ఇలాంటి ఆటగాడే ఆసీస్‌కి కావాల్సింది.. జట్టులోకి తీసుకుంటే టీ20 ప్రపంచకప్ మళ్లీ కంగారూలదే.!

టీ20 ప్రపంచకప్‌‌నకు ముందుగా ఆస్ట్రేలియా కీలక నిర్ణయం తీసుకుంది. వన్డే, టెస్టు జట్టులో ప్రధాన ఆటగాడైన స్టీవ్ స్మిత్‌కు వరల్డ్‌కప్ జట్టులో చోటు కల్పించట్లేదు. ఆసీస్ సెలక్టర్లు స్మిత్‌కు మొండిచెయ్యి చూపించబోతున్నారని సమాచారం. ఈ సీజన్ ఐపీఎల్‌‌లోనూ ఆడని స్మిత్.. గత కొంతకాలంగా టీ20 క్రికెట్‌కు దూరంగా ఉన్నాడు. అతడ్ని ఎంపిక చేయకపోవడానికి ఆస్ట్రేలియా సెలెక్టర్లకు ఇదొక కారణం కావచ్చు. టీ20 ప్రపంచకప్ 2024 కోసం క్రికెట్ ఆస్ట్రేలియా.. 15 మంది ప్రాబబుల్స్‌తో కూడిన ఆసీస్ జట్టును త్వరలోనే ప్రకటించనుంది. మిచెల్ మార్ష్ సారధ్యం వహించనున్న ఈ జట్టులోకి స్టీవ్ స్మిత్ స్థానంలో టీ20 యువ సెన్సేషన్ జేక్ ఫ్రేజర్ మెక్‌గర్క్‌ను ఎంపిక చేయనున్నారట సెలెక్టర్లు. ఈ యువ ఆస్ట్రేలియన్ బ్యాట్స్‌మన్ ప్రస్తుతం ఐపీఎల్ 2024లో విధ్వంసం సృష్టిస్తున్నాడు. ఢిల్లీ క్యాపిటల్స్‌ తరపున ఆడిన 5 మ్యాచ్‌ల్లోనే తన సత్తా చాటాడు.

ఐపీఎల్ 2024లో మెక్‌గర్క్ కేవలం 5 మ్యాచ్‌లాడి 247 పరుగులు చేశాడు. అతడు 237.50 స్ట్రైక్ రేట్‌తో 3 అర్ధ సెంచరీలు బాదాడు. ఈ సమయంలో అతడి బ్యాట్‌ నుంచి 22 సిక్సర్లు వచ్చాయి. అలాగే ఢిల్లీ క్యాపిటల్స్ తరపున అత్యధిక పరుగులు చేసిన రెండో ఆటగాడిగా కూడా అద్భుత గణాంకాలు నమోదు చేశాడు మెక్‌గర్క్.

స్టీవ్ స్మిత్ టీ20 రికార్డులివే..

స్టీవ్ స్మిత్ టీ20 గణాంకాలు ఓసారి పరిశీలిస్తే.. అతడు 67 టీ20లు ఆడి 55 ఇన్నింగ్స్‌ల్లో 1094 పరుగులు మాత్రమే చేశాడు. ఈ సమయంలో అతడి స్ట్రైక్ రేట్ 125.45గా ఉంది. స్టీవ్ స్మిత్ 55 ఇన్నింగ్స్‌ల్లో కేవలం 5 ఫిఫ్టీ ప్లస్ స్కోర్లు మాత్రమే నమోదు చేయగలిగాడు.

We’ve offered national contracts to 23 men’s players for 2024-25!

Congratulations to Nathan Ellis, Matt Short and Aaron Hardie who have retained their place after earning a CA contract upgrade in 2023-24, and Xavier Bartlett who has been added to the list this season 🙌 pic.twitter.com/8W0zLbk5WM

— Cricket Australia (@CricketAus) March 28, 2024