T20 World Cup Final: టెస్టు, వన్డేల్లో అగ్రస్థానం.. మరి టీ20ల్లోనూ కివీస్‌కు సాధ్యమయ్యేనా.. టీ20 ప్రపంచకప్ గెలిస్తే ఏం జరగనుందో తెలుసా?
Australia vs New Zealand: పొరుగు దేశాల మధ్య పోరుపై ప్రపంచమంతా ఆసక్తిగా ఎదురుచూస్తోంది. అందుకు కారణం కూడా ఉంది. న్యూజిలాండ్ టీం ప్రస్తుతం ప్రపంచ క్రికెట్‌లో అత్యుత్తమ దశలో కొనసాగుతోంది.
T20 World Cup Final, Australia vs New Zealand: టీ20 ప్రపంచకప్ 2021లో పోరు తుదిదశకు చేరుకుంది. ఆదివారం జరిగే ఫైనల్లో ఆస్ట్రేలియా వర్సెస్ న్యూజిలాండ్ జట్లు తలపడనున్నాయి. అయితే పొరుగు దేశాల మధ్య పోరుపై ప్రపంచమంతా ఆసక్తిగా ఎదురుచూస్తోంది. అందుకు కారణం కూడా ఉంది. న్యూజిలాండ్ టీం ప్రస్తుతం ప్రపంచ క్రికెట్‌లో అత్యుత్తమ దశలో కొనసాగుతోంది. కేన్ విలియమ్సన్ జట్టు ప్రస్తుతం ప్రపంచ క్రికెట్‌ను శాసిస్తోంది. ప్రస్తుతం టెస్టు క్రికెట్‌, వన్డేల్లో నంబర్‌వన్‌ జట్టుగా నిలిచింది. అదే సమయంలో, విలియమ్సన్ సేన కూడా టీ20 ప్రపంచ కప్‌లో ఫైనల్‌కు చేరుకుంది. నవంబర్ 14న వరల్డ్ కప్ ఫైనల్ మ్యాచ్ జరగనుంది. ఇలాంటి పరిస్థితుల్లో న్యూజిలాండ్ టీ20 ప్రపంచకప్ గెలిచి మూడు ఫార్మాట్ల ఐసీసీ ర్యాంకింగ్స్‌లో నంబర్ వన్‌గా నిలిచిన తొలి జట్టుగా అవతరించేందుకు ప్లాన్ చేస్తుంది.
న్యూజిలాండ్ మూడు ఫార్మాట్లలో నంబర్ వన్‌గా మారనుందా? వరల్డ్‌కప్‌ ఫైనల్లో న్యూజిలాండ్ టీం ఆస్ట్రేలియాను ఓడించినా.. టీ20ల్లో ప్రపంచ నంబర్‌వన్‌గా అవతరించడం సాధ్యం కాదు. ఇందుకోసం నవంబర్ 17 నుంచి టీమ్ ఇండియాతో జరిగే టీ20 సిరీస్లో భారత్‌ను 3-0తో ఓడించాల్సి ఉంటుంది. విలియమ్సన్ జట్టు ప్రస్తుతం టీ20 క్రికెట్‌లో నంబర్-4లో ఉంది. ప్రస్తుతం ఇంగ్లండ్‌ టీం నంబర్‌వన్‌ స్థానంలో కొనసాగుతోంది.
2019 ప్రపంచకప్ ఫైనల్లో ఇంగ్లండ్‌తో జరిగిన ఓటమికి న్యూజిలాండ్ ఇప్పటికే ప్రతీకారం తీర్చుకుంది. ఇప్పుడు వారి దృష్టి టీ20 ప్రపంచకప్ ఫైనల్లో ఆస్ట్రేలియాను ఓడించడంపైనే ఉంది. దీనితో పాటు, విలియమ్సన్ జట్టు కూడా భారతదేశాన్ని 3-0తో ఓడించి, క్రికెట్‌లోని మూడు ఫార్మాట్లలో నంబర్ వన్‌గా నిలిచి చరిత్రలో తమ జట్టు పేరును నమోదు చేయాలనే ఆలోచనలో ఉంది.
న్యూజిలాండ్ కూడా ఆస్ట్రేలియాపై ప్రతీకారం తీర్చుకుంటుంది. 2015 వన్డే ప్రపంచ కప్ ఫైనల్లో ఆస్ట్రేలియా చేతిలో న్యూజిలాండ్ ఓటమిని ఎదుర్కోవలసి వచ్చింది. నవంబర్ 14న విలియమ్సన్ జట్టు ఆస్ట్రేలియాపై ప్రతీకారం తీర్చుకుంటుంది. టీ20 ప్రపంచకప్‌లో ఇరు జట్లు ఒక్కసారి కూడా గెలవలేదు. టీ20 ప్రపంచకప్ చరిత్రలో ఇరు జట్లు ఫైనల్లో తలపడడం ఇదే తొలిసారి. ఏ జట్టు గెలిచినా.. చరిత్ర నెలకొల్పనున్నాయి.
Also Read: T20 World Cup 2021 Final: ఆసక్తికరంగా పొరుగు దేశాల మధ్య పోరు.. తొలి విజేతగా నిలిచేది ఎవరో?
