Kavya Maran : కావ్య మారన్ టీమ్‌కు కొత్త కెప్టెన్.. ఆ 25 ఏళ్ల ఆటగాడికే బాధ్యతలు!

Kavya Maran : సౌతాఫ్రికా టీ20 లీగ్ SA20 నాలుగో సీజన్ కోసం జోహన్నెస్‌బర్గ్‌లో జరిగిన వేలంలో భారీ బిడ్లు కనిపించాయి. ఈ వేలంలో అనేక మంది కొత్త ఆటగాళ్ళు వివిధ జట్లలో చేరారు. కావ్య మారన్ టీమ్ అయిన సన్‌రైజర్స్ ఈస్టర్న్ కేప్ కూడా కొత్త ఆటగాళ్లను కొనుగోలు చేసింది. అంతేకాకుండా, సన్‌రైజర్స్ ఈస్టర్న్ కేప్ తన కొత్త కెప్టెన్‌ను కూడా ప్రకటించింది.

ట్రిస్టన్ స్టబ్స్‌కు కెప్టెన్సీ బాధ్యతలు..

SA20 2026 సీజన్ కోసం సన్‌రైజర్స్ ఈస్టర్న్ కేప్ స్టార్ వికెట్ కీపర్-బ్యాటర్ ట్రిస్టన్ స్టబ్స్ను కొత్త కెప్టెన్‌గా నియమించింది. స్టబ్స్ మొదటి సీజన్ నుంచి ఈ జట్టులో భాగం. అతను రెండుసార్లు ఛాంపియన్ కెప్టెన్‌గా ఉన్న ఐడెన్ మార్క్రమ్ స్థానంలో కెప్టెన్సీ బాధ్యతలు స్వీకరించనున్నాడు. మార్క్రమ్ 2023, 2024లలో సన్‌రైజర్స్‌ను విజేతలుగా నిలబెట్టాడు. ఇటీవల జరిగిన SA20 వేలంలో మార్క్రమ్ రికార్డు ధర 7 కోట్ల రూపాయలకు డర్బన్ సూపర్ జెయింట్స్ (DSG) జట్టులోకి వెళ్ళాడు. అందుకే సన్‌రైజర్స్ కొత్త కెప్టెన్‌ను ఎంపిక చేసుకోవాల్సి వచ్చింది.

స్టబ్స్ అద్భుత ప్రదర్శన..

25 ఏళ్ల ట్రిస్టన్ స్టబ్స్ తన విధ్వంసకర బ్యాటింగ్, అద్భుతమైన వికెట్ కీపింగ్‌తో సన్‌రైజర్స్ జట్టులో కీలక పాత్ర పోషించాడు. అతను SA20లో 140.11 స్ట్రైక్ రేట్‌తో 723 పరుగులు సాధించాడు. గత 3 సీజన్లలో సన్‌రైజర్స్ తరపున అనేక మ్యాచ్ విన్నింగ్ ఇన్నింగ్స్‌లు ఆడాడు. అందుకే జట్టు అతనికి ఈ పెద్ద బాధ్యతను అప్పగించింది. కాగా, సన్‌రైజర్స్ ఈస్టర్న్ కేప్ వేలానికి ముందే స్టబ్స్‌ను రిటైన్ చేసుకుంది. అలాగే, జానీ బెయిర్‌స్టోను ప్రీ-సైన్ చేసుకుంది.

View this post on Instagram

A post shared by Sunrisers Eastern Cape (@sunrisersec)

వేలంలో సన్‌రైజర్స్ కొనుగోలు చేసిన ఆటగాళ్లు

సన్‌రైజర్స్ ఈస్టర్న్ కేప్ వేలంలో క్వింటన్ డి కాక్, మాథ్యూ బ్రీట్జ్కే, ఎన్రిక్ నోర్ట్జే, సెనురాన్ ముత్తుసామి, పాట్రిక్ క్రుగర్, లుథో సిపామ్లా, మిచెల్ వాన్ బురెన్, జోర్డాన్ హర్మన్, జేమ్స్ కోల్స్, క్రిస్ వుడ్, లూయిస్ గ్రెగొరీ, సీజే కింగ్, జేపీ కింగ్, బేర్స్ స్వాన్‌పొల్ను కొనుగోలు చేసింది.

సన్‌రైజర్స్ ఈస్టర్న్ కేప్ పూర్తి స్క్వాడ్

ట్రిస్టన్ స్టబ్స్ (కెప్టెన్), జానీ బెయిర్‌స్టో (వికెట్ కీపర్), క్వింటన్ డి కాక్ (వికెట్ కీపర్), మాథ్యూ బ్రీట్జ్కే, అల్లాహ్ గజన్‌ఫర్, మార్కో జాన్సెన్, ఆడమ్ మిల్నే, ఎన్రిక్ నోర్ట్జే, జోర్డాన్ హర్మన్, సెనురాన్ ముత్తుసామి, లూయిస్ గ్రెగొరీ, పాట్రిక్ క్రుగర్, బేర్స్ స్వాన్‌పొల్, లుథో సిపామ్లా, మిచెల్ వాన్ బురెన్, క్రిస్ వుడ్, సీజే కింగ్, జేపీ కింగ్.

మరిన్ని క్రికెట్‌ వార్తల కోసం ఇక్కడ క్లిక్‌ చేయండి..