Watch Video: గాల్లో తేలుతూ.. కళ్లు చెదిరే క్యాచ్.. వీడియో చూస్తే వావ్ అనాల్సిందే.. వైరల్ వీడియో..
SRH VS MI, IPL 2023: ముంబై ఇండియన్స్పై సన్రైజర్స్ హైదరాబాద్ కెప్టెన్ ఐడెన్ మార్క్రామ్ అద్భుతమైన క్యాచ్ పట్టి ఆశ్చర్యపరిచాడు. ఈ టెక్నిక్ చూసిన వారందరూ ఆశ్చర్యపోయారు.
Updated on: Apr 18, 2023 | 9:30 PM
సన్రైజర్స్ హైదరాబాద్ కెప్టెన్ ఐడెన్ మార్క్రామ్ బ్యాటింగ్కే కాదు, ఫీల్డింగ్లోనూ రాణిస్తుంటాడు. ముంబై ఇండియన్స్పై తన అత్యుత్తమ ఫీల్డింగ్ను శాంపిల్గా చూపించాడు. మార్క్రామ్ సూర్యకుమార్ యాదవ్ క్యాచ్ పట్టిన తీరు చూస్తే.. ఫిదా అవ్వాల్సిందే. సూర్యకుమార్ యాదవ్ 7 పరుగులు చేసిన తర్వాత ఔటయ్యాడు. మార్కో జాన్సన్ బౌలింగ్లో మార్క్రామ్ అద్భుతమైన క్యాచ్ పట్టడంతో మిస్టర్ 360 ప్లేయర్ రెండెంకల స్కోర్ చేయకుండానే పెవిలియన్ చేరాడు.
ముంబయి ఇన్నింగ్స్ 12వ ఓవర్లో మార్క్రామ్ ఈ తుఫాను క్యాచ్ అందుకున్నాడు. మార్కో జాన్సన్ వేసిన ఐదో బంతికి సూర్యకుమార్ యాదవ్ ఏరియల్ షాట్ కొట్టేందుకు ప్రయత్నించాడు. అయితే మిడ్-ఆఫ్ వద్ద నిలబడిన ఐడెన్ మార్క్రామ్ తన ఎడమవైపు డైవ్ చేస్తూ బంతిని క్యాచ్ చేశాడు. అతను ఈ క్యాచ్ను క్లాస్గా, ఎటువంటి ఆవేశానికి లోనుకాకుండా ఒడిసి పట్టాడు. ఈ టెక్నిక్ని చూసి అందరూ ఆశ్చర్యపోయారు.
Best catch of the year ✨?#AidenMarkram @SunRisers ?#SRHvsMI pic.twitter.com/LZo4eB4yu8
— ＶＥＮＫＡ ? (@Itz_venka) April 18, 2023
మార్క్రామ్ హ్యాట్రిక్ క్యాచ్లు..
మార్క్రామ్ కేవలం సూర్యకుమార్ యాదవ్ క్యాచ్ ఒక్కటే కాదు. అంతకుముందు ఈ ఆటగాడు రోహిత్ శర్మను కూడా పెవిలియన్ చేర్చాడు. అలాగే ఇషాన్ కిషన్ క్యాచ్ను కూడా మార్క్రామ్ అందుకున్నాడు. ఈ క్యాచ్ కూడా అంత సులువు కాదు. కానీ మార్క్రామ్ క్యాచ్ పట్టడంలో ఎటువంటి తప్పు చేయలేదు. మార్క్రామ్ ఈ విధంగా మూడు క్యాచ్లను పట్టి హ్యాట్రిక్ సాధించాడు.
మరిన్ని క్రీడా వార్తల కోసం ఇక్కడ క్లిక్ చేయండి..
