Video: మళ్లీ 5 కిలోలు తగ్గిన రోహిత్ శర్మ..? ఇంటర్నెట్‌ను షేక్ చేస్తోన్న కొత్త వీడియో..!

Rohit Sharma Weight Loss: నవంబర్ 30 నుంచి దక్షిణాఫ్రికాతో జరగనున్న మూడు వన్డేల సిరీస్ కోసం భారత స్టార్ బ్యాటర్ రోహిత్ శర్మ శిక్షణ ప్రారంభించాడు. ఇటీవల ఆస్ట్రేలియాతో జరిగిన మూడు మ్యాచ్‌ల సిరీస్‌లో ఆ ఫార్మాట్‌లో ఆడిన అతను 202 పరుగులతో ప్లేయర్ ఆఫ్ ది సిరీస్‌గా నిలిచాడు. కుడిచేతి వాటం బ్యాట్స్‌మన్ ఒక సెంచరీ, ఒక హాఫ్ సెంచరీతో సిరీస్‌లో అగ్రస్థానంలో నిలిచాడు. ఈ క్రమంలో టీమిండియా మాజీ కెప్టెన్, స్టార్ ఓపెనర్ రోహిత్ శర్మ (Rohit Sharma) ఫిట్‌నెస్ ట్రాన్స్‌ఫర్మేషన్ గురించి చర్చ రోజురోజుకు పెరుగుతోంది. ఇటీవల కాలంలో తన బరువు తగ్గడంపై కఠోర దీక్షతో ఉన్న హిట్‌మ్యాన్.. కొత్త లుక్‌లో కనిపిస్తూ అభిమానులను ఆశ్చర్యపరుస్తున్నాడు. ఈ క్రమంలో, తాజాగా రోహిత్ శర్మకు సంబంధించిన ఓ కొత్త వీడియో సోషల్ మీడియాలో వైరల్ అవుతోంది. “రోహిత్ శర్మ మరో 5 కేజీల బరువు తగ్గినట్లు కనిపిస్తోంది!” అంటూ నెటిజన్లు కామెంట్ల వర్షం కురిపిస్తున్నారు.

‘హిట్‌మ్యాన్ 2.0’ వెయిట్‌లాస్ జర్నీ..

Rohit Sharma during his today’s training session at MCA.❤️🔥

bRO working hard for upcoming ODI series.🔥 pic.twitter.com/6poli3S5z2

— 𝐑𝐮𝐬𝐡𝐢𝐢𝐢⁴⁵ (@rushiii_12) November 8, 2025

గత కొన్ని నెలలుగా రోహిత్ శర్మ ఫిట్‌నెస్ విషయంలో ప్రత్యేక దృష్టి సారించిన విషయం తెలిసిందే. 2027 వన్డే ప్రపంచకప్ ఆడటమే లక్ష్యంగా, విమర్శలకు చెక్ పెడుతూ.. ఆయన తన జీవనశైలి, డైట్‌లో భారీ మార్పులు చేసుకున్నారు.

Rohit Sharma training with the Mumbai Ranji team. 🔥

bRO guiding the next generation ❤️ pic.twitter.com/GSb4qZr2QE

— Rohan💫 (@rohann__45) November 8, 2025

ఇప్పటికే రోహిత్ సుమారు 10 నుంచి 20 కిలోల బరువు తగ్గినట్లు క్రికెట్ వర్గాలు, ఆయన వ్యక్తిగత కోచ్ అభిషేక్ నాయర్ వెల్లడించారు. తనకిష్టమైన ‘వడాపావ్’ వంటి వాటిని పూర్తిగా పక్కనపెట్టి, కఠినమైన డైట్‌తో పాటు బాడీబిల్డర్‌ను తలపించే వర్కవుట్స్ చేసినట్లు నాయర్ తెలిపారు.

Guy is loosing weight as easily as RCB used to loose IPL trophies.

Rohit Sharma is literally showing how to do it even at the age of 38. @ImRo45 you genius.🔥 pic.twitter.com/rPe815KGYx

— ANSHUMAN🚩 (@AvengerReturns) November 8, 2025

ప్రస్తుతం వైరల్ అవుతున్న వీడియోలో రోహిత్ శర్మ మునుపటి కంటే మరింత స్లిమ్‌గా, చురుకుగా కనిపిస్తున్నాడు. ఆయన ముఖం, శరీరం మరింత తేలికైనట్లు ఉండటంతో, అభిమానులు, విశ్లేషకులు “అతను మరో 5 కిలోల బరువు తగ్గాడు” అని భావిస్తున్నారు.

సోషల్ మీడియాలో అభిమానుల స్పందన..

రోహిత్ కొత్త లుక్‌పై ఇంటర్నెట్ ఊగిపోతోంది. #RohitSharma హ్యాష్‌ట్యాగ్‌తో ఈ వీడియోపై వేల సంఖ్యలో కామెంట్లు, పోస్ట్‌లు వెల్లువెత్తుతున్నాయి:

“అతని ఫోకస్ అద్భుతం. ఇది 2027 ప్రపంచకప్ కోసం రోహిత్ చేస్తున్న కృషిని స్పష్టంగా చూపిస్తోంది. Hitman 2.0 లోడింగ్!” అంటూ ఓ అభిమాని కామెంట్ చేయగా, “ఇది కేవలం బరువు తగ్గడం కాదు, తన అంతర్జాతీయ కెరీర్‌ను పొడిగించుకోవడానికి అతను చూపిస్తున్న అంకితభావం. కొత్త రోహిత్‌ను చూస్తుంటే సంతోషంగా ఉంది” అంటూ మరో యూజర్ కామెంట్ చేశాడు.

“ఇంతకుముందు హిట్‌మ్యాన్ (Hitman) అంటే సిక్స్‌లు, ఇప్పుడు హిట్‌మ్యాన్ అంటే ఫిట్‌నెస్! తగ్గేదే లే.. రోహిత్!” అంటూ మరో యూజర్ కామెంట్ చేశాడు.

Looks like Rohit Sharma has lost 5 more kgs after the Australia series 😂❤️. pic.twitter.com/5nWhdekWzU

— 𝐉𝐨𝐝 𝐈𝐧𝐬𝐚𝐧𝐞 (@jod_insane) November 8, 2025

వన్డే కెరీర్‌పై దృష్టి..

టీ20, టెస్టు క్రికెట్‌కు రోహిత్ శర్మ వీడ్కోలు పలికినప్పటికీ, వన్డే ఫార్మాట్‌లో మాత్రం కొనసాగాలని గట్టిగా నిర్ణయించుకున్నారు. ఈ ఫిట్‌నెస్ ట్రాన్స్‌ఫర్మేషన్, రాబోయే సంవత్సరాల్లో వన్డే క్రికెట్‌లో తన ఆధిపత్యాన్ని కొనసాగించడానికి, అత్యున్నత స్థాయిలో రాణించడానికి దోహదపడుతుందని నిస్సందేహంగా చెప్పవచ్చు.

రోహిత్ శర్మ కఠోర శ్రమ, అంకితభావం యువ క్రికెటర్లకు, అలాగే ఫిట్‌నెస్‌పై దృష్టి సారించాలనుకునే ప్రతి ఒక్కరికీ స్ఫూర్తిదాయకంగా నిలిచింది.