KKR vs PBKS, IPL 2021: పంజాబ్ టార్గెట్ 166.. అర్థశతకంతో ఆకట్టుకున్న వెంకటేష్ అయ్యర్

KKR vs PBKS, IPL 2021: పంజాబ్ టార్గెట్ 166.. అర్థశతకంతో ఆకట్టుకున్న వెంకటేష్ అయ్యర్
Ipl 2021, Kkr Vs Pbks

KKR vs PBKS: కోల్‌కతా నైట్‌రైడర్స్ టీం నిర్ణీత 20 ఓవర్లలో 7 వికెట్లు కోల్పోయి 165 పరుగులు చేసింది. దీంతో పంజాబ్ కింగ్స్ ముందు 166 పరుగుల లక్ష్యాన్ని ఉంచింది.

Venkata Chari

|

Oct 01, 2021 | 9:30 PM

KKR vs PBKS: ఐపీఎల్ -14లో భాగంగా 45 వ మ్యాచ్‌లో కోల్‌కతా నైట్ రైడర్స్ (KKR) వర్సెస్ పంజాబ్ కింగ్స్ (PBKS) టీంలు దుబాయ్‌లో తలపడుతున్న సంగతి తెలిసిందే. టాస్ ఓడిపోయి బ్యాటింగ్ చేసిన కోల్‌కతా నైట్‌రైడర్స్ టీం నిర్ణీత 20 ఓవర్లలో 7 వికెట్లు కోల్పోయి 165 పరుగులు చేసింది. దీంతో పంజాబ్ కింగ్స్ ముందు 166 పరుగుల లక్ష్యాన్ని ఉంచింది. కోల్‌కతా ఓపెనర్లలో శుభ్మన్ గిల్ (7) త్వరగానే ఔటైనా.. మరో ఓపెనర్ 67(49 బంతులు, 9 ఫోర్లు, 1 సిక్స్) పరుగులతో ఆకట్టుకున్నాడు. పంజాబ్ కింగ్స్ బౌలర్లపై బౌండరీలతో చుక్కలు చూపించాడు.

కాగా, రాహుల్ త్రిపాఠి(34 పరుగులు, 26 బంతులు, 3 ఫోర్లు, 1 సిక్స్) కాస్త పర్వాలేదనిపించినా.. ఇయాన్ మోర్గాన్(2) మరోసారి విఫలమయ్యాడు. నితీష్ రాణా (31 పరుగులు, 18 బంతులు, 2 ఫోర్లు, 2 సిక్సులు) కొద్దిసేపు మైదానంలో మెరుపులు కురిపించాడు. 172 స్ట్రైక్‌రేట్‌తో బ్యాటింగ్ చేసి పంజాబ్ బౌలర్లపై ఆధిపత్యం చూపించాడు. దినేష్ కార్తీక్ 11 చేసి చివరి బంతికి బౌల్డయ్యాడు. నరైన్ 3 పరుగులతో నాటౌట్‌గా నిలిచారు. పంజాబ్ బౌలర్లలో అర్షదీప్ సింగ్ 3, రవి బిష్ణోయ్ 2, షమీ ఒక వికెట్ పడగొట్టారు.

కేఎల్ రాహుల్ సారథ్యంలోని పంజాబ్ టీం ప్లే ఆఫ్ రేసులో ఉండాలంటే ఈ మ్యాచులో ఖచ్చితంగా గెలవాల్సిందే. పంజాబ్ టీంకు ఈ మ్యాచ్ డూ ఆర్ డై లాంటిదే. కేకేఆర్ టీం ప్రస్తుతం 10 పాయింట్లతో నాలుగో స్థానంలో నిలిచింది. 11 మ్యాచుల్లో 6 మ్యాచులు ఓడిపోయారు. పంజాబ్ కింగ్స్ టీం 7 మ్యాచుల్లో ఓడిపోయి ఆరో స్థానంలో నిలించింది. ఇరు జట్ల మధ్య మొత్తం 28 మ్యాచులు జరిగాయి. ఇందులో కేకేఆర్ టీం 19, పంజాబ్ కింగ్స్ టీం 9 మ్యాచుల్లో గెలుపొందాయి. చివరిసారిగా ఈ రెండు టీం తలపడినప్పుడు కేేకేఆర్ టీం అహ్మదాబాద్‌లో సులభంగా విజయం సాధించింది.

Also Read: KKR vs PBKS Live Score, IPL 2021: పంజాబ్ కింగ్స్ టార్గెట్ 166.. హాఫ్ సెంచరీతో ఆకట్టుకున్న వెంకటేష్ అయ్యర్

Ravichandran Ashwin: దినేష్ కార్తీకే అసలైన అపరాధి.. సెహ్వాగ్ సంచలన వ్యాఖ్యలు.. అశ్వి‎న్‎కు అండగా మాజీలు

Follow us on

Related Stories

Most Read Stories

Click on your DTH Provider to Add TV9 Telugu