ఇదెక్కడి అరాచకం.. సిరీస్ మొత్తం ఒక్కసారి కూడా ఔట్ కాలే.. ప్రపంచ రికార్ట్‌కే పిచ్చెక్కించావ్‌గా

భారత బౌలర్లు ఎంతగా ప్రయత్నించినా, ఎలాంటి వ్యూహాలు రచించినా జో రూట్ క్లాస్ బ్యాటింగ్‌కు సమాధానం కనుగొనలేకపోయారు. రూట్ నెలకొల్పిన ఈ ఆల్‌టైమ్ వరల్డ్ రికార్డు ఆధునిక క్రికెట్‌లో అతని స్థాయిని, నిలకడను మరోసారి చాటిచెప్పింది. ఈ అద్భుత ప్రదర్శనతో ఇంగ్లాండ్ క్రికెట్ చరిత్రలో జో రూట్ ఒక చిరస్మరణీయ అధ్యాయాన్ని లిఖించాడనడంలో ఎలాంటి సందేహం లేదు.

Ind Vs Eng Joe Root World Record

Venkata Chari |
Updated on: Jul 20, 2026 | 8:15 AM

క్రికెట్ ప్రపంచంలో నిలకడకు మారుపేరైన ఇంగ్లాండ్ బ్యాటింగ్ దిగ్గజం జో రూట్ సరికొత్త ప్రపంచ రికార్డుతో చరిత్ర సృష్టించాడు. టీమిండియాతో జరిగిన మూడు వన్డేల సిరీస్‌లో భారత బౌలర్లకు కొరకరాని కొయ్యగా మారిన రూట్, సిరీస్ మొత్తం ఒక్కసారి కూడా అవుట్ కాకుండా అత్యధిక పరుగులు సాధించిన బ్యాటర్‌గా అంతర్జాతీయ వన్డే క్రికెట్ చరిత్రలోనే అగ్రస్థానానికి చేరుకున్నాడు.

లార్డ్స్ వేదికగా అద్భుతం.. బౌలర్లకు దొరకని ఇంగ్లిష్ వీరుడు!

భారత బౌలింగ్ విభాగాన్ని ముప్పతిప్పలు పెడుతూ జో రూట్ ఈ సిరీస్‌లో అసాధారణ ఫామ్‌ను ప్రదర్శించాడు. లార్డ్స్ మైదానంలో జరిగిన ఆఖరి వన్డే మ్యాచ్‌లో కేవలం 48 బంతుల్లోనే 74 పరుగులు చేసి నాటౌట్‌గా నిలిచాడు. అంతకుముందు జరిగిన మొదటి వన్డేలో 76 పరుగులు, రెండో వన్డేలో 99 పరుగులతో అజేయంగా నిలిచిన రూట్, ఈ మూడు మ్యాచ్‌ల సిరీస్‌లో మొత్తం 257 బంతులను ఎదుర్కొని 249 పరుగులు రాబట్టాడు. విశేషం ఏమిటంటే, ఈ మూడు మ్యాచ్‌లలో భారత బౌలర్లు అతడిని ఒక్కసారి కూడా పెవిలియన్‌కు పంపలేకపోయారు.

దీంతో ఒకే వన్డే సిరీస్‌లో అత్యధిక పరుగులు చేసి, ఒక్కసారి కూడా అవుట్ కాకుండా నిలిచిన బ్యాటర్‌గా జో రూట్ ప్రపంచ రికార్డు నెలకొల్పాడు. ఈ క్రమంలో తన సహచర ఆటగాడు జోస్ బట్లర్ (248 పరుగులు, ఎదురుగా నెదర్లాండ్స్, 2022) పేరిట ఉన్న రికార్డును రూట్ అధిగమించాడు.

ఒకే వన్డే సిరీస్‌లో అవుట్ కాకుండా అత్యధిక పరుగులు చేసిన బ్యాటర్లు:

249 పరుగులు – జో రూట్ (ఎదురుగా భారత్, 2026)

248 పరుగులు – జోస్ బట్లర్ (ఎదురుగా నెదర్లాండ్స్, 2022)

241 పరుగులు – రికీ పాంటింగ్ (ఎదురుగా న్యూజిలాండ్, 2007)

234 పరుగులు – జావేద్ మియాందాద్ (ఎదురుగా భారత్, 1982)

212 పరుగులు – ఎంఎస్ ధోని (ఎదురుగా ఇంగ్లాండ్, 2011)

ఇంగ్లాండ్ క్రికెట్ చరిత్రలోనే సరికొత్త మైలురాయి!

కేవలం ఈ సిరీస్ రికార్డు మాత్రమే కాకుండా, జో రూట్ ఇంగ్లాండ్ క్రికెట్ చరిత్రలోనే అత్యంత అరుదైన మరొక ఘనతను సొంతం చేసుకున్నాడు. వన్డే క్రికెట్‌లో వరుసగా ఆరు ఇన్నింగ్స్‌ల్లో యాభైకి పైగా (50+) పరుగులు సాధించిన మొదటి ఇంగ్లాండ్ బ్యాటర్‌గా నిలిచాడు. అంతేకాదు, గత నాలుగు ఇన్నింగ్స్‌లుగా అతను అజేయంగానే క్రీజులో కొనసాగుతుండటం గమనార్హం.