IND vs WI: లతా మంగేష్కర్ మృతికి సంతాపం తెలిపిన టీమ్‌ ఇండియా..1000వ వన్డేలో నల్ల బ్యాండ్ ధరించి మైదానంలోకి..

IND vs WI: భారత్, వెస్టిండీస్ మధ్య వన్డే సిరీస్ జరుగుతుంది. తొలి మ్యాచ్‌ అహ్మదాబాద్‌లో జరుగుతోంది. ఈ మ్యాచ్‌లో భారత్ టాస్ గెలిచి ముందుగా బౌలింగ్ ఎంచుకుంది. ఇది భారత్‌కు 1000వ వన్డే. ప్రపంచంలో ఇన్ని వన్డేలు ఆడిన తొలి జట్టు భారత్ మాత్రమే. అయితే ఈ చారిత్రాత్మక భారత వన్డేకు ముందే లతా మంగేష్కర్ మరణించారనే విషాద వార్త తెలిసింది. దీంతో భారత జట్టు ఆమె మృతికి సంతాపం తెలిపింది. ఆటగాళ్లు బ్లాక్ బ్యాండ్ ధరించి మైదానంలోకి వచ్చారు. లతా మంగేష్కర్ ఈ రోజు ముంబైలో 92 సంవత్సరాల వయస్సులో మరణించిన సంగతి తెలిసిందే. బ్రీచ్ క్యాండీ ఆసుపత్రిలో తుది శ్వాస విడిచారు. లతా మంగేష్కర్ గత నెల రోజులుగా ఆసుపత్రిలో చికిత్స పొందుతున్నారు. లతా మంగేష్కర్ మృతి పట్ల టీమిండియాతో పాటు భారత మాజీ క్రికెటర్లు కూడా సంతాపం వ్యక్తం చేశారు.

సంతాపం వ్యక్తం చేసిన సునీల్ గవాస్కర్

భారత్-వెస్టిండీస్ మ్యాచ్‌లో వ్యాఖ్యానించిన మాజీ క్రికెటర్ సునీల్ గవాస్కర్ లతా మంగేష్కర్ మృతిని పెద్ద లోటుగా అభివర్ణించాడు. క్రికెట్‌పై లతాజీకి ఉన్న ఆసక్తిని ఆయన ప్రస్తావించారు. లతాజీకి క్రికెట్ అంటే చాలా ఇష్టమని చెప్పారు. ఆమె ఈ ఆటను నిశితంగా చూసేదని పేర్కొన్నారు. లతా మంగేష్కర్ మృతి పట్ల టీమిండియా సంతాపం తెలిపిన సమాచారాన్ని బీసీసీఐ షేర్ చేసింది. లతా దీదీకి క్రికెట్ అంటే చాలా ఇష్టమని బీసీసీఐ ట్వీట్ చేసింది. ఆమె ఎల్లప్పుడూ ఈ క్రీడకు మద్దతు ఇచ్చేదని వ్యాఖ్యానించింది. ఈ మ్యాచ్‌లో టాస్ గెలిచిన భారత జట్టు ముందుగా బౌలింగ్ ఎంచుకుంది. సాయంత్రం మంచు కురుస్తుండటంతో కెప్టెన్ రోహిత్ శర్మ ఈ నిర్ణయం తీసుకున్నాడు.

The BCCI joins the nation in mourning the loss of Bharat Ratna Smt. Lata Mangeshkar ji. The queen of melody enthralled the country for decades. An avid follower of the game and an ardent supporter of Team India, she helped create an awareness using music as a medium.#RIPLataji pic.twitter.com/BSfDb9YnYC

— BCCI (@BCCI) February 6, 2022

Multiple Organ Failure: మల్టిపుల్ ఆర్గాన్ ఫెయిల్యూర్‌తో మరణించిన లతామంగేష్కర్.. ఇది ఎలా జరుగుతుందో తెలుసుకోండి..?

Lata Mangeshkar: ఒకటో తరగతి కూడా చదవలేదు.. కానీ 6 విశ్వవిద్యాలయాలు డాక్టరేట్‌ అందించాయి..

Valentines Day: వాలెంటైన్స్ డేకి మీ భాగస్వామితో కలిసి ఈ ప్రదేశాలు సందర్శిస్తే సూపర్..