Shivam Dube: ఆఫ్ఘనిస్తాన్‌పై విరుచుకుపడిన శివమ్ దూబే బ్యాట్.. ధరెంతో తెలిస్తే ఆశ్చర్యపోతారంతే?

Shivam Dube Bat Price: అఫ్గానిస్థాన్‌తో జరిగిన రెండో టీ20 మ్యాచ్‌లో టీమిండియా విజయం సాధించి సిరీస్‌లో 2-0 ఆధిక్యంలో నిలిచింది. టీ20 ప్రపంచకప్‌నకు సిద్ధమవుతున్న భారత జట్టు ఇక్కడ అనేక రకాల పరీక్షలు చేస్తోంది. తొలి రెండు మ్యాచ్‌ల్లో టీమ్‌ఇండియాకు కొత్త హీరో దొరికాడు. అది శివమ్ దూబే. శివమ్ బ్యాటింగ్, బౌలింగ్ రెండింటిలోనూ అద్భుతాలు చేశాడు. టీమ్ ఇండియా కొత్త సిక్సర్ రారాజు అయ్యాడు.

రెండో టీ20 మ్యాచ్‌లో శివమ్ దూబే 32 బంతుల్లో 5 ఫోర్లు, 4 సిక్సర్లతో 53 పరుగులు చేశాడు. మొదటి T-20లో కూడా, శివమ్ అద్భుతమైన ఇన్నింగ్స్ ఆడాడు. దీని కారణంగా టీమ్ ఇండియా రెండు మ్యాచ్‌లను గెలుచుకుంది. ఈ బ్యాటింగ్‌తో టీ-20 ప్రపంచకప్ రేసులో హార్దిక్ పాండ్యా కంటే శివమ్ ముందున్నాడు.

శివమ్ దూబే బ్యాట్‌లో ప్రత్యేకత ఏంటి?

టీమ్ ఇండియా కొత్త సిక్సర్ల రారాజుగా అవతరించిన శివమ్ దూబే గతేడాది నుంచి హల్ చల్ చేస్తున్నాడు. గత సంవత్సరం శివమ్ దూబే చెన్నై సూపర్ కింగ్స్‌లో చేరడంతో, అతని ఇమేజ్ పూర్తిగా మారిపోయింది. ఎంఎస్ ధోని నాయకత్వంలో, శివమ్ దూబే సిక్స్‌లు బాదే కొట్టే యంత్రంగా మారాడు. అయితే, ఈ క్రెడిట్ మొత్తం ఎంఎస్ ధోనీకి ఈ ఘనతను ఇచ్చాడు.

శివమ్ దూబే భారీ సిక్సర్ల రారాజు ఎలా అయ్యాడో ఇప్పుడు అందరూ తెలుసుకోవాలనుకుంటున్నారు. అలాగే, అతని బ్యాట్‌కు సంబంధించిన ప్రత్యేకత గురించి ఇప్పుడు తెలుసుకుందాం. శివమ్ దూబే ప్రస్తుతం SS బ్యాట్‌ని ఉపయోగిస్తున్నాడు. ఇది మీరట్‌లోని ప్రసిద్ధ సంస్థ. దీని పూర్తి పేరు సరీన్ స్పోర్ట్స్.

చాలా మంది పెద్ద ఆటగాళ్లు ఈ కంపెనీ బ్యాట్‌లను ఉపయోగిస్తున్నారు. ఇప్పుడు వాటికి శివమ్ దూబే పేరు కూడా జోడించారు. SAREEN SPORTS వెబ్‌సైట్‌లో వివిధ రకాల బ్యాట్‌లు కనిపిస్తాయి. అత్యంత ఖరీదైన బ్యాట్ ధర రూ. 50 వేల వరకు ఉంటుంది. ఇందులో మాస్టర్ రేంజ్, కోర్ రేంజ్, ఇతర రేంజ్‌లు కూడా ఉన్నాయి.

మరిన్ని క్రీడా వార్తల కోసం ఇక్కడ క్లిక్ చేయండి..