T20 World Cup: అయ్యో పాపం.. 10 ఏళ్ల ప్రపంచకప్ చరిత్రలోనే షాకింగ్ రిజల్ట్.. తొలిసారి గ్రూప్ దశ నుంచే కేన్ మామా టీం ఔట్
New Zealand Ruled Out From T20 World Cup 2024: వెస్టిండీస్, ఆఫ్ఘనిస్థాన్లపై న్యూజిలాండ్ ఓటమి చవిచూడాల్సి వచ్చింది. ఈ కారణంగా పాయింట్ల పట్టికలో ఖాతా ఇంకా తెరవలేదు. మరోవైపు గ్రూప్ సిలో వెస్టిండీస్ వరుసగా మూడు మ్యాచ్లు గెలిచి సూపర్-8కి అర్హత సాధించగా, ఆఫ్ఘనిస్తాన్ కూడా మూడు మ్యాచ్లు గెలిచి తదుపరి రౌండ్లోకి ప్రవేశించింది. ఇలాంటి పరిస్థితుల్లో కివీస్ జట్టు టోర్నీ నుంచి నిష్క్రమించింది.
Updated on: Jun 14, 2024 | 1:36 PM
New Zealand Ruled Out From T20 World Cup 2024: టీ20 ప్రపంచ కప్ 2024 లో న్యూజిలాండ్ జట్టు ప్రయాణం ముగిసింది. వారు ఇంకా రెండు మ్యాచ్లు ఆడాల్సి ఉన్నా.. ఈ మ్యాచ్లకు విలువలేకుండా పోయింది. సూపర్-8 రేసు నుంచి న్యూజిలాండ్ జట్టు నిష్క్రమించింది. కివీ జట్టు తన తొలి రెండు మ్యాచ్ల్లో ఓటమిని చవిచూడాల్సి వచ్చింది. దీంతో టీ20 ప్రపంచకప్ను గెలుచుకోవాలనే వారి కల కూడా చెదిరిపోయింది.
వెస్టిండీస్, ఆఫ్ఘనిస్థాన్లపై న్యూజిలాండ్ ఓటమి చవిచూడాల్సి వచ్చింది. ఈ కారణంగా పాయింట్ల పట్టికలో ఖాతా ఇంకా తెరవలేదు. మరోవైపు గ్రూప్ సిలో వెస్టిండీస్ వరుసగా మూడు మ్యాచ్లు గెలిచి సూపర్-8కి అర్హత సాధించగా, ఆఫ్ఘనిస్తాన్ కూడా మూడు మ్యాచ్లు గెలిచి తదుపరి రౌండ్లోకి ప్రవేశించింది. ఇలాంటి పరిస్థితుల్లో కివీస్ జట్టు టోర్నీ నుంచి నిష్క్రమించింది.
గత 10 ఏళ్లలో తొలిసారిగా సెమీ-ఫైనల్ లేదా ఫైనల్స్కు చేరుకోలేకపోయిన న్యూజిలాండ్..
దీనితో పాటు, న్యూజిలాండ్ పేరుతో ఒక భారీ రికార్డ్ కూడా నమోదైంది. గత 10 ఏళ్ల ప్రపంచకప్లో న్యూజిలాండ్ జట్టు సెమీ ఫైనల్ లేదా ఫైనల్లో భాగం కాకపోవడం ఇదే తొలిసారి. 2014 టీ20 ప్రపంచకప్ తర్వాత న్యూజిలాండ్కు ఇలా జరగడం ఇదే తొలిసారి.
For the first time since the 2014 T20 WC, New Zealand won’t be part of the semi-finals of a limited-overs World Cup #T20WorldCup #NewZealand pic.twitter.com/UruveiPOQA
— Cricbuzz (@cricbuzz) June 14, 2024
న్యూజిలాండ్ జట్టు ఇప్పటి వరకు ఒక్క ప్రపంచకప్ టైటిల్ కూడా గెలవనప్పటికీ, ఐసీసీ టోర్నీల్లో నిలకడగా రాణిస్తోంది. దాదాపు ప్రతి ICC టోర్నమెంట్లో, కివీ జట్టు సెమీ-ఫైనల్ లేదా ఫైనల్స్కు చేరుకుంటుంది. న్యూజిలాండ్ 2015, 2019 వన్డే ప్రపంచ కప్లలో ఫైనల్స్కు చేరుకుంది. 2023 వన్డే ప్రపంచ కప్లో సెమీ-ఫైనల్ ఆడింది. 2016 టీ20 ప్రపంచకప్లో ఆ జట్టు సెమీఫైనల్కు చేరుకుంది.
అదేవిధంగా, న్యూజిలాండ్ 2021 టీ20 ప్రపంచ కప్లో ఫైనల్కు చేరుకుంది. 2022 టీ20 ప్రపంచ కప్లో సెమీ-ఫైనల్కు కూడా చేరుకుంది. ప్రతి ప్రపంచకప్లో న్యూజిలాండ్ జట్టు ఖచ్చితంగా సెమీ-ఫైనల్ లేదా ఫైనల్స్ ఆడిందని ఇది చూపిస్తుంది. అయితే, 2024 టీ20 ప్రపంచ కప్లో, జట్టు ఇప్పటికే మొదటి రౌండ్కు దూరంగా ఉంది.
మరిన్ని క్రీడా వార్తల కోసం ఇక్కడ క్లిక్ చేయండి..
