SRH vs RR, IPL 2024: 3 ఫోర్లు, 8 సిక్స్‌లతో తెలుగబ్బాయి మెరుపులు.. హైదరాబాద్ భారీ స్కోరు

Sunrisers Hyderabad

Sunrisers Hyderabad vs Rajasthan Royals: సన్ రైజర్స్ హైదరాబాద్ బ్యాటర్లు అదరగొట్టారు. సొంత గడ్డపై రాజస్థాన్ రాయల్స్ తో జరుగుతోన్న మ్యాచ్‌లో నూ తమ బ్యాటింగ్ పవర్ ను రుచి చూపించారు. ముఖ్యంగా తెలుగబ్బాయి నితీశ్‌ రెడ్డి ఆకాశమే హద్దుగా చెలరేగిపోయాడు. కేవలం 42 బంతుల్లో 3 ఫోర్లు, 8 సిక్సర్ల సహాయంతో 76 పరుగులు చేసి టాప్ స్కోరర్ గా నిలిచాడు. అలాగే ఓపెనర్ ట్రావిస్ హెడ్ ( 44 బంతుల్లో 58, 6 ఫోర్లు, 3 సిక్స్ లు) అర్ధ సెంచరీతో అలరించాడు. ఆక ఆఖరులో హెన్రిచ్ క్లాసెన్ 19 బంతుల్లో 42, 3 ఫోర్లు, 3 సిక్సర్లు) చెలరేగాడు. దీంతో హైదరాబాద్‌.. నిర్ణీత 20 ఓవర్లలో 3 వికెట్ల నష్టానికి 201 పరుగులు చేసింది. రాజస్థాన్ బౌలర్లలో అవేశ్‌ ఖాన్‌ 2 వికెట్లు పడగొట్టగా, సందీప్‌ శర్మ ఒక వికెట్‌ తీశాడు. కాగా ప్లే ఆఫ్ రేసులో నిలవాలంటే ఈ మ్యాచ్ లో విజయం సాధించడం సన్ రైజర్స్ కు తప్పనిసరి.

నితీస్ రెడ్డి  మెరుపులు..

సన్‌రైజర్స్ హైదరాబాద్ (ప్లేయింగ్ XI):

ట్రావిస్ హెడ్, అభిషేక్ శర్మ, అన్మోల్‌ప్రీత్ సింగ్, హెన్రిచ్ క్లాసెన్(వికెట్ కీపర్), నితీష్ రెడ్డి, అబ్దుల్ సమద్, షాబాజ్ అహ్మద్, మార్కో జాన్సెన్, పాట్ కమిన్స్(కెప్టెన్), భువనేశ్వర్ కుమార్, T నటరాజన్

ఇంపాక్ట్ ప్లేయర్లు:

ఉమ్రాన్ మాలిక్, మయాంక్ మార్కండే, ఐడెన్ మర్క్రమ్, సన్వీర్ సింగ్, జయదేవ్ ఉనద్కత్

రాజస్థాన్ రాయల్స్ (ప్లేయింగ్ XI):

యశస్వి జైస్వాల్, సంజు శాంసన్ (కెప్టెన్ అండ్ వికెట్ కీపర్), రియాన్ పరాగ్, ధ్రువ్ జురెల్, రోవ్‌మన్ పావెల్, షిమ్రాన్ హెట్మెయర్, రవిచంద్రన్ అశ్విన్, ట్రెంట్ బౌల్ట్, అవేష్ ఖాన్, యుజ్వేంద్ర చాహల్, సందీప్ శర్మ

ఇంపాక్ట్ ప్లేయర్లు:

జోస్ బట్లర్, టామ్ కోహ్లర్-కాడ్మోర్, శుభమ్ దూబే, నవదీప్ సైనీ, తనుష్ కోటియన్

ట్రావిస్ హెడ్ అర్ధ సెంచరీ..

మరిన్ని క్రీడా వార్తల కోసం ఇక్కడ క్లిక్ చేయండి..