IPL 2025: వారెవ్వా ఒకే ఇన్నింగ్స్ లో 3 రికార్డులు బద్దలు కొట్టిన గిల్ పార్ట్నర్.. సచిన్ రికార్డు గల్లంతయిందిగా!
సాయి సుదర్శన్ ఐపీఎల్ 2025లో అద్భుతమైన ప్రదర్శనతో 1500 పరుగుల మైలురాయిని అత్యంత తక్కువ ఇన్నింగ్స్ల్లో చేరాడు. 54 ఇన్నింగ్స్ల్లో 2000 టీ20 పరుగులు చేసి, ఈ ఘనత సాధించిన తొలి భారత ఆటగాడిగా నిలిచాడు. డకౌట్ కాకుండా ఈ రికార్డులను సాధించడం అతని స్థిరతకు నిదర్శనం. ఈ రికార్డులతో అతను భారత క్రికెట్కు భవిష్యత్తు స్టార్గా నిలుస్తున్నాడు.
Updated on: May 03, 2025 | 10:10 AM
ఐపీఎల్ 2025 సీజన్లో గుజరాత్ టైటాన్స్ యువ ఓపెనర్ సాయి సుదర్శన్ చరిత్రను తిరగరాశాడు. శుక్రవారం సన్రైజర్స్ హైదరాబాద్తో జరిగిన మ్యాచ్లో 23 బంతుల్లో 9 ఫోర్ల సాయంతో 48 పరుగులు చేసి ఐపీఎల్లో 1500 పరుగుల మైలురాయిని అధిగమించాడు. అత్యంత తక్కువ ఇన్నింగ్స్ల్లో ఈ ఫీట్ను సాధించిన ఆటగాడిగా ఐపీఎల్ చరిత్రలో అరుదైన ఘనతను సాధించాడు. మొత్తం 35 ఇన్నింగ్స్ల్లోనే 1500 పరుగులు చేయడం ద్వారా సుదర్శన్ షాన్ మార్ష్ పేరిట ఉన్న రికార్డ్ను బద్దలు కొట్టాడు. గతంలో షాన్ మార్ష్ 36 ఇన్నింగ్స్ల్లో ఈ మైలురాయిని చేరుకోగా, క్రిస్ గేల్ 37, మైకేల్ హస్సీ 40, సచిన్ టెండూల్కర్, రుతురాజ్ గైక్వాడ్ లు 44 ఇన్నింగ్స్ల్లో 1500 పరుగుల మార్కును అందుకున్నారు. దీంతో ఈ జాబితాలో సుదర్శన్ టాప్కి చేరడం విశేషం.
అంతే కాకుండా, సుదర్శన్ టీ20 ఫార్మాట్లో కూడా మరో అరుదైన ఘనతను అందుకున్నాడు. అతను 54 ఇన్నింగ్స్ల్లో 2000 పరుగులు సాధించి అత్యంత వేగంగా ఈ మైలురాయిని అందుకున్న తొలి భారత ఆటగాడిగా నిలిచాడు. ఈ క్రమంలో క్రికెట్ దిగ్గజం సచిన్ టెండూల్కర్ (59 ఇన్నింగ్స్లు), రుతురాజ్ గైక్వాడ్ (60), దేవదత్ పడిక్కల్ (61), రజత్ పటీదార్ (61) లాంటి స్టార్ బ్యాట్స్మెన్లను వెనక్కు నెట్టి రికార్డ్ సృష్టించాడు. అత్యంత స్థిరత్వంతో పరుగులు సాధించిన సాయి సుదర్శన్, 2000 పరుగుల మార్కును చేరేంతవరకూ ఒక్కసారి కూడా డకౌట్ కాకపోవడం మరింత విశేషం. ఇప్పటి వరకు 2016 పరుగులు చేసి, డకౌట్ అయిన సందర్భం లేకపోవడం అతని కరెక్ట్ టెంపరమెంట్కి, నిరంతర కృషికి నిదర్శనంగా నిలిచింది. ఈ ఘనత సాధించిన ఇతర ప్లేయర్లలో స్టీఫెన్ ఫ్లెమింగ్ 1420 పరుగులు, మార్క్ 1378 పరుగులతో ఉన్నారు కానీ వారు సాయి సుదర్శన్ స్థాయిని అందుకోలేకపోయారు.
ఈ రికార్డులతో సాయి సుదర్శన్ ఐపీఎల్ మరియు టీ20 క్రికెట్ చరిత్రలో తనదైన ముద్ర వేయడంలో విజయవంతమయ్యాడు. తన సహజమైన ఆటతీరు, నిలకడైన ప్రదర్శన ఇండియన్ క్రికెట్కి గొప్ప భవిష్యత్తుగా నిలవబోతున్నాడని చెప్పడంలో ఎటువంటి సందేహం లేదు.
ఈ ఘర్షణల మధ్య, మ్యాచ్లో గుజరాత్ టైటాన్స్ 20 ఓవర్లలో 6 వికెట్లు కోల్పోయి 224 పరుగులు చేసి భారీ స్కోరు సాధించింది. ప్రత్యుత్తరంగా బరిలోకి దిగిన సన్రైజర్స్ హైదరాబాద్ జట్టు 20 ఓవర్లలో 6 వికెట్లకు 186 పరుగులకే పరిమితమై, గుజరాత్ జట్టు 38 పరుగుల తేడాతో విజయాన్ని నమోదు చేసింది.
మరిన్ని ఐపీఎల్ వార్తల కోసం ఇక్కడ క్లిక్ చేయండి..
