Virat Kohli New Record: రన్ మెషీన్ కోహ్లీ ఖాతాలో మరో రికార్డ్.. విరాట్ పరుగులు దాహం అలాంటిది మరి..

భారత కెప్టెన్, రన్ మెషీన్ విరాట్ కోహ్లీ వన్డేల్లో మరో క్రేజీ రికార్డు సొంతం చేసుకున్నాడు. ఇంగ్లాండ్​తో జరుగుతున్న రెండో వన్డేలో హాఫ్ సెంచరీతో అదరగొట్టిన విరాట్.. మూడో స్థానంలో పది వేల పరుగులు పూర్తి చేసిన జాబితాలో సెకండ్ ప్లేసులో నిలిచాడు. 190 ఇన్నింగ్స్​ల్లో కోహ్లీ​ ఈ ఫీట్ అందుకున్నాడు.

ఈ లిస్ట్‌లో ఫస్ట్ ప్లేసులో ఆస్ట్రేలియా​ మాజీ కెప్టెన్ రికీ పాంటింగ్ ఉన్నాడు. 330 ఇన్నింగ్స్​ల్లో 12,662 రన్స్‌తో అగ్రస్థానంలో కొనసాగుతున్నాడు పాంటింగ్​. శ్రీలంక బ్యాట్స్​మెన్​ కుమార సంగక్కర 238 ఇన్నింగ్స్​ల్లో 9,747 పరుగులతో కోహ్లీ​ తర్వాతి స్థానంలో ఉన్నాడు. దక్షిణాఫ్రికా మాజీ ఆల్​రౌండర్​ జాక్వెస్​ కలిస్ 7,774 పరుగులతో నాలుగో స్థానంలో నిలిచాడు. ​

పుణె వేదికగా ఇంగ్లాండ్​తో జరుగుతున్న రెండో వన్డేలో భారత టీమ్ నిర్ణీత ఓవర్లలో 6 వికెట్ల నష్టానికి 336 రన్స్ చేసింది. టాస్​ ఓడి బ్యాటింగ్​కు దిగిన ఇండియాకు ఆరంభంలోనే షాక్ తగిలింది. గత మ్యాచ్​లో రాణించిన ఓపెనర్​ ధావన్​.. స్కోరు బోర్డులో 9 పరుగుల వద్దే పెవిలియన్ చేరాడు. మరికాసేపటికే హిట్ మ్యాన్ రోహిత్ శర్మ(25 బంతుల్లో 25) అవుటయ్యాడు. అనంతరం క్రీజులోకి వచ్చిన రాహుల్(108)​.. కెప్టెన్ విరాట్ కోహ్లీ(66)కి జాగ్రత్తగా ఆడుతూ.. చెత్త బంతుల్ని పెవిలియన్‌కు పంపారు. మూడో వికెట్​కు ఈ జోడీ 121 పరుగుల భాగస్వామ్యం నెలకొల్పింది. ఈ క్రమంలో హాఫ్​ సెంచరీ చేసిన విరాట్.. ఆదిల్ రషీద్​ బౌలింగ్​లో ఔటయ్యాడు. విరాట్ ఔటయ్యాక బ్యాటింగ్​కు దిగిన రిషభ్​ పంత్​.. అప్పటికే దంచికొడుతున్న రాహుల్​కు చేయి అందించాడు. ఈ క్రమంలో నాలుగో వికెట్​కు ఈ జంట 77 బంతుల్లోనే 113 పరుగులు జోడించింది. ఈ క్రమంలో కెరీర్​లో 5వ వన్డే సెంచరీ చేశాడు రాహుల్​. కొద్ది సేపటికే టామ్ కరన్ బౌలింగ్​లో భారీ షాట్​కు ప్రయత్నించి క్యాచ్​ ఔట్​గా వెనుదిరిగాడు.  రిషభ్ పంత్ మెరుపులు మెరిపించాడు. హాఫ్ సెంచరీ చేసేందుకు కేవలం 28 బంతులే తీసుకున్న పంత్​.. మొత్తంగా 40 బంతుల్లో 77 రన్స్ చేశాడు. తర్వాత వచ్చిన హార్దిక్ పాండ్య(35; 16 బంతుల్లో) కూడా​ తన మార్క్ ఎండింగ్ ఇచ్చాడు.

Also Read: చేపను కొనుగోలు చేసిన వ్యక్తి.. దాన్ని కటింగ్ చేయిస్తుండగా కడుపులో షాకింగ్ దృశ్యం

నిరుద్యోగ భృతిపై అసెంబ్లీలో సీఎం కేసీఆర్ క్లారిటీ.. సూటిగా తేల్చి చెప్పేశారు