ఆ ఒక్క మార్పుతో ప్రపంచానికి పరిచయమైన హిట్మ్యాన్.. రోహిత్ లైఫ్లో ఎవరికీ తెలియని 6 నిజాలు..!
Rohit Sharma Unknown personal Life Facts: సాధారణ మధ్యతరగతి కుటుంబం నుంచి వచ్చి, పేదరికాన్ని జయించి, ఈ రోజు ప్రపంచ క్రికెట్ను శాసిస్తున్న రోహిత్ శర్మ కథ ప్రతి ఒక్కరికీ స్ఫూర్తిదాయకం. ఎన్నో ఒడిదొడుకులను తట్టుకుని నిలబడిన ఈ హిట్మ్యాన్ ప్రయాణం కేవలం క్రీడాకారులకే కాకుండా, జీవితంలో ఏదైనా సాధించాలనుకునే ప్రతి ఒక్క యువకుడికి ఒక గొప్ప పాఠం.
Rohit Sharma Unknown personal Life Facts: భారత క్రికెట్ చరిత్రలోనే అత్యంత విజయవంతమైన ఆటగాడిగా, సిక్సర్ల కింగ్గా వెలుగుతున్న హిట్మ్యాన్ రోహిత్ శర్మ ప్రస్థానం వెనుక ఎన్నో కన్నీళ్లు, పోరాటాలు దాగున్నాయి. మైదానంలో పరుగుల వర్షం కురిపించే ఈ అసాధారణ క్రికెటర్ వ్యక్తిగత జీవితం, క్రికెట్ కెరీర్కు సంబంధించిన కొన్ని హృదయపూర్వకమైన, ఆసక్తికరమైన అరుదైన నిజాలు మీకోసం.
విశాఖపట్నంతో ముడిపడిన రోహిత్ శర్మ లైఫ్..
భారతదేశ వ్యాప్తంగా కోట్ల మంది అభిమానులను సంపాదించుకున్న రోహిత్ శర్మకు తెలుగు రాష్ట్రాలతో చాలా బలమైన, ప్రత్యేకమైన బంధం ఉంది. రోహిత్ శర్మ తల్లి పూర్ణిమ దేవి ఆంధ్రప్రదేశ్లోని ప్రముఖ నగరమైన విశాఖపట్నానికి చెందినవారు. ఈ మాతృత్వపు అనుబంధం కారణంగానే మన హిట్మ్యాన్కు తెలుగు భాష చాలా చక్కగా అర్థమవుతుంది. అప్పుడప్పుడు ఆయన తెలుగులో మాట్లాడి ఇక్కడి అభిమానులను ఎంతగానో ఆశ్చర్యపరుస్తుంటారు. ఈ తెలుగు కనెక్షన్ మన తెలుగు క్రికెట్ ప్రేమికులకు రోహిత్ను మరింత దగ్గర చేసింది.
కటిక పేదరికం.. కన్నవారికి దూరంగా తాతయ్య నీడలో ప్రయాణం..
ఈ రోజు వందల కోట్ల సంపద, విలాసవంతమైన జీవితం అనుభవిస్తున్న రోహిత్ చిన్నతనం అంత సులభంగా సాగలేదు. ఆయన తండ్రి ఒక సాధారణ రవాణా సంస్థ స్టోర్హౌస్లో సంరక్షకుడిగా పని చేసేవారు. ఆ వచ్చే స్వల్ప ఆదాయంతో కుటుంబాన్ని పోషించడం భారంగా మారడంతో, రోహిత్ను ముంబైలోని బోరివలీలో ఉన్న తాతయ్య, బాబాయిల వద్ద వదిలిపెట్టారు. తల్లిదండ్రుల పెంపకానికి దూరంగా తాతయ్య నీడలోనే రోహిత్ పెరిగారు. కేవలం వారానికి ఒక్కసారి మాత్రమే తల్లిదండ్రులను కలిసే భాగ్యం దక్కేది. ఈ కఠినమైన పరిస్థితులే ఆయనను మానసికంగా ఎంతో దృఢంగా మార్చాయి.
బౌలర్గా ప్రయాణం మొదలుపెట్టి.. విశ్వవిజేత బ్యాటర్గా ఎదిగిన తీరు..
రోహిత్ శర్మ అసలు బ్యాటర్ కావాలని క్రికెట్ ఆడటం మొదలు పెట్టలేదంటే నమ్ముతారా? ఆయన మొదట్లో ఒక ఆఫ్-స్పిన్ బౌలర్. 1999లో క్రికెట్ శిక్షణ కేంద్రంలో చేరినప్పుడు ఆయన బౌలింగ్ శైలిని గమనించిన కోచ్ దినేష్ లాడ్, రోహిత్ చదువుతున్న పాఠశాలను కూడా మార్పించారు. ఆ తర్వాత రోహిత్ శర్మలోని బ్యాటింగ్ నైపుణ్యాన్ని గుర్తించిన కోచ్, అంతకుముందు ఎనిమిదో స్థానంలో బ్యాటింగ్కు వచ్చే రోహిత్ను ఓపెనర్గా పంపించిన ధోని, రోహిత్లోని అసలైన రూపాన్ని ప్రపంచానికి పరిచయం చేశాడు. ఆ నమ్మకాన్ని నిలబెట్టుకుంటూ మొదటి మ్యాచ్లోనే రోహిత్ శర్మ అద్భుతమైన శతకాన్ని బాది ప్రపంచానికి తన విశ్వరూపాన్ని పరిచయం చేశారు.
సచిన్ వీడ్కోలు మ్యాచ్లోనే టెస్ట్ అరంగేట్రం.. తొలి మ్యాచ్లోనే విధ్వంసం..
రోహిత్ శర్మ 2007లోనే పరిమిత ఓవర్ల క్రికెట్లో అడుగుపెట్టినప్పటికీ, తెల్లటి దుస్తుల్లో టెస్ట్ మ్యాచ్ ఆడేందుకు 2013 వరకు సుదీర్ఘ కాలం వేచి చూడాల్సి వచ్చింది. అది కూడా గాడ్ ఆఫ్ క్రికెట్ సచిన్ టెండూల్కర్ కెరీర్లో చివరిదైన వెస్టిండీస్ సిరీస్లోనే రోహిత్ టెస్ట్ అరంగేట్రం చేసే అరుదైన అవకాశం దక్కింది. ఆ చారిత్రక మ్యాచ్లోనే రోహిత్ శర్మ శతక గర్జన చేస్తూ ఏకంగా 177 పరుగుల అద్భుత ఇన్నింగ్స్ ఆడి టెస్టు క్రికెట్ ప్రపంచాన్ని సైతం ఆకర్షించారు.
ముంబై ఇండియన్స్పైనే ఐపీఎల్ హ్యాట్రిక్ వికెట్లు తీసిన మాయాజాలం..
ఐపీఎల్లో ముంబై ఇండియన్స్ జట్టుకు ఐదు ట్రోఫీలు అందించి అత్యంత విజయవంతమైన కెప్టెన్గా నిలిచిన ఘనత రోహిత్ది. అయితే రోహిత్ శర్మ గతంలో డెక్కన్ ఛార్జర్స్ తరఫున ఆడుతున్నప్పుడు, ఇదే ముంబై ఇండియన్స్ జట్టుపై హ్యాట్రిక్ వికెట్లు పడగొట్టి అందరికీ షాక్ ఇచ్చారు. బంతితో ఆయన సృష్టించిన ఈ అద్భుత రికార్డు ఐపీఎల్ చరిత్రలోనే ఒక మధురమైన జ్ఞాపకంగా నిలిచిపోయింది.
ఇది కూడా చదవండి: తప్పు జరిగింది అక్కడే.. అతన్ని నమ్మి ఓడిపోయాం.. ఆ ఒక్కడు ఉండుంటే ఫలితం మరోలా..
ప్రతిదీ మర్చిపోయే అమాయకత్వం.. కోహ్లీ ఆటపట్టించిన తీరు..
మైదానంలో ఎంత చురుగ్గా ఉంటారో, నిజజీవితంలో రోహిత్ అంత అమాయకుడు. ఆయనకు వస్తువులను మర్చిపోయే అలవాటు చాలా ఎక్కువని భారత మాజీ కెప్టెన్ విరాట్ కోహ్లీ ఒక ఇంటర్వ్యూలో సరదాగా బయటపెట్టారు. పాస్పోర్ట్, మొబైల్ ఫోన్లు, ఐప్యాడ్ వంటి ఎంతో విలువైన వస్తువులను రోహిత్ తరచూ హోటల్ గదుల్లోనే మర్చిపోతుంటారని, దీంతో జట్టు సిబ్బంది ఎప్పుడూ అలర్ట్గా ఉండాల్సి వస్తుందని విరాట్ నవ్వుతూ పంచుకున్నారు.
మరిన్ని క్రీడా వార్తల కోసం ఇక్కడ క్లిక్ చేయండి..