IND vs PAK: ఫ్యాన్స్‌కు గుడ్‌న్యూస్.. భారత్-పాకిస్థాన్‌ మ్యాచ్‌కు ఫ్రీ ఎంట్రీ.. మరోసారి ఇలాంటి ఛాన్స్ రాదండోయ్..

Womens T20 Asia Cup 2024: టీ20 ఆసియా కప్ 2024 టోర్నమెంట్ జులై 19 నుంచి శ్రీలంకలోని దంబుల్లాలో ప్రారంభం కానుంది. ఈ టోర్నీలో 8 జట్లు పాల్గొంటాయి. ఈ టోర్నీలో పాకిస్థాన్, నేపాల్, యూఏఈ జట్లతో పాటు భారత మహిళల జట్టు గ్రూప్ ఏలో చేరింది. కాగా, బంగ్లాదేశ్‌, శ్రీలంక, మలేషియా, థాయ్‌లాండ్‌ గ్రూప్‌ బిలో చోటు దక్కించుకున్నాయి. టీం ఇండియా తన తొలి మ్యాచ్‌ను పాకిస్థాన్‌తో ఆడాల్సి ఉంది. దీని కోసం అభిమానులు ఆసక్తిగా ఎదురుచూస్తున్నారు. కాగా, ఈ టోర్నీకి సంబంధించి శ్రీలంక క్రికెట్ బోర్డు పెద్ద ప్రకటన చేసింది.

ఆసియా కప్ 2024కి భారీ ప్రకటన..

ఈ టోర్నీ కోసం శ్రీలంక క్రికెట్ బోర్డు కీలక నిర్ణయం తీసుకుంది. అన్ని మ్యాచ్‌లను అంతర్జాతీయ వేదికలపై ప్రత్యక్ష ప్రసారం చేస్తామని, అభిమానులకు స్టేడియంలోకి ఉచిత ప్రవేశం కల్పిస్తామని శ్రీలంక క్రికెట్ పత్రికా ప్రకటనలో తెలిపింది. అంటే భారత్-పాకిస్థాన్ జట్ల మధ్య జరిగే మ్యాచ్‌ను అభిమానులు గ్రౌండ్‌కి వెళ్లి ఉచితంగా చూడొచ్చు. అది కూడా చాలా అరుదుగా మాత్రమే కనిపిస్తుంది. టోర్నమెంట్‌లో మొత్తం 15 మ్యాచ్‌లు జరగనున్నాయి. ఇందులో సెమీ-ఫైనల్, ఫైనల్ రెండూ ఉంటాయి.

టీమ్ ఇండియా మ్యాచ్‌లు ఎప్పుడు జరుగుతాయి?

టీం ఇండియా తన తొలి మ్యాచ్‌ను పాకిస్థాన్‌తో ఆడాల్సి ఉండగా, ఈ మ్యాచ్ జులై 19న జరగనుంది. ఈ మ్యాచ్ రాత్రి 7 గంటలకు ప్రారంభం కానుంది. ఆ తర్వాత, జులై 21న మధ్యాహ్నం 2 గంటల నుంచి యూఏఈ జట్టుతో భారత జట్టు మ్యాచ్ ఆడనుంది. ఆ తర్వాత జులై 23న నేపాల్ జట్టుతో చివరి గ్రూప్ మ్యాచ్ ఆడాల్సి ఉంది. ఈ మ్యాచ్ రాత్రి 7 గంటల నుంచి ప్రారంభమవుతుంది.

ఆసియా కప్‌లో పాల్గొనే భారత జట్టు..

హర్మన్‌ప్రీత్ కౌర్ (కెప్టెన్), స్మృతి మంధాన, షెఫాలీ వర్మ, జెమీమా రోడ్రిగ్స్, దీప్తి శర్మ, రిచా ఘోష్ (WK), ఉమా ఛెత్రి (wk), పూజా వస్త్రాకర్, అరుంధతి రెడ్డి, రేణుకా సింగ్, దయాళన్ హేమలత, ఆశా శోభన, రాధా యాదవ్, శ్రేయాంక పట్, సంజన సంజీవన్.

రిజర్వ్: శ్వేతా సెహ్రావత్, సైకా ఇషాక్, తనూజా కన్వర్, మేఘనా సింగ్.

మరిన్ని క్రీడా వార్తల కోసం ఇక్కడ క్లిక్ చేయండి..