IND vs BAN Highlights: గిల్ సెంచరీ ఇన్నింగ్స్.. బంగ్లాపై భారత్ ఘన విజయం

భారత్ విజయం

ఛాంపియన్స్ ట్రోఫీని భారత్ విజయంతో ప్రారంభించింది. గురువారం దుబాయ్‌లో జరిగిన మ్యాచ్‌లో ఆ జట్టు బంగ్లాదేశ్‌ను 6 వికెట్ల తేడాతో ఓడించింది. మొదట బ్యాటింగ్ చేసిన బంగ్లాదేశ్ 228 పరుగులు చేసింది. భారత్ 46.3 ఓవర్లలో 4 వికెట్లు కోల్పోయి లక్ష్యాన్ని చేరుకుంది.

నాలుగో వికెట్ డౌన్, అక్షర్ ఔట్

31వ ఓవర్లో భారత్ నాలుగో వికెట్ కోల్పోయింది. ఇక్కడ అక్షర్ పటేల్ 8 పరుగులు చేసి ఔటయ్యాడు. అతను రియాజ్ హుస్సేన్ బౌలింగ్ లో క్యాచ్ ఇచ్చి ఔట్ అయ్యాడు.

వరుసగా నాలుగో వన్డేలో గిల్ అర్ధశతకం

శుభమాన్ గిల్ తన యాభై పరుగులు పూర్తి చేసుకున్నాడు. వరుసగా నాలుగో వన్డేలో అతను అర్ధ సెంచరీ సాధించాడు. రియాద్ హుస్సేన్ వేసిన 25వ ఓవర్ చివరి బంతికి సింగిల్ తీయడం ద్వారా గిల్ తన అర్ధ సెంచరీని పూర్తి చేసుకున్నాడు.

కోహ్లీ ఔట్

100 పరుగులు దాటిన స్కోర్

20 ఓవర్లు ముగిసేసరికి భారత్ ఒక వికెట్ నష్టానికి 101 పరుగులు చేసింది. శుభ్‌మన్ గిల్, విరాట్ కోహ్లీ క్రీజులో ఉన్నారు. రోహిత్ శర్మ 36 బంతుల్లో 41 పరుగులు చేసి ఔటయ్యాడు.

రోహిత్ ఔట్..

భారత జట్టు 10 ఓవర్లలో ఒక వికెట్ నష్టానికి 69 పరుగులు చేసింది. శుభ్‌మన్ గిల్, విరాట్ కోహ్లీ క్రీజులో ఉన్నారు.

రోహిత్ శర్మ 36 బంతుల్లో 41 పరుగులు చేసి ఔటయ్యాడు. తస్కిన్ అహ్మద్ బౌలింగ్‌లో రిషద్ హుస్సేన్‌కి క్యాచ్ ఇచ్చాడు. రోహిత్ తన వన్డే కెరీర్‌లో 11 వేల పరుగులు పూర్తి చేసుకున్నాడు.

11వేల క్లబ్‌లో రోహిత్

భారత జట్టు 6 ఓవర్లలో వికెట్ నష్టపోకుండా 35 పరుగులు చేసింది. రోహిత్ శర్మ, శుభ్‌మన్ గిల్ క్రీజులో ఉన్నారు. రోహిత్ తన వన్డే కెరీర్‌లో 11 వేల పరుగులు పూర్తి చేసుకున్నాడు. అతను 261 మ్యాచ్‌ల్లో ఈ సంఖ్యను సాధించాడు. అత్యంత వేగంగా 11 వేల పరుగులు చేసిన వారిలో అతను రెండవ స్థానంలో ఉన్నాడు. ఈ జాబితాలో కోహ్లీ నంబర్ 1 స్థానంలో ఉన్నాడు.

దూకుడు పెంచిన రోహిత్, గిల్

భారత జట్టు 3 ఓవర్లలో వికెట్ నష్టపోకుండా 11 పరుగులు చేసింది. రోహిత్ శర్మ, శుభ్‌మన్ గిల్ క్రీజులో ఉన్నారు.

టీమిండియా టార్గెట్ 229

ఛాంపియన్స్ ట్రోఫీలో రెండో మ్యాచ్‌లో బంగ్లాదేశ్ భారత్‌కు 229 పరుగుల లక్ష్యాన్ని నిర్దేశించింది. గురువారం దుబాయ్‌లో బంగ్లాదేశ్ బ్యాటింగ్ ఎంచుకుంది. 36 పరుగులకే 5 వికెట్లు కోల్పోయినప్పటికీ ఆ జట్టు 49.4 ఓవర్లలో 228 పరుగులు చేసింది. తౌహీద్ హృదయ్ సెంచరీ సాధించాడు. అతను 118 బంతుల్లో 100 పరుగులు చేశాడు. జకీర్ అలీ 68 పరుగులు చేసి ఔటయ్యాడు.

షమీ 5 వికెట్ల హాల్..

48.4 ఓవర్లకు బంగ్లాదేశ్ జట్టు 9 వికెట్లకు 228 పరుగులు చేసింది. తౌహీద్ హృదయ్ సెంచరీతో కీలక ఇన్నింగ్స్ ఆడాడు. షమీ 5 వికెట్ల హాల్‌తో ఆకట్టుకున్నాడు.

జాకీర్, తౌహీద్ హాఫ్ సెంచరీలు

బంగ్లాదేశ్ 35 పరుగులకే 5 వికెట్లు కోల్పోయిన తర్వాత, తౌహీద్, జాకీర్ అలీ బంగ్లాదేశ్ ఇన్నింగ్స్‌ను నడిపించారు. ఇద్దరూ తమ హాప్ సెంచరీలు సాధించారు. ఈ కాలంలో, జకీర్‌కు మూడు లైఫ్‌లైన్‌లు కూడా లభించాయి.

కెఎల్ రాహుల్ స్టంపింగ్ మిస్..

23వ ఓవర్లో జాకీర్ అలీకి మూడో లైఫ్ లభించింది. ఇక్కడ వికెట్ కీపర్ కేఎల్ రాహుల్ అతనిని స్టంపింగ్ చేయడంలో మిస్ అయ్యాడు. ఈ ఓవర్లో, జాకీర్ తౌహీద్ హృదయ్ తో తన యాభై పరుగుల భాగస్వామ్యాన్ని పూర్తి చేసుకున్నాడు.

కష్టాల నుంచి కోలుకున్న బంగ్లా

23 ఓవర్లలో బంగ్లా జట్టు 5 వికెట్లకు 86 పరుగులు చేసింది. తౌహీద్ హృదయ్, జాకీర్ అలీ క్రీజులో ఉన్నారు. వీరిద్దరి మధ్య యాభై పరుగుల భాగస్వామ్యం నెలకొంది.

5 వికెట్లు కోల్పోయిన బంగ్లా

15 ఓవర్లు ముగిసే సరికి బంగ్లాదేశ్ జట్టు 5 వికెట్లు కోల్పయి 62 పరుగులు చేసింది. అక్షర్ 2, షమీ 2, రాణా 1 వికెట్ పడగొట్టారు.

2 బంతుల్లో 2 వికెట్లు

అక్షర్ పటేల్ తన మొదటి ఓవర్‌లో రెండు వరుస బంతుల్లో 2 వికెట్లు పడగొట్టాడు. దీంతో బంగ్లా ప్రస్తుతం 5 వికెట్లు కోల్పోయి 35 పరుగులు చేసింది.

3 వికెట్లు డౌన్

6.2 ఓవర్లలో బంగ్లా 3 వికెట్లు కోల్పోయింది. పవప్ ప్లేలోపే షమీ 2, రాణా 1 వికెట్‌తో బంగ్లాను పీకల్లోతు కష్టాల్లో పడేశారు.

బంగ్లా కెప్టెన్‌కు షాకిచ్చిన రాణా..

తొలి ఓవర్లో షమీ షాకివ్వగా, రెండో ఓవర్లో హర్షిత్ రాణా బంగ్లా కెప్టెన్ శాంటోను పెవిలియన్ చేర్చాడు. దీంతో బంగ్లా 2 ఓవర్లు ముగిసే సరికి 2 పరుగులు మాత్రమే చేసి, 2 వికెట్లు కోల్పోయింది.

తొలి వికెట్ కోల్పోయిన బంగ్లా..

తొలి ఓవర్లోనే షమీ బంగ్లాకు బిగ్ షాక్ ఇచ్చాడు. సౌమ్యా సర్కార్ (0)కే పెవిలియన్ చేరాడు. ఇంకో 2 వికెట్లు పడగొడితే షమీ ఓ రికార్డ్ నెలకొల్పనున్నాడు.

వరుసగా 11సార్లు టాస్ ఓటమి

2023 ప్రపంచ కప్ ఫైనల్స్ నుంచి భారత్ వరుసగా 11 టాస్‌లు ఓడిపోయింది. మార్చి 2011, ఆగస్టు 2013 మధ్య 11 టాస్‌లు ఓడిన నెదర్లాండ్స్‌తో పోలిస్తే వన్డేల్లో ఒక జట్టుకు ఇదే అత్యధిక టాస్‌లు ఓడిన జట్టుగా భారత్ నిలిచింది.

బంగ్లాదేశ్ ప్లేయింగ్ 11 ఇదే..

బంగ్లాదేశ్ (ప్లేయింగ్ XI): తాంజిద్ హసన్, సౌమ్య సర్కార్, నజ్ముల్ హొస్సేన్ శాంటో(కెప్టెన్), తౌహిద్ హృదయ్, ముష్ఫికర్ రహీమ్(కీపర్), మెహిదీ హసన్ మిరాజ్, జాకర్ అలీ, రిషాద్ హొస్సేన్, తంజిమ్ హసన్ సకీబ్, తస్కిన్ అహ్మద్, ముస్తాఫిజుర్ రహ్మాన్.

టీమిండియా ప్లేయింగ్ 11

భారత్ (ప్లేయింగ్ XI): రోహిత్ శర్మ(సి), శుభ్‌మన్ గిల్, విరాట్ కోహ్లీ, శ్రేయాస్ అయ్యర్, కేఎల్ రాహుల్(w), హార్దిక్ పాండ్యా, అక్షర్ పటేల్, రవీంద్ర జడేజా, హర్షిత్ రాణా, మహమ్మద్ షమీ, కుల్దీప్ యాదవ్.

టాస్ గెలిచిన బంగ్లాదేశ్

ఛాంపియన్స్ ట్రోఫీ-2025 రెండవ మ్యాచ్ దుబాయ్ క్రికెట్ స్టేడియంలో భారత్ వర్సెస్ బంగ్లాదేశ్ మధ్య జరుగుతోంది. టాస్ గెలిచిన బంగ్లాదేశ్ కెప్టెన్ నజ్ముల్ హసన్ శాంటో బ్యాటింగ్ ఎంచుకున్నాడు.

టాస్ కీలకం..

దుబాయ్ మైదానంలో బంగ్లాదేశ్‌తో జరిగే మ్యాచ్‌లో టాస్ చాలా ముఖ్యమైనది. ఎందుకంటే, ఈ పిచ్‌పై ఛేజింగ్ చేయడం సులభం. రెండవ ఇన్నింగ్స్‌లో బ్యాటింగ్ చేసే జట్టు చాలా మ్యాచ్‌లలో విజయం సాధించింది. 2021 టీ20 ప్రపంచ కప్ సందర్భంగా, 13 మ్యాచ్‌లలో 12 మ్యాచ్‌లను ఛేజింగ్ జట్టు గెలిచింది. IPL 2021లో కూడా ఇదే తరహా ధోరణి కనిపించింది.  13 మ్యాచ్‌లలో 9 మ్యాచ్‌లను జట్టు రెండవ ఇన్నింగ్స్‌లో బ్యాటింగ్ చేసి గెలిచింది. ఇటీవల, ILT20 లీగ్‌లో కూడా, ఛేజింగ్ జట్లు 15 మ్యాచ్‌లలో 11 మ్యాచ్‌ల్లో విజయం సాధించాయి.

IND vs BAN Live Score: ముగ్గురు లెఫ్ట్ హ్యాండర్లతో బరిలోకి భారత్

దుబాయ్‌లో బంగ్లాదేశ్‌తో జరిగే మ్యాచ్‌లో టీమ్ ఇండియా ముగ్గురు ఎడమచేతి వాటం స్పిన్నర్లను రంగంలోకి దించగలదు. రవీంద్ర జడేజా, అక్షర్ పటేల్, కుల్దీప్ యాదవ్ స్పిన్ దాడిలో భాగం కాగలరు.

21 ఏళ్ల తర్వాత తొలిసారి షకీబ్ లేకుండా..

21 సంవత్సరాల తర్వాత, అంటే 2004 తర్వాత, బంగ్లాదేశ్ జట్టు తన అనుభవజ్ఞుడైన ఆటగాడు షకీబ్ అల్ హసన్ లేకుండా ఏదైనా ICC ఈవెంట్‌లో (ODI లేదా T20) ఆడనుంది.

భారత్, బంగ్లాదేశ్ వన్డే రికార్డులు

బంగ్లాదేశ్‌తో జరిగిన వన్డేల్లో భారత జట్టు మొత్తం రికార్డు అద్భుతంగా ఉంది. ఇరు జట్ల మధ్య 41 మ్యాచ్‌లు జరగగా, టీం ఇండియా 32 మ్యాచ్‌ల్లో గెలిచింది. బంగ్లాదేశ్ జట్టు 8 మ్యాచ్‌ల్లో గెలిచి, 1 మ్యాచ్ టై అయింది.