IPL 2022: చెన్నై ప్లే ఆఫ్‌కి చేరుకుంటుందా.. టోర్నమెంట్‌ నుంచి నిష్క్రమించినట్లేనా..!

IPL 2022: రాయల్ ఛాలెంజర్స్ బెంగళూరు చేతిలో ఓడిన తర్వాత చెన్నై సూపర్ కింగ్స్ పరిస్థితి ఏంటి.. ప్లే-ఆఫ్‌కి చేరుకోవడానికి అవకాశాలు ఉన్నాయా.. నాలుగు సార్లు IPL ఛాంపియన్‌గా నిలిచిన చెన్నై టైటిల్ రేసు నుంచి నిష్క్రమించినట్లేనా.. ఇవన్నీ సగటు చెన్నై అభిమానులలో మెదులుతున్న ప్రశ్నలు.. వీటికి సమాధానం తెలుసుకోవాల్సిందే.. వాస్తవానికి టోర్నీలో చెన్నై ఇప్పటివరకు ఆడిన 10 మ్యాచ్‌ల్లో 7 ఓడిపోయింది. అంటే కేవలం మూడు మ్యాచులు మాత్రమే గెలిచింది. ఈ పెర్ఫామెన్స్ గ్రాఫ్ చూశాక అందరు ప్లే ఆఫ్‌కి చేరుకోవడం దాదాపు అసాధ్యమనే భావిస్తున్నారు. కానీ అధికారికంగా మాత్రం ఇంకా ప్రకటించలేదు.

ప్లే ఆఫ్ రేసు నుంచి CSK ఔట్!

చెన్నై జట్టు ప్లే ఆఫ్‌కు చేరడం అసాధ్యమని లెక్కలు చెబుతున్నాయి. ఎందుకంటే పాయింట్ల పట్టికలో చెన్నై 6 పాయింట్లతో 9వ స్థానంలో ఉంది. టోర్నమెంట్లో ఇంకా 4 మ్యాచ్‌లు ఆడాల్సి ఉంది. ఈ 4 మ్యాచ్‌ల్లో విజయం సాధిస్తే రన్ రేట్ 14 ప్లస్‌లోకి వచ్చే అవకాశాలు ఉంటాయి. కానీ ఇప్పటికీ రాజస్థాన్‌ రాయల్స్, రాయల్ ఛాలెంజర్ బెంగుళూరు 12 పాయింట్లతో 3, 4 స్థానాల్లో కొనసాగుతున్నాయి. వీటితో పోల్చుకుంటే చెన్నై దాదాపు వెనుకంజలో ఉంది. ప్లే ఆఫ్ చేరుకోవడం దాదాపు అసాధ్యమే. RCB చేతిలో ఓడిపోయిన తర్వాత CSK ప్లే-ఆఫ్ రేసు నుంచి నిష్క్రమించినట్లు ధోని మాటలని బట్టి అర్థమవుతుంది.

అన్ని మ్యాచ్‌లు గెలిచిన ముంబైకి నో ఎంట్రీ..

ముంబై ఇంకా ఐదు మ్యాచ్‌లు ఆడాల్సి ఉండగా అన్నిటిలో గెలిచినా 12 పాయింట్లు మాత్రమే సాధిస్తుంది. ఈ పరిస్థితిలో ప్లే ఆఫ్స్ చేరుకోవడానికి అవసరమైన పాయింట్లను కలిగి ఉండదు. 10 జట్లతో కూడిన ఈ ఐపీఎల్‌లో ప్లేఆఫ్ కటాఫ్ బహుశా 16 పాయింట్లతో ఉండే అవకాశాలు ఉన్నాయి. కాబట్టి ముంబై ప్లే ఆఫ్ చేరుకోవడం సాధ్యం కాదు. కొన్ని జట్లు 14 పాయింట్లతో అర్హత సాధించవచ్చు కానీ దీనికి నెట్ రన్ రేట్ మెరుగ్గా ఉండాలి. ప్రస్తుతం, ముంబై నెట్ రన్ రేట్ -0.836గా ఉంది. దీనిని మెరుగుపరచడం సాధ్యం కాదు.

మరిన్ని ఐపీఎల్‌ వార్తల కోసం ఇక్కడ క్లిక్ చేయండి

Cricket News: 55 బంతుల్లో 107 పరుగులు.. సెంచరీతో వీర విహారం చేసిన శ్రీలంక ప్లేయర్..!

Summer Foods: ఎండాకాలం శరీరం చల్లగా ఉండాలంటే వీటిని కచ్చితంగా తినాల్సిందే..!

Heart Function: గుండె ఆరోగ్యంగా ఉండాలంటే ఈ ముఖ్యమైన విషయాలు తెలుసుకోండి..!