Sam Konstas: నా టార్గెట్ బుమ్రానే! బ్యాట్ పట్టకముందే రెచ్చిపోతున్న ఆస్ట్రేలియా యంగ్ క్రికెటర్.
ఆస్ట్రేలియా యువ క్రికెటర్ సామ్ కాన్స్టాస్, భారత బౌలర్లకు ధైర్యంగా సవాలు విసిరాడు. నాలుగో టెస్ట్లో అవకాశం దక్కించుకుని, జస్ప్రీత్ బుమ్రాతో పాటు మిగిలిన భారత బౌలర్లను ఎదుర్కొనే ప్రణాళికలు సిద్ధం చేసినట్లు తెలిపారు. తన క్రికెట్ విజయానికి తల్లిదండ్రుల మద్దతు ప్రాధాన్యతను వివరించిన కాన్స్టాస్, తన అరంగేట్రానికి ఎదురుచూస్తున్నాడు.
భారత బౌలర్లకు సవాల్ విసురుతూ ఆస్ట్రేలియా యువ క్రికెటర్ సామ్ కాన్స్టాస్ సంచలన వ్యాఖ్యలు చేశారు. “భారత బౌలర్లను ఎలా ఎదుర్కోవాలో నాకు ఇప్పటికే ప్రణాళికలు ఉన్నాయి. నా ప్రదర్శనపై చాలా నమ్మకం ఉంది, నాకు ఆడే అవకాశం వస్తుందని ఆశిస్తున్నాను,” అని ఫాక్స్ క్రికెట్కు ఇచ్చిన ఇంటర్వ్యూలో అన్నారు. మెల్బోర్న్ వేదికగా జరగబోయే నాలుగో టెస్ట్కి ముందు అతనిలో ఉన్న ధైర్యం అందరినీ ఆకట్టుకుంటోంది.
మొదటి మూడు టెస్ట్లలో ఆస్ట్రేలియా బ్యాటింగ్ లైనప్ నిరాశపరిచిన కారణంగా, కాన్స్టాస్ కు ఆఖరి రెండు టెస్ట్లకు సెలెక్షన్ కమిటీ నుండి కాల్-అప్ వచ్చింది. జస్ప్రీత్ బుమ్రా నేతృత్వంలోని భారత బౌలింగ్ దళంపై ఒత్తిడి పెంచడమే తన లక్ష్యం అని పేర్కొన్న కాన్స్టాస్, తన తల్లిదండ్రుల మద్దతు తన విజయానికి ప్రధాన కారణమని తెలిపారు.
అతను తన క్రికెట్ ప్రస్థానంలో తన తండ్రి చేసిన త్యాగాలను గుర్తు చేసుకుంటూ, ఇప్పటికీ ఆయన శిక్షణ కల్పించిన మధుర జ్ఞాపకాలు మనసును తాకుతాయి అని అన్నారు. ఆస్ట్రేలియన్ సెలెక్టర్ల ఛైర్మన్ జార్జ్ బెయిలీ ఇచ్చిన కాల్ అతనిలో కొత్త ఉత్సాహాన్ని నింపింది అని పేర్కొన్నాడు.
ఒక వేళా ఈ టెస్ట్లో ప్లేయింగ్ ఎలెవన్లో చోటు దక్కితే, కాన్స్టాస్ అత్యంత పిన్న వయస్కుడైన ఆస్ట్రేలియన్ టెస్ట్ క్రికెటర్గా నిలుస్తాడు.
Telugu:
“భారత బౌలర్లకు హెచ్చరిక: ఆస్ట్రేలియా టీనేజర్ సామ్ కాన్స్టాస్ సంచలన వ్యాఖ్యలు!”
English:
“”
Keywords
Telugu:
|Telugu Summary