ఐపీఎల్ 2026కు ముందు బీసీసీఐ భారీ స్కెచ్.. గూగుల్‌తో భారీ డీల్..! ఏడాదికి ఎంతో తెలుసా..?

Google BCCI Deal: ప్రపంచంలోనే అత్యంత సంపన్న క్రికెట్ బోర్డుగా వెలుగొందుతున్న బీసీసీఐ ఆదాయం అంతకంతకూ పెరుగుతోంది. మార్చి నెలలో ప్రారంభం కానున్న ఐపీఎల్ 19వ సీజన్ కోసం గూగుల్‌తో బోర్డు ఒక బ్లాక్‌బస్టర్ ఒప్పందాన్ని కుదుర్చుకుంది. ఈ ఒప్పందం ప్రకారం, గూగుల్ జెమిని రాబోయే మూడు ఐపీఎల్ సీజన్ల పాటు లీగ్‌కు ఏఐ స్పాన్సర్‌గా ఉండనుంది.

ఏడాదికి రూ.90 కోట్లు.. మొత్తం డీల్ విలువ ఎంత? పీటీఐ నివేదిక ప్రకారం, ఈ మూడు ఏళ్ల ఒప్పందం మొత్తం విలువ రూ. 270 కోట్లు. అంటే, గూగుల్ ప్రతి ఏటా బీసీసీఐకి రూ. 90 కోట్లు చెల్లించనుంది. ఐపీఎల్ గ్లోబల్ బ్రాండ్ వాల్యూ ఎంత వేగంగా పెరుగుతుందో ఈ డీల్ స్పష్టం చేస్తోంది. క్రికెట్ విశ్లేషణలు, డేటా మేనేజ్‌మెంట్‌లో ఏఐ పాత్ర పెరుగుతున్న తరుణంలో ఈ భాగస్వామ్యం అత్యంత ప్రాధాన్యత సంతరించుకుంది.

ఏఐ దిగ్గజాల మధ్య పోటీ: కేవలం ఐపీఎల్ మాత్రమే కాదు, మహిళల ప్రీమియర్ లీగ్ (WPL 2026) లోనూ ఏఐ సందడి కనిపిస్తోంది. గూగుల్‌కు ప్రధాన ప్రత్యర్థి అయిన ‘ఓపెన్ ఏఐ’కి చెందిన ChatGPT ఇప్పటికే డబ్ల్యూపీఎల్ ప్రస్తుత సీజన్‌కు స్పాన్సర్‌గా ఉంది. ఇప్పుడు గూగుల్ జెమిని ఐపీఎల్‌లోకి ప్రవేశించడంతో, క్రికెట్ మైదానంలో టెక్ దిగ్గజాల మధ్య కూడా పోటీ మొదలైంది. క్రికెట్ అభిమానులకు మరింత చేరువ కావడమే లక్ష్యంగా ఈ కంపెనీలు భారీగా వెచ్చిస్తున్నాయి.

ఇవి కూడా చదవండి

సూర్య, బుమ్రా కాదు.. టీ20 ప్రపంచ కప్‌లో టీమిండియా ట్రంప్ కార్డ్?

టీమిండియా చెత్త ఓటమికి ఆ ఇద్దరే నిజమైన ద్రోహులు?

టీమిండియా ఓటమికి అతిపెద్ద విలన్ ఇతడే.. వన్డేల నుంచి రిటైర్మెంట్?

అసాధ్యమైన రికార్డు భయ్యో.. సచిన్ 100 సెంచరీల కంటే డేంజరస్

ఐపీఎల్ 2026 ఎప్పుడు ప్రారంభమవుతుంది? టీ20 ప్రపంచకప్ 2026 ముగిసిన వెంటనే ఐపీఎల్ హంగామా మొదలుకానుంది.

టీ20 ప్రపంచకప్: ఫిబ్రవరి 7 నుంచి మార్చి 8 వరకు (భారత్, శ్రీలంక వేదికలుగా).

ఐపీఎల్ 2026 ప్రారంభం: మార్చి 26, 2026.

ఐపీఎల్ ఫైనల్: మే 31, 2026.

ఐపీఎల్ వేలం ఇప్పటికే ముగిసినప్పటికీ, పూర్తి స్థాయి షెడ్యూల్‌ను బీసీసీఐ ఫిబ్రవరి నెలలో విడుదల చేసే అవకాశం ఉంది. ఈ కొత్త సీజన్‌లో గూగుల్ జెమిని అందించే ఏఐ విశ్లేషణలు మ్యాచ్ వీక్షణ అనుభవాన్ని ఎలా మారుస్తాయో చూడాలి.