IND vs SA, 2nd ODI: విరాట్ కోహ్లీ కెరీర్‌లో అరుదైన ఘనత.. ఈ స్పెషల్ రికార్డులో ఎవరున్నారంటే?
Virat Kohli: బోలాండ్ పార్క్‌లో భారత్-దక్షిణాఫ్రికా మధ్య రెండో వన్డే మ్యాచ్ జరుగుతోంది. తొలి మ్యాచ్‌లో ఆతిథ్య జట్టు విజయం సాధించింది. ఈ వన్డేలో టీమిండియా తప్పక విజయం సాధించాల్సి ఉంటుంది.
Updated on: Jan 21, 2022 | 6:38 PM
IND vs SA: భారత్-దక్షిణాఫ్రికా(India vs South Africa) మధ్య జరుగుతున్న రెండో వన్డే మ్యాచ్‌లో విరాట్ కోహ్లీ(Virat Kohli) ఖాతా తెరవకుండానే పెవిలియన్‌కు చేరుకున్నాడు. అయితే కోహ్లీ పేరు మీద ఒక రికార్డు నమోదైంది. ఇలాంటి రికార్డు కేవలం కొద్దిమంది భారతీయ ఆటగాళ్ల పేరిట మాత్రమే నమోదైంది. దక్షిణాఫ్రికాతో జరుగుతున్న ఈ మ్యాచ్ విరాట్ కోహ్లీకి 450వ అంతర్జాతీయ మ్యాచ్. ఈ ఘనత సాధించిన నాలుగో భారత ఆటగాడిగా విరాట్ కోహ్లీ నిలిచాడు. ఇప్పటి వరకు కోహ్లీ అంతర్జాతీయ కెరీర్ ఎలా ఉందో ఓసారి చూద్దాం..
450వ అంతర్జాతీయ మ్యాచ్.. భారత్ నుంచి 450వ అంతర్జాతీయ మ్యాచ్ ఆడిన నాలుగో ఆటగాడిగా విరాట్ కోహ్లి నిలిచాడు. అతని కంటే ముందు ఈ రికార్డు సచిన్ టెండూల్కర్, రాహుల్ ద్రవిడ్, మహేంద్ర సింగ్ ధోనీ పేరిట నమోదైంది. కోహ్లి క్రికెట్‌లోని మూడు ఫార్మాట్లలో రాణిస్తూ పరుగులు రాబట్టాడు. పరుగుల పరంగా ఎందరో దిగ్గజాలను వెనక్కునెట్టాడు. ఈ మ్యాచ్‌లో చిరస్మరణీయమైన ఇన్నింగ్స్ ఆడతాడని భావించినా.. అది కుదరకపోవడంతో ఖాతా తెరవకుండానే ఔటయ్యాడు.
వన్డే కెరీర్.. విరాట్ కోహ్లీ తన కెరీర్‌లో ఇప్పటివరకు 256 వన్డేలు ఆడాడు. ఇందులో అతను 12, 220 పరుగులు చేశాడు. ఈ ఫార్మాట్‌లో విరాట్ కోహ్లీ 43 సెంచరీలు, 63 హాఫ్ సెంచరీలు సాధించాడు.
టీ20 కెరీర్.. విరాట్ కోహ్లీ ఇప్పటివరకు 95 టీ20 ఇంటర్నేషనల్స్ ఆడాడు. ఇందులో అతని బ్యాటింగ్‌లో 3227 పరుగులు వచ్చాయి. క్రికెట్‌లో అత్యంత పొట్టి ఫార్మాట్‌లో కోహ్లీ 29 అర్ధశతకాలు సాధించాడు. కానీ, ఇప్పటి వరకు టీ20లో సెంచరీ చేయలేకపోయాడు.
టెస్టు కెరీర్.. ఓపెనర్ విరాట్ కోహ్లీ తన టెస్ట్ కెరీర్‌లో ఇప్పటివరకు 99 మ్యాచ్‌లు ఆడాడు. అతని బ్యాట్ 168 ఇన్నింగ్స్‌లలో 7962 పరుగులు సాధించింది. ఈ ఫార్మాట్‌లో కోహ్లి 27 సెంచరీలు, 28 హాఫ్ సెంచరీలు సాధించాడు. సుమారు 7 ఏళ్ల పాటు కెప్టెన్‌గా ఉన్న తర్వాత ఈ పదవిని వదులుకుంటున్నట్లు ఇటీవలే ప్రకటించిన సంగతి తెలిసిందే.
