Team India: భారత ప్రభుత్వం కీలక నిర్ణయం.. పాక్ వెళ్లేందుకు నో పర్మిషన్.. టోర్నమెంట్ నుంచి టీమిండియా ఔట్

Blind T20 World Cup

Blind T20 World Cup: ఫిబ్రవరి-మార్చి 2025లో జరగనున్న ఛాంపియన్స్ ట్రోఫీ నిర్వహణపై ఇంకా సంక్షోభ మేఘాలు కమ్ముకుంటున్నాయి. భారత్-పాకిస్థాన్ వివాదం కారణంగా ఐసీసీ ఈ టోర్నీ షెడ్యూల్‌ను ఇంకా ప్రకటించలేదు. భారత్‌-పాకిస్థాన్‌ల మధ్య సత్సంబంధాలు లేకపోవడం, పాకిస్థాన్‌లో భద్రతాపరమైన ముప్పు ఉన్న దృష్ట్యా టీమ్‌ఇండియాను పొరుగు దేశానికి పంపేందుకు భారత ప్రభుత్వం నిరాకరించింది. ఇలాంటి పరిస్థితుల్లో ఈ టోర్నీని హైబ్రిడ్‌ మోడల్‌లో నిర్వహించాలన్న డిమాండ్‌ నెలకొంది. వీటన్నింటి మధ్య పాకిస్థాన్‌కు గట్టి ఎదురుదెబ్బ తగిలింది. మరో భారత జట్టు పాకిస్థాన్ వెళ్లకూడదని నిర్ణయించుకుంది.

పాకిస్థాన్‌కు వెళ్లని భారత జట్టు..

ఛాంపియన్స్ ట్రోఫీకి ముందు అంధుల టీ20 ప్రపంచకప్‌కు పాకిస్థాన్ ఆతిథ్యం ఇవ్వనుంది. అంధుల టీ20 ప్రపంచకప్ కోసం పాకిస్థాన్ వెళ్లేందుకు భారత జట్టుకు విదేశీ వ్యవహారాల మంత్రిత్వ శాఖ అనుమతి ఇవ్వలేదు. ఇలాంటి పరిస్థితుల్లో అంధుల భారత క్రికెట్ జట్టు ప్రపంచకప్ నుంచి తన పేరును ఉపసంహరించుకుంది. ఈ టోర్నమెంట్ కోసం భారత అంధుల జట్టు క్రీడా మంత్రిత్వ శాఖ నుంచి నో అబ్జెక్షన్ సర్టిఫికేట్ (NOC) పొందింది. అయితే భారత జట్టు పాకిస్తాన్‌కు వెళ్లడానికి హోం మంత్రిత్వ శాఖ, విదేశీ వ్యవహారాల మంత్రిత్వ శాఖ ఆమోదం కూడా అవసరం. అక్కడి నుంచి ఆమోదం రాలేదు.

మీడియా కథనాల ప్రకారం, భారత అంధుల క్రికెట్ సంఘం (ఐబిసిఎ) జనరల్ సెక్రటరీ శైలేంద్ర యాదవ్ పాకిస్తాన్ వెళ్ళడానికి విదేశీ వ్యవహారాల మంత్రిత్వ శాఖ అనుమతి ఇవ్వలేదు. టోర్నమెంట్ నుంచి వైదొలగాలని కోరింది. మౌఖికంగా సమాచారం ఇచ్చింది. అయితే, అధికారిక ఆమోదం మాత్రం ప్రభుత్వం నుంచి లేఖ తనకు ఇంకా అందలేదని యాదవ్ చెప్పుకొచ్చాడు.

3 సార్లు ఛాంపియన్‌గా భారత అంధుల జట్టు..

అంధుల T20 క్రికెట్ ప్రపంచ కప్ 2024 నవంబర్ 23 నుంచి డిసెంబర్ 3 వరకు పాకిస్తాన్‌లో నిర్వహించనున్నారు. ఈ టోర్నీకి ఇది నాలుగో ఎడిషన్. దీనికి ముందు, అంధుల T20 క్రికెట్ ప్రపంచ కప్ మూడు సీజన్లు జరిగాయి. మూడింటిలోనూ భారత జట్టు గెలిచింది. 2012, 2017లో పాకిస్థాన్‌ను ఓడించి భారత జట్టు ఈ టైటిల్‌ను గెలుచుకుంది. అదే సమయంలో, 2022లో, భారత జట్టు ఫైనల్‌లో బంగ్లాదేశ్‌ను ఓడించింది.

మరిన్ని క్రీడా వార్తల కోసం ఇక్కడ క్లిక్ చేయండి..