IPL 2023: ముంబైతో లెక్క సరిచేస్తారా..? దూకుడు చూపిస్తామంటున్న గుజరాత్ టైటాన్స్.. తుది జట్టు వివరాలివే..
IPL 2023, GT vs MI: ఐపీఎల్ 16వ సీజన్లో భాగంగా నేడు జరగబోయే మ్యాచ్లో డిఫెండింగ్ ఛాంపియన్ గుజరాత్ టైటాన్స్తో ముంబై ఇండియన్స్ తలపడనుంది. అహ్మదాబాద్లోని నరేంద్ర మోదీ స్టేడియం వేదికగా జరిగే ఈ మ్యాచ్ జరగనుంది. ఈ మ్యాచ్లో గుజరాత్ సారథి..
Updated on: Apr 25, 2023 | 11:50 AM
IPL 2023, GT vs MI: ఐపీఎల్ 16వ సీజన్లో భాగంగా నేడు జరగబోయే మ్యాచ్లో డిఫెండింగ్ ఛాంపియన్ గుజరాత్ టైటాన్స్తో ముంబై ఇండియన్స్ తలపడనుంది. అహ్మదాబాద్లోని నరేంద్ర మోదీ స్టేడియం వేదికగా జరిగే ఈ మ్యాచ్ జరగనుంది. ఈ మ్యాచ్లో గుజరాత్ సారథి హార్ధిక్ పాండ్యా తన మాజీ ఐపీఎల్ టీమ్తో తలపడనున్నాడు. అలాగే ఈ మ్యాచ్ టీమిండియా టీ20 సారధి(రోహిత్ శర్మ), అతని వారసుడి(హార్దిక్ పాండ్యా)కి మధ్య జరగనుండడంతో సర్వత్రా ఉత్కంఠత నెలకొంది. దీంతోపాటు ఈ మ్యాచ్పై ఫ్యాన్స్ ఊహాగానాలు తెగ వినిపిస్తున్నాయి.
మరోవైపు ఐపీఎల్ 16వ సీజన్లో ముంబై ఆడిన 6 మ్యాచ్లలో 3 మాత్రమే గెలవగా.. గుజరాత్ మాత్రం ఆరింటికి 4 విజయాలు సాధించి దూకుడుగా ఉంది. ఈ క్రమంలో నేటి మ్యాచ్లో ఎలా అయినా గుజరాత్పై విజయం సాధించి పాయింట్ల పట్టికలో పైకి ఎగబాకాలని రోహిత్ సేన భావిస్తోంది. ఇక ఈ రెండు జట్లు ఐపీఎల్లో ఇప్పటివరకు కేవలం ఒక్కసారే తలపడగా.. అందులో ముంబై విజయం సాధించింది. ఈ క్రమంలో ముంబైతో తమ లెక్క సరిచేయాలని హర్ధిక్ పాండ్యా కూడా దూకుడు ప్రదర్శిస్తున్నాడు.
తుది జట్టు వివరాలు(అంచనా)..
గుజరాత్ టైటాన్స్: శుభమాన్ గిల్, హార్దిక్ పాండ్యా (కెప్టెన్), అభినవ్ మనోహర్, డేవిడ్ మిల్లర్, విజయ్ శంకర్, రాహుల్ తెవాటియా, వృద్ధిమాన్ సాహా(వికెట్ కీపర్), రషీద్ ఖాన్, మహమ్మద్ షమీ, మోహిత్ శర్మ, నూర్ అహ్మద్
ముంబై ఇండియన్స్: రోహిత్ శర్మ(కెప్టెన్), ఇషాన్ కిషన్(వికెట్ కీపర్), కామెరాన్ గ్రీన్, సూర్యకుమార్ యాదవ్, తిలక్ వర్మ, నెహాల్ వధేరా, టిమ్ డేవిడ్, అర్జున్ టెండూల్కర్, పీయూష్ చావ్లా, జోఫ్రా ఆర్చర్, రిలే మెరెడిత్
మరిన్ని క్రికెట్ వార్తల కోసం ఈ లింక్ క్లిక్ చేయండి..
