Video: ఇదేంది సామీ.. ఈ దూకుడు.. బౌండరీ లైన్‌లో కళ్లు చెదిరే ఫీల్డింగ్.. వీడియో చూస్తే వావ్ అనాల్సిందే..
Manish Pandey Superman Fielding: కెప్టెన్ ఎలా ఉండాలి? కెప్టెన్ తన జట్టు కోసం ఏమి చేయాలి? ఇలాంటి ప్రశ్నలన్నింటికీ సమాధానమే మనీష్ పాండే గాలిలో దూకడం. బౌండరీపై ఓ అద్భుతమైన జంప్‌తో పరుగులు కాపాడడమే కాకుండా తన జట్టును ఓటమి నుంచి కాపాడాడు. అలాగే లీగ్‌లో ఛాంపియన్‌గా మార్చేశాడు. కెప్టెన్‌గా ఈ కళ్లు చెదిరే ఫీట్ చేసిన మనీష్ పాండే, బ్యాటింగ్‌లోనూ అదరగొట్టాడు. అతని జట్టును మహారాజా T20 ట్రోఫీ ఛాంపియన్‌గా మార్చడంలో హీరోగా నిలిచాడు.
Updated on: Aug 30, 2023 | 12:29 PM
మహారాజా T20 ట్రోఫీ చివరి మ్యాచ్‌లో టీమిండియా క్రికెటర్ పాండే జీ అంటే మనీష్ పాండే అద్భుతమైన ఫీట్‌తో ఆకట్టుకున్నాడు. బౌండరీ లైన్‌పై దూకి క్యాచ్ పట్టుకుని జట్టుకు విజయాన్ని అందించాడు. మనీష్ పాండే ఈ జంప్ ప్రజలను ఆకర్షించింది.ఒక కెప్టెన్ తన జట్టు టైటిల్ గెలవడానికి ఏం చేయాలో అదే చేశాడు. అదే అత్యుత్సాహం మనీష్ పాండే జట్టు హుబ్లీ టైగర్స్‌ను చాంపియన్‌గా చేసింది.
ఆగస్టు 29 సాయంత్రం జరిగిన మహారాజా T20 ట్రోఫీ ఫైనల్‌లో హుబ్లీ టైగర్స్ మైసూర్ వారియర్స్‌తో తలపడింది. ఈ మ్యాచ్‌లో తొలుత బ్యాటింగ్ చేసిన మనీష్ పాండే జట్టు హుబ్లీ టైగర్స్ 20 ఓవర్లలో 8 వికెట్లకు 203 పరుగులు చేసింది. ప్రతిస్పందనగా, మైసూర్ వారియర్స్ కూడా గెలుపుపై పూర్తి దృష్టి పెట్టింది. దీని కారణంగా చివరి 4 బంతుల్లో లెక్కలు మారిపోయాయి.
4 బంతుల్లో 11 పరుగులు..
204 పరుగుల లక్ష్యంతో బరిలోకి దిగిన మైసూర్ టైగర్స్ చివరి 4 బంతుల్లో 11 పరుగులు చేయాల్సి వచ్చింది.
మనీష్ పాండే ‘సూపర్‌మ్యాన్’ జంపింగ్..
View this post on Instagram
బంతి బౌండరీ దాటబోతుండగా మనీష్ పాండే ఒక్కసారిగా గాలిలోకి దూకాడు. బంతిని బౌండరీకి వెళ్లకుండా ఆపాడు. దీంతో జట్టుకు 5 పరుగులు రాకుండా కూడా కాపాడాడు. దీంతో మనీష్ పాండే జట్టు హుబ్లీ టైగర్స్ మహారాజా T20 లీగ్ చివరి మ్యాచ్‌లో 8 పరుగుల తేడాతో విజయం సాధించగలిగింది.
ఫీల్డింగ్‌కు ముందు బ్యాట్‌తో అద్భుతం.. కట్‌చేస్తే.. హీరో ఆఫ్ ద మ్యాచ్‌గా మనీష్ పాండే..
కెప్టెన్‌గా ఈ కళ్లు చెదిరే ఫీట్ చేసిన మనీష్ పాండే, బ్యాటింగ్‌లోనూ అదరగొట్టాడు. అతని జట్టును మహారాజా T20 ట్రోఫీ ఛాంపియన్‌గా మార్చడంలో హీరోగా నిలిచాడు. ఈ అద్భుత ఫీల్డింగ్‌కు ముందు మనీష్ పాండే బ్యాట్‌తో సత్తా చాటాడు. కేవలం 23 బంతుల్లోనే 50 పరుగులు చేశాడు. 217.39 స్ట్రైక్ రేట్‌తో ఆడిన అతని ఇన్నింగ్స్‌లో 4 సిక్సర్లు, 3 ఫోర్లు ఉన్నాయి.
మరిన్ని క్రీడా వార్తల కోసం ఇక్కడ క్లిక్ చేయండి..
