T20 Records : ఇది మామూలు చెత్త రికార్డులు కాదు భయ్యో.. టీ20లలో ఎక్కువ సార్లు డక్ అవుట్ అయిన భారత క్రికెటర్లు వీరే

T20 Records : టీ20 క్రికెట్ అంటే వేగంగా పరుగులు, భారీ సిక్స్‌లు, ఫోర్లు. కానీ ఈ ఫార్మాట్‌లో కొన్నిసార్లు సీనియర్ ఆటగాళ్లు కూడా సున్నా పరుగులకే (డక్) అవుట్ అవుతుంటారు. భారతీయ క్రికెటర్లు టీ20 ఇంటర్నేషనల్‌ లో అనేక రికార్డులు సృష్టించారు. అయితే, కొంతమంది ఆటగాళ్ల పేరిట వారు గుర్తుంచుకోవడానికి ఇష్టపడని రికార్డులు కూడా ఉన్నాయి. వాటిలో ముఖ్యమైనది, ఎక్కువ సార్లు డక్ అవుట్ అవ్వడం రికార్డు.

1. రోహిత్ శర్మ – 12 డక్

భారత జట్టు కెప్టెన్ రోహిత్ శర్మ, టీ20లలో అత్యధిక పరుగులు చేసిన ఆటగాడిగా పేరు పొందారు. అతని కెరీర్‌లో అనేక సెంచరీలు సాధించినప్పటికీ, టీ20 ఇంటర్నేషనల్‌లో 12 సార్లు సున్నా పరుగులకే అవుట్ అయి, ఈ రికార్డులో అగ్రస్థానంలో ఉన్నారు. రోహిత్ ఇప్పటివరకు 159 మ్యాచ్‌లు ఆడి 4231 పరుగులు చేశారు. ఇందులో 5 సెంచరీలు, 32 హాఫ్ సెంచరీలు ఉన్నాయి. అయినా, కొన్నిసార్లు అతను మొదటి బంతికే అవుట్ అయ్యి జట్టును నిరాశపరిచారు.

2. విరాట్ కోహ్లీ – 7 డక్

‘కింగ్ కోహ్లీ’ టీ20 ఇంటర్నేషనల్ క్రికెట్‌లో భారత జట్టుకు అత్యంత నమ్మకమైన బ్యాట్స్‌మెన్‌గా పరిగణించబడతారు. 125 మ్యాచ్‌లలో 4188 పరుగులు, 48 కంటే ఎక్కువ సగటు ఉన్నప్పటికీ, అతను 7 సార్లు సున్నా పరుగులకే అవుట్ అయిన రికార్డు ఉంది. కోహ్లీ ఈ ఫార్మాట్‌లో 38 హాఫ్ సెంచరీలు, 1 సెంచరీ సాధించారు.

3. సంజూ శాంసన్ – 6 డక్

రాజస్థాన్ రాయల్స్ కెప్టెన్,భారత వికెట్ కీపర్-బ్యాట్స్‌మెన్ సంజూ శాంసన్ ఇప్పటివరకు 44 టీ20 ఇంటర్నేషనల్ మ్యాచ్‌లు ఆడారు. అతను 861 పరుగులు చేశారు, ఇందులో 3 సెంచరీలు ఉన్నాయి. అయితే, అతని పేరిట 6 డక్ రికార్డులు కూడా ఉన్నాయి. ఇది అతని కెరీర్‌లో నిలకడ లోపించిందని చూపిస్తుంది.

4. కేఎల్ రాహుల్ – 5 డక్

స్టైలిష్ ఓపెనర్ కేఎల్ రాహుల్ పేరు కూడా ఈ జాబితాలో ఉంది. అతను భారత జట్టుకు 72 టీ20 ఇంటర్నేషనల్ మ్యాచ్‌లు ఆడి, మొత్తం 2265 పరుగులు చేశారు. కేఎల్ రాహుల్ పేరిట 2 సెంచరీలు, 22 హాఫ్ సెంచరీలు ఉన్నాయి. అయితే, అతను 5 సార్లు సున్నా పరుగులకే అవుట్ అయ్యారు.

5. సూర్యకుమార్ యాదవ్ – 5 డక్

స్కై అంటే సూర్యకుమార్ యాదవ్ ప్రపంచంలోని అత్యంత ప్రమాదకరమైన టీ20 బ్యాట్స్‌మెన్‌లలో ఒకరిగా పరిగణించబడతారు. కానీ అతను కూడా ఈ అరుదైన రికార్డులో భాగం. అతని పేరిట ఇప్పటివరకు 2605 పరుగులు, 4 సెంచరీలు నమోదయ్యాయి. అయితే, అతను కూడా 5 సార్లు డక్ అవుట్ అయ్యారు.

మరిన్ని క్రీడా వార్తల కోసం ఇక్కడ క్లిక్ చేయండి..