Video: లక్నో ఫ్యాన్స్కు బ్యాడ్న్యూస్.. గాయంతో సీజన్ మొత్తానికి కేఎల్ రాహుల్ దూరం.. కెప్టెన్గా ఎవరంటే?
IPL 2023: లక్నో కెప్టెన్ కేఎల్ రాహుల్ గాయం కారణంగా టోర్నమెంట్ నుంచి వైదొలిగినట్లు తెలుస్తోంది. దీంతో కృనాల్ పాండ్యా జట్టు కమాండ్ని పొందవచ్చని వార్తలు వినిపిస్తున్నాయి.
Updated on: May 03, 2023 | 3:24 PM
ఇండియన్ ప్రీమియర్ లీగ్ 2023లో రాణిస్తున్న లక్నో సూపర్జెయింట్కు భారీ ఎదురుదెబ్బ తగిలింది. లక్నో కెప్టెన్ కేఎల్ రాహుల్ ఐపీఎల్కు దూరమయ్యాడు. రాయల్ ఛాలెంజర్స్ బెంగళూరుతో జరిగిన మ్యాచ్లో కేఎల్ రాహుల్ గాయమైంది. అతను నడుస్తున్నప్పుడు తన తొడ కండరాల నొప్పితో ఇబ్బంది పడ్డాడు. ఇప్పుడు కేఎల్ రాహుల్ టోర్నమెంట్లో పాల్గొనడం లేదంటూ బెంగళూరులోని జాతీయ క్రికెట్ అకాడమీకి వెళ్లనున్నట్లు వార్తలు వెలువడుతున్నాయి.
వార్తా సంస్థ పీటీఐ కథనం ప్రకారం, కేఎల్ రాహుల్ ప్రస్తుతం లక్నోలో ఉన్నాడు. అక్కడ నుంచి ముంబైకి తీసుకువెళతారంట. బీసీసీఐ వైద్య బృందం అతడిని పరీక్షించనుంది. ఇప్పటి వరకు కేఎల్ రాహుల్ను స్కాన్ చేయలేదు. ఎందుకంటే దెబ్బతగిలిన 48 గంటల తర్వాత మాత్రమే స్కాన్ సాధ్యమవుతుంది. లక్నో కెప్టెన్ కేఎల్ రాహుల్ గాయం కారణంగా టోర్నమెంట్ నుంచి వైదొలిగితే.. కృనాల్ పాండ్యా జట్టు కమాండ్ని పొందవచ్చని వార్తలు వినిపిస్తున్నాయి.
Kl rahul leave the ground.#LSGvsRCB pic.twitter.com/m3so2nn684
— Nilesh (@Nilesht2003) May 1, 2023
కేఎల్ రాహుల్ WTCలో ఆడగలడా?
ప్రపంచ టెస్ట్ ఛాంపియన్షిప్ ఫైనల్ జట్టులో కేఎల్ రాహుల్ భాగమైన సంగతి తెలిసిందే. జూన్ 7 నుంచి భారత్-ఆస్ట్రేలియా మధ్య టైటిల్ మ్యాచ్ జరగనుండగా, ఈ మ్యాచ్లోపు కేఎల్ రాహుల్ ఫిట్గా ఉంటాడా అనేది ఇప్పుడు ప్రశ్నగా మారింది. ఆ మ్యాచ్ కారణంగా కేఎల్ రాహుల్ ఐపీఎల్లో మరింతగా ఆడకపోయే అవకాశం ఉంది. కాగా, కేఎల్ రాహుల్ గాయం ఎంత తీవ్రంగా ఉందో స్కాన్ ద్వారానే తెలుస్తుంది.
రాహుల్ నిష్క్రమణ లక్నోకు పెద్ద దెబ్బ..
— Sanju Here ?? (@me_sanjureddy) May 1, 2023
కేఎల్ రాహుల్ నిష్క్రమణ లక్నోకు పెద్ద దెబ్బ లాంటిది. రాహుల్ బ్యాట్ మౌనంగా ఉన్నప్పటికీ, అతనిలాంటి ఆటగాడు ఎప్పుడైనా ఫాంలోకి రావచ్చు. అయితే ఇప్పుడు గాయం కారణంగా అతడు ఇక ఆడలేడు. అతని గైర్హాజరీలో కృనాల్ పాండ్యా జట్టు బాధ్యతలు చేపట్టనున్నాడు. ఈ ఐపీఎల్ సీజన్లో కేఎల్ రాహుల్ 9 మ్యాచ్ల్లో 34.25 సగటుతో 274 పరుగులు చేశాడు. అతని బ్యాట్ నుంచి రెండు అర్ధ సెంచరీలు వచ్చాయి. అతని స్ట్రైక్ రేట్ 113.22 మాత్రమే అయినప్పటికీ, దానిపై చాలా ప్రశ్నలు తలెత్తుతున్నాయి.
గత 5 సీజన్లలో కేఎల్ రాహుల్ అద్భుతంగా రాణిస్తున్నప్పటికీ. ఈ ఆటగాడు 5 సీజన్లలో 4 సీజన్లలో 600 కంటే ఎక్కువ పరుగులు చేశాడు. కేఎల్ రాహుల్కు ఐపీఎల్లో పరుగులు చేసే అలవాటు ఉందని, ఇప్పుడు లక్నో జట్టు ఈ సీజన్లో అతనిని చాలా మిస్ అవుతుందని స్పష్టం అవుతోంది.
మరిన్ని క్రీడా వార్తల కోసం ఇక్కడ క్లిక్ చేయండి..
