KKR vs RR, IPL 2024: సునీల్ నరైన్ విధ్వంసకర సెంచరీ.. రాజస్థాన్ టార్గెట్ ఎంతంటే?

Kolkata Knight Riders vs Rajasthan Royals: సునీల్ నరైన్ మళ్లీ రెచ్చిపోయాడు. రాజస్థాన్ బౌలర్లను చితకబాదుతూ మెరుపు సెంచరీ నమోదు చేశాడు. కేవలం 56 బంతుల్లోనే 13 ఫోర్లు, 6 సిక్సర్ల సహాయంతో 109 పరుగులు చేసి ఔటయ్యాడు నరైన్. దీంతో టాస్‌ ఓడి బ్యాటింగ్‌కు దిగిన ఆ జట్టు నిర్ణీత 20 ఓవర్లలో 6 వికెట్ల నష్టానికి 223 పరుగులు చేసింది. ఓపెనర్ ఫిలిప్ సాల్ట్ (10), శ్రేయస్‌ అయ్యర్‌ (11), రసెల్‌ (13) నిరాశపరిచారు. రఘువంశీ (30) కొన్ని చూడచక్కని షాట్లు ఆడాడు. ఆఖరులో రింకూ సింగ్‌ ( 9 బంతుల్లో 20 నాటౌట్, ఒక ఫోర్, 2 సిక్సర్లు) ఆకట్టుకున్నాడు. రాజస్థాన్ బౌలర్లలో అవేశ్‌ఖాన్‌, కుల్‌దీప్‌సేన్‌ చెరో 2 వికెట్లు తీయగా.. బౌల్ట్‌, చాహల్‌ తలో వికెట్‌ పడగొట్టారు.