టీమిండియా ఎంపికలో భారీ తప్పిదం.. సెలెక్టర్ల ఆ ఒక్క పొరపాటుతో చేజారిన ఆసియా కప్ ట్రోఫీ?

India's Asia Cup 2025 Squad

Asia Cup 2025: వచ్చే నెల సెప్టెంబర్ 9 నుంచి 28 వరకు యూఏఈలో జరగనున్న ఆసియా కప్ 2025 కోసం భారత జట్టును ప్రకటించిన సంగతి తెలిసిందే. టీ20 ఫార్మాట్‌లో జరిగే ఆసియా కప్‌లో సూర్యకుమార్ యాదవ్ జట్టుకు నాయకత్వం వహిస్తుండగా, భారత టెస్ట్ జట్టు కెప్టెన్ శుభ్‌మాన్ గిల్‌ను వైస్ కెప్టెన్‌గా నియమించారు. చీఫ్ సెలెక్టర్ అజిత్ అగార్కర్ కెప్టెన్ సూర్యకుమార్ యాదవ్‌తో కలిసి విలేకరుల సమావేశంలో జట్టును ప్రకటించారు. అయితే, సెలెక్టర్ల ఒక నిర్ణయం అందరినీ ఆశ్చర్యపరిచింది. ఈ జట్టులో ఒక డేంజరస్ బ్యాట్స్‌మన్‌కు స్థానం లభించలేదు.

ఆసియా కప్ జట్టులో స్టార్ బ్యాట్స్‌మన్ శ్రేయాస్ అయ్యర్‌కు చోటు దక్కలేదు. T20లో అతని స్థిరమైన ప్రదర్శన తర్వాత అతన్ని జట్టు నుంచి తొలగించాలని సెలెక్టర్లు తీసుకున్న నిర్ణయం ఆశ్చర్యం కలిగించింది. అయ్యర్ అద్భుతమైన ఫామ్‌లో ఉన్నాడు. 2025 IPLలో పంజాబ్ కింగ్స్ తరపున 175.07 స్ట్రైక్ రేట్‌తో 600 కంటే ఎక్కువ పరుగులు సాధించడం ద్వారా అతను సంచలనం సృష్టించాడు. ఒక సీజన్‌లో 600 కంటే ఎక్కువ పరుగులు చేసిన బ్యాట్స్‌మెన్‌లలో క్రిస్ గేల్ (2011), సూర్యకుమార్ యాదవ్ (2023) తర్వాత ఇది మూడవ అత్యుత్తమ ప్రదర్శనగా నిలిచింది.

అయ్యర్ దేశవాళీ, ఫ్రాంచైజీ క్రికెట్‌లో కూడా అద్భుతంగా రాణించాడు. గత రెండు సంవత్సరాలలో, అతను కోల్‌కతా నైట్ రైడర్స్‌ను దశాబ్దంలో ఆ జట్టు మొదటి IPL టైటిల్ (2024) కు నడిపించాడు. సయ్యద్ ముష్తాక్ అలీ ట్రోఫీలో ముంబైని విజయానికి నడిపించాడు. ఇది మాత్రమే కాదు, ముంబై ఫాల్కన్స్‌ను ముంబై T20 లీగ్‌లో ఫైనల్‌కు తీసుకెళ్లడంలో కూడా అతను కీలక పాత్ర పోషించాడు.

అయ్యర్ గురించి అజిత్ అగార్కర్ ఏమన్నాడంటే?

అయ్యర్ కాకుండా యశస్వి జైస్వాల్ కూడా జట్టులోకి రాలేకపోయాడు. అజిత్ అగార్కర్ విలేకరుల సమావేశంలో మాట్లాడుతూ, ‘యశస్వి జైస్వాల్‌కు ఇది చాలా దురదృష్టకరం. అభిషేక్ బాగా రాణిస్తున్నాడు. అతను బౌలింగ్ కూడా చేయగలడు. ఇద్దరిలో ఒకరు ఔట్ కావడం ఖాయం. శ్రేయాస్ విషయంలో కూడా ఇదే పరిస్థితి. అది అతని తప్పు కాదు. అతను ఎవరి స్థానాన్ని తీసుకోగలడు? అది అతని తప్పు కాదు, కానీ మాది కూడా కాదు.’ అయ్యర్ డిసెంబర్ 2023లో ఇంగ్లాండ్‌తో జరిగిన తన చివరి T20 అంతర్జాతీయ మ్యాచ్ ఆడిన సంగతి తెలిసిందే.

మరిన్ని క్రీడా వార్తల కోసం ఇక్కడ క్లిక్ చేయండి..