PAK vs ENG: ఐరెన్ లెగ్ బాబర్ ఔట్.. కట్‌చేస్తే.. స్వదేశంలో 1348 రోజుల నిరీక్షణకు తెర దించిన పాక్

Pakistan beat England, Multan Test: ఎట్టకేలకు పాకిస్థాన్ జట్టు విజయం సాధించింది. సొంతగడ్డపై టెస్టు మ్యాచ్‌లో విజయం సాధించాలనే నిరీక్షణ ముగిసింది. బాబర్ అజామ్‌‌ను తొలగించిన ఈ మ్యాచ్‌లో పాకిస్థాన్ 152 పరుగుల తేడాతో భారీ విజయాన్ని నమోదు చేసింది. ముల్తాన్‌ వేదికగా జరిగిన రెండో టెస్టులో ఇంగ్లండ్‌పై పాకిస్థాన్‌ కేవలం 4 రోజుల్లోనే విజయం సాధించింది. మొత్తం 20 వికెట్లు పడగొట్టిన స్పిన్నర్ పాక్ విజయంలో హీరోగా నిలిచాడు. ఈ అద్భుత విజయంతో పాకిస్థాన్ 1338 రోజుల సుదీర్ఘ నిరీక్షణ కూడా ముగిసింది.

పాక్ స్పిన్నర్ల అద్భుత ప్రదర్శన..

ముల్తాన్ వేదికగా జరుగుతున్న రెండో టెస్టు మ్యాచ్‌లో ఇంగ్లండ్‌తో పాక్ 297 పరుగుల విజయలక్ష్యాన్ని నిర్దేశించింది. ఈ లక్ష్యాన్ని ఛేదించేందుకు వచ్చిన ఇంగ్లండ్ బ్యాట్స్ మెన్స్.. ముల్తాన్ పిచ్‌పై పాక్ స్పిన్నర్లకు లొంగిపోయారు. ఇంగ్లండ్‌కు చెందిన 8 మంది బ్యాట్స్‌మెన్‌లను నోమన్ అలీ ఒక్కడే పెవిలియన్ చేర్చాడు. ఫలితంగా జట్టు మొత్తం కలిసి 150 పరుగులు కూడా చేయలేకపోయింది. లక్ష్యాన్ని ఛేదించలేకపోయిన ఇంగ్లండ్ జట్టు తన రెండో ఇన్నింగ్స్‌లో 144 పరుగులకే ఆలౌటైంది.

ముల్తాన్‌లో పాకిస్థాన్ విజయం దిశగా ఎలా పయనించింది?

ముల్తాన్ టెస్టులో పాకిస్థాన్ తొలుత బ్యాటింగ్ చేసింది. మొదటి ఇన్నింగ్స్‌లో కమ్రాన్ గులామ్ చేసిన సెంచరీ ఆధారంగా 366 పరుగులు చేసింది. బాబర్ ఆజం స్థానంలో జట్టులోకి అడుగుపెట్టిన సంగతి తెలిసిందే. కమ్రాన్ గులామ్ 118 పరుగులు చేశాడు. దీంతో ఇంగ్లండ్ తన తొలి ఇన్నింగ్స్‌లో 291 పరుగులు చేసింది. పాకిస్థాన్ రెండో ఇన్నింగ్స్‌లో సల్మాన్ అఘా 63 పరుగులు చేశాడు. పాకిస్థాన్ రెండో ఇన్నింగ్స్ 221 పరుగుల వద్ద ముగిసింది. దీంతో ఇంగ్లండ్ 297 పరుగుల లక్ష్యాన్ని అందుకుంది.

నోమన్, సాజిద్‌ల స్పిన్‌కు ఇంగ్లండ్ బలి..

297 పరుగుల లక్ష్యాన్ని సాధించడానికి ఇంగ్లండ్‌కు పూర్తి సమయం ఉంది. కానీ సమయం ఉన్నప్పటికీ, వారు లక్ష్యాన్ని చేరుకోలేకపోయారు. ఎందుకంటే పాక్ స్పిన్నర్లను అర్థం చేసుకోలేకపోయారు. నోమన్ అలీ, సాజిద్ ఖాన్ కలిసి రెండు ఇన్నింగ్స్‌ల్లోనూ ఇంగ్లిష్ బ్యాట్స్‌మెన్స్‌ను ఓడించారు. తొలి ఇన్నింగ్స్‌లో సాజిద్ ఖాన్ 7 వికెట్లు, నోమన్ అలీ 3 వికెట్లు తీయగా, రెండో ఇన్నింగ్స్‌లో నోమన్ అలీ 8 వికెట్లు తీయగా, సాజిద్ 2 వికెట్లు తీశాడు. అంటే 20 మందిలో నోమన్ అలీ 11 వికెట్లు తీయగా, సాజిద్ ఖాన్ 9 వికెట్లు తీశాడు.

మరిన్ని క్రీడా వార్తల కోసం ఇక్కడ క్లిక్ చేయండి..