Gautam Gambhir: రోహిత్ 5 ట్రోఫీలు గెలిచాడు.. కొందరు ఒక్క కప్పు కూడా గెలవలేదు: గౌతమ్ గంభీర్
Rohit Sharma: ఈ వన్డే ప్రపంచకప్ అక్టోబర్ 5 నుంచి ప్రారంభం కానుంది. అహ్మదాబాద్లోని నరేంద్ర మోదీ స్టేడియంలో జరిగే ప్రారంభ మ్యాచ్లో ఇంగ్లండ్, న్యూజిలాండ్ జట్లు తలపడనున్నాయి. అక్టోబరు 8న ఆస్ట్రేలియాతో టీమిండియా ప్రపంచకప్ ప్రచారాన్ని ప్రారంభించనుంది. భారత జట్టు కెప్టెన్ రోహిత్ శర్మ కెప్టెన్సీపై మాజీ క్రికెటర్ గౌతమ్ గంభీర్ ప్రశంసలు కురిపించాడు. దీనిపై మాట్లాడిన గౌతమ్ గంభీర్, రోహిత్ శర్మ నాయకత్వంపై నాకు ఎలాంటి సందేహం లేదంటూ చెప్పుకొచ్చాడు.
Team India: ఆసియా కప్లో టీమిండియా ఛాంపియన్గా నిలిచింది. ఈ కీలక విజయం తర్వాత భారత జట్టు కెప్టెన్ రోహిత్ శర్మ కెప్టెన్సీపై మాజీ క్రికెటర్ గౌతమ్ గంభీర్ ప్రశంసలు కురిపించాడు. దీనిపై మాట్లాడిన గౌతమ్ గంభీర్, రోహిత్ శర్మ నాయకత్వంపై నాకు ఎలాంటి సందేహం లేదు. ఎందుకంటే రోహిత్ నాయకత్వంలో ముంబై ఇండియన్స్ ఐపీఎల్లో 5 సార్లు ట్రోఫీని గెలుచుకుందని గుర్తు చేశాడు.
కొందరు తమ కెప్టెన్సీలో ఒక్క కప్పు కూడా గెలవలేకపోయారు. రోహిత్ శర్మ నాయకత్వ లక్షణాలపై ఎలాంటి సందేహం లేదని గంభీర్ అన్నాడు.
ఇక్కడ రోహిత్ శర్మ నాయకత్వాన్ని పొగిడే క్రమంలో విరాట్ కోహ్లీ కెప్టెన్సీని గంభీర్ పరోక్షంగా ఎగతాళి చేసినట్టు సమాచారం వినిపిస్తోంది. ఎందుకంటే కింగ్ కోహ్లి సారథ్యంలో ఆర్సీబీ ఏ కప్ గెలవలేదు. అంతే కాకుండా టీమిండియా కెప్టెన్సీ నుంచి కోహ్లీని తప్పించి రోహిత్ శర్మకు పగ్గాలు అప్పగించారు. దీని వల్లే కప్ గెలవలేదని కొందరు వెక్కిరించినట్లు విశ్లేషిస్తున్నారు.
రోహిత్ శర్మకు అగ్నిపరీక్ష..
మరో పదిహేను రోజుల తర్వాత రోహిత్ శర్మకు అసలు పరీక్ష ఎదురుకానుంది. ఎందుకంటే వన్డే ప్రపంచకప్ ప్రారంభం కానుంది. ఇక్కడ టీమ్ ఇండియా ప్రదర్శన ఎలా ఉంటుందనే దానిపై రోహిత్ శర్మ నాయకత్వం ఆధారపడి ఉంటుంది.
ప్రస్తుతం జట్టులో 15-18 మంది అత్యుత్తమ ఆటగాళ్లు ఉన్నారు. వారిని ఎలా ఉపయోగించుకుంటాడు, ఎలాంటి కీలక నిర్ణయాలు తీసుకుంటాడు అనేది ఇప్పుడు ప్రశ్నార్థకంగా మిగిలిపోయింది. ప్రపంచకప్లో రోహిత్ శర్మ విఫలమైతే తనపై కూడా విమర్శలు వస్తాయని గంభీర్ అభిప్రాయపడ్డాడు.
ప్రతి ప్రపంచకప్ తర్వాత, జట్టు నాయకత్వంపై ప్రశ్నలు తలెత్తుతాయి. ఇదే విషయంలో టీమిండియా మాజీ ఆటగాడు విరాట్ కోహ్లి కూడా ఎదుర్కొన్నాడు. 2007లో రాహుల్ ద్రవిడ్ కూడా ఇలాంటి ప్రశ్నలకు గురి అయ్యాడు. ఇప్పుడు రోహిత్ శర్మ నాయకత్వంలో భారత జట్టు ప్రపంచకప్ ఆడుతోంది.
2023 ప్రపంచకప్లో భారత జట్టు విఫలమైతే, రోహిత్ శర్మ నాయకత్వంపై ప్రశ్నలు తలెత్తుతాయి. కానీ, ప్రస్తుత ప్రదర్శన ఆధారంగా ప్రపంచకప్లో చివరి దశకు చేరుకునే సత్తా ఈ జట్టుకు ఉందని గౌతమ్ గంభీర్ అభిప్రాయపడ్డాడు.
వన్డే ప్రపంచకప్ ఎప్పుడు ప్రారంభమవుతుంది?
ఈ వన్డే ప్రపంచకప్ అక్టోబర్ 5 నుంచి ప్రారంభం కానుంది. అహ్మదాబాద్లోని నరేంద్ర మోదీ స్టేడియంలో జరిగే ప్రారంభ మ్యాచ్లో ఇంగ్లండ్, న్యూజిలాండ్ జట్లు తలపడనున్నాయి. అక్టోబరు 8న ఆస్ట్రేలియాతో టీమిండియా ప్రపంచకప్ ప్రచారాన్ని ప్రారంభించనుంది.
మరిన్ని క్రీడా వార్తల కోసం ఇక్కడ క్లిక్ చేయండి..