IPL 2023 Points Table: లక్నో విజయంతో మారిన పాయింట్ల పట్టిక.. మీ ఫేవరేట్ టీం ఏ నంబర్లో ఉందో తెలుసా?
IPL Points Table: పంజాబ్తో జరిగిన మ్యాచ్లో 56 పరుగుల భారీ విజయంతో లక్నో 10 పాయింట్లతో పాయింట్ల పట్టికలో వరుసగా రెండో స్థానంలో నిలిచింది.
Updated on: Apr 29, 2023 | 3:04 AM
IPL 2023 Updated Points Table After PBKS vs LSG Match: ఐపీఎల్ 16వ సీజన్ 38వ లీగ్ మ్యాచ్లో, లక్నో సూపర్ జెయింట్స్ (LSG) జట్టు పంజాబ్ కింగ్స్ (PBKS)పై 56 పరుగుల భారీ విజయాన్ని నమోదు చేసింది. దీంతో నెట్ రన్రేట్ను గణనీయంగా పెంచుకుంది. ఈ విజయంతో లక్నో జట్టు 8 మ్యాచ్లు ముగిసేసరికి 10 పాయింట్లతో పాయింట్ల పట్టికలో నేరుగా నంబర్ 2 స్థానానికి చేరుకుంది. లక్నో టీం నెట్ రన్రేట్ ఇప్పుడు 0.841గా నిలిచింది.
మొదటి స్థానంలో రాజస్థాన్..
38 లీగ్ మ్యాచ్లు ముగిసే సమయానికి, రాజస్థాన్ రాయల్స్ జట్టు పాయింట్ల పట్టికలో మొదటి స్థానంలో ఉంది. ఇప్పటివరకు 8 మ్యాచ్లలో 5 గెలిచారు. రాజస్థాన్ టీం నెట్ రన్రేట్ ప్రస్తుతం 0.939గా నిలిచింది. ఇప్పటివరకు 7 మ్యాచ్లలో 5 గెలిచిన గుజరాత్ టైటాన్స్ జట్టు మూడవ స్థానంలో ఉంది. నెట్ రన్ రేట్ ప్రస్తుతం 0.580గా నిలిచింది. ప్రస్తుతం పాయింట్ల పట్టికలో నాల్గవ స్థానంలో ఉన్న చెన్నై సూపర్ కింగ్స్ జట్టు 8 మ్యాచ్లలో 5 గెలిచి, నెట్ రన్ రేట్ 0.376గా నిలిచింది.
ఆర్సీబీ 5వ స్థానంలో..
పాయింట్ల పట్టికలో రాయల్ ఛాలెంజర్స్ బెంగళూరు జట్టు ఇప్పటివరకు ఆడిన 8 మ్యాచ్లలో 4 గెలిచి 4 ఓడిపోయి 5వ స్థానంలో ఉంది. ఈ సమయంలో, RCB నికర రన్ రేట్ -0.139గా నిలిచింది. ఆరో స్థానంలో పంజాబ్ కింగ్స్ జట్టు ఉంది. ఈ జట్టు 8 మ్యాచ్లలో 4 గెలిచి 4 ఓడిపోయింది. భారీ ఓటమి తర్వాత పంజాబ్ నెట్ రన్ రేట్ మైనస్లోకి చేరుకుంది. ప్రస్తుతం -0.510కి చేరుకుంది. ప్రస్తుతం కోల్కతా నైట్ రైడర్స్ జట్టు 8 మ్యాచ్ల్లో 3 గెలిచి పాయింట్ల పట్టికలో 7వ స్థానంలో ఉంది.
చివరి మూడు స్థానాల్లో ముంబై, హైదరాబాద్, ఢిల్లీ..
చివరి 3 స్థానాల గురించి మాట్లాడితే, ప్రస్తుతం ముంబై ఇండియన్స్ జట్టు 6 పాయింట్లతో పాయింట్ల పట్టికలో 8వ స్థానంలో ఉంది. సన్రైజర్స్ హైదరాబాద్ 9వ స్థానంలో, ఢిల్లీ క్యాపిటల్స్ జట్టు 10వ స్థానంలో నిలిచింది. ఇందులో రెండు జట్లూ ప్రస్తుతం తలో 4 పాయింట్లతో ఉన్నాయి.
మరిన్ని క్రీడా వార్తల కోసం ఇక్కడ క్లిక్ చేయండి..
