంది.
మరిన్ని క్రీడా వార్తల కోసం ఇక్కడ క్లిక్ చేయండి..
