IND vs PAK Match Prediction: స్లో పిచ్ పై భారత్, పాక్ పోరు.. మ్యాచ్‌ను మలుపు తిప్పేది వీళ్లే..?

IND vs PAK Match Prediction: ఐసీసీ టీ20 ప్రపంచ కప్ 2026 లో ఎంతో ఆసక్తిగా ఎదురుచూస్తున్న ఇండియా vs పాకిస్తాన్ మ్యాచ్ ఫిబ్రవరి 15 న కొలంబోలో జరగనుంది. గత మ్యాచ్‌లో భారత జట్టు నమీబియాను 93 పరుగుల తేడాతో ఓడించి వరుసగా రెండో విజయాన్ని నమోదు చేసి గ్రూప్ ఏలో మొదటి స్థానంలో ఉంది. మరోవైపు, పాకిస్తాన్ USA ని 32 పరుగుల తేడాతో ఓడించింది. రెండు మ్యాచ్‌లలో గెలిచిన తర్వాత పాకిస్తాన్ పాయింట్ల పట్టికలో రెండవ స్థానంలో ఉంది.

ఇటీవలి కాలంలో భారత జట్టు పాకిస్తాన్ పై ఆధిపత్యం చెలాయించింది. కొలంబోలో, టీమిండియా తన మునుపటి ప్రదర్శనను పునరావృతం చేయాలని చూస్తుండగా, పాకిస్తాన్ తన మునుపటి ఓటములకు ప్రతీకారం తీర్చుకోవాలని చూస్తుంది. ఈ క్రమంలో కొలంబో పిచ్ నివేదికతోపాటు కీలక ఆటగాల్లను ఓసారి పరిశీలిద్దాం..

ఆర్. ప్రేమదాస స్టేడియం, కొలంబో పిచ్ రిపోర్ట్..

ఐసీసీ టీ20 ప్రపంచకప్ లో భాగంగా 27వ మ్యాచ్ కొలంబోలోని ఆర్. ప్రేమదాస స్టేడియంలో జరుగుతుంది. కొలంబోలోని పిచ్ నెమ్మదిగా ఉంటుంది. అయినప్పటికీ టోర్నమెంట్‌లో ఇప్పటివరకు ఇది సమతుల్యంగా కనిపిస్తోంది.

ఇరుజట్ల ప్రాబబుల్ ప్లేయింగ్..

భారత్ : అభిషేక్ శర్మ , ఇషాన్ కిషన్ (వికెట్ కీపర్), తిలక్ వర్మ, సూర్యకుమార్ యాదవ్ (కెప్టెన్), హార్దిక్ పాండ్యా, శివమ్ దూబే, రింకూ సింగ్, అక్షర్ పటేల్, అర్ష్దీప్ సింగ్/ కుల్దీప్ యాదవ్ , వరుణ్ చక్రవర్తి, జస్ప్రీత్ బుమ్రా

పాకిస్థాన్ : సయీమ్ అయూబ్, సాహిబ్జాదా ఫర్హాన్, సల్మాన్ అఘా (కెప్టెన్), బాబర్ ఆజం, ఉస్మాన్ ఖాన్ (వికెట్ కీపర్), షాదాబ్ ఖాన్, మహ్మద్ నవాజ్, ఫహీమ్ అష్రఫ్, షాహీన్ అఫ్రిది, ఉస్మాన్ తారిఖ్, అబ్రార్ అహ్మద్

IND vs PAK మ్యాచ్ లో ఎవరు ఎక్కువ పరుగులు చేయగలరు?

ఇషాన్ కిషన్ అద్భుతమైన ఫామ్‌లో ఉన్నాడు. నమీబియాపై 24 బంతుల్లో 61 పరుగులు చేశాడు. ఈ మ్యాచ్‌లో కూడా అతను భారత జట్టుకు మంచి ఆరంభం ఇవ్వగలడు.

ఇప్పటివరకు రెండు మ్యాచ్‌ల్లో 96 పరుగులు చేసిన సూర్యకుమార్ యాదవ్ మరోసారి మిడిలార్డర్‌లో మంచి ప్రదర్శన ఇవ్వగలడు.

IND vs PAK మ్యాచ్ లో ఎవరు ఎక్కువ వికెట్లు తీయగలరు?

ఈ మ్యాచ్‌లో వరుణ్ చక్రవర్తి పాకిస్తాన్ బ్యాట్స్‌మెన్స్ ను ఇబ్బంది పెట్టవచ్చు. కొలంబో పిచ్ స్పిన్నర్లకు గణనీయమైన సహకారాన్ని అందిస్తుంది. అతను ఇప్పటివరకు రెండు మ్యాచ్‌ల్లో నాలుగు వికెట్లు పడగొట్టాడు.

ఈ మ్యాచ్‌లో ఉస్మాన్ తారిక్ పాకిస్తాన్ తరపున మంచి ప్రదర్శన ఇవ్వగలడు. ఆస్ట్రేలియాతో జరిగిన టీ20 సిరీస్‌లో అతను మంచి ప్రదర్శన ఇచ్చాడు.

IND vs PAK మ్యాచ్ లో ఎవరిది పైచేయి అవుతుందో తెలుసా?

భారత్ vs పాకిస్తాన్ జట్ల ఇటీవలి ఫామ్, హెడ్-టు-హెడ్ రికార్డులు, బలమైన బ్యాటింగ్ యూనిట్ దృష్ట్యా, భారత జట్టు ఈ మ్యాచ్‌లో ఫేవరెట్‌గా పరిగణిస్తున్నారు. పాకిస్తాన్‌ మిడిల్ ఆర్డర్ బ్యాట్స్‌మెన్స్ పేలవమైన ప్రదర్శన ఆందోళనకరంగా ఉంది.

ICC T20 WC 2026 కోసం భారత్, పాకిస్తాన్ జట్లు..

భారత్ : సంజూ శాంసన్, ఇషాన్ కిషన్ (వికెట్ కీపర్), తిలక్ వర్మ, సూర్యకుమార్ యాదవ్ (కెప్టెన్), హార్దిక్ పాండ్యా, శివమ్ దూబే, రింకూ సింగ్, అక్షర్ పటేల్, అర్ష్‌దీప్ సింగ్ , వరుణ్ చక్రవర్తి, జస్ప్రీత్ బుమ్రా, అభిషేక్ శర్మ, మహ్మద్ సిరాజ్, కుల్దీప్ సుందర్, కుల్దీప్ సుందర్.

పాకిస్థాన్ : సయీమ్ అయూబ్, సాహిబ్జాదా ఫర్హాన్, సల్మాన్ అఘా (కెప్టెన్), బాబర్ ఆజం, ఉస్మాన్ ఖాన్ (వికెట్ కీపర్), షాదాబ్ ఖాన్, మహ్మద్ నవాజ్, ఫహీమ్ అష్రఫ్, షాహీన్ అఫ్రిది, ఉస్మాన్ తారిఖ్, అబ్రార్ అహ్మద్, సల్మాన్ ఖార్జా, ఫఖర్ షా జమాన్, నజమ్ఫ్ షా జమాన్.