Video: ఎంటర్తైన్మెంట్ లే.. అంతా బోరింగ్ మావ.! లైవ్ మ్యాచ్‌లో బజ్‌బాల్‌‌ పరువు తీసిన గిల్, సిరాజ్

England vs India, 3rd Test: క్రికెట్ ప్రపంచంలో సంచలనం సృష్టిస్తున్న ‘బజ్‌బాల్’ వ్యూహం, లార్డ్స్ మైదానంలో జరుగుతున్న భారత్-ఇంగ్లండ్ మూడో టెస్ట్ మ్యాచ్‌లో భారత ఆటగాళ్ల వ్యంగ్య వ్యాఖ్యలకు దారితీసింది. ఇంగ్లండ్ దూకుడైన బ్యాటింగ్ విధానం అయిన ‘బజ్‌బాల్’ (కోచ్ బ్రెండన్ మెక్‌కలమ్ పేరు మీద వచ్చింది) కొన్నిసార్లు తమకే తిరుగుబాటైనప్పుడు, ప్రత్యర్థి జట్లకు, ముఖ్యంగా భారత ఆటగాళ్లకు ఇంగ్లండ్‌ను ఆటపట్టించే అవకాశం లభిస్తుంది.

లార్డ్స్‌లో సిరాజ్, గిల్ స్లెడ్జింగ్..

లార్డ్స్ వేదికగా జరుగుతున్న మూడో టెస్ట్ మ్యాచ్‌లో, ఇంగ్లండ్ బ్యాటర్లు క్రీజులో నెమ్మదిగా ఆడుతూ, తమ సహజమైన దూకుడును ప్రదర్శించలేకపోతున్న సమయంలో, భారత పేస్ బౌలర్ మొహమ్మద్ సిరాజ్, టీమిండియా కెప్టెన్ శుభమాన్ గిల్ ఇంగ్లండ్ ‘బజ్‌బాల్’ వ్యూహంపై వ్యంగ్యాస్త్రాలు విసిరారు.

గురువారం ఇంగ్లాండ్ బ్యాటర్లతో కాస్త మైండ్ గేమ్‌లు ఆడాలనే మూడ్‌లో భారత కెప్టెన్ శుభ్‌మాన్ గిల్ ఉన్నాడు. ఆతిథ్య జట్టు నెమ్మదిగా పరుగులు తీస్తున్న తీరును ఎగతాళి చేశాడు. ఇది వారి బజ్ బాల్ విధానానికి పూర్తిగా విరుద్ధంగా ఉంది. ఇంగ్లాండ్ జట్టు బెన్ డకెట్, జాక్ క్రాలీ వికెట్లను త్వరగా కోల్పోయి 35.4 ఓవర్లలో 100 పరుగులు చేసింది. స్వదేశంలో జరిగిన టెస్ట్‌లో ఇంగ్లండ్ జట్టు అతి తక్కువ స్కోరుగా మారింది.

#MohammedSiraj turns up the spice at Lord’s! 🌶🔥

Joe Root was playing it safe… until Mohammed Siraj decided to knock on his mental front door with some classic banter! 🗣😏#ENGvIND 👉 3rd TEST, DAY 1 | LIVE NOW on JioHotstar ➡ https://t.co/H1YUOckUwK pic.twitter.com/6VeulnpzbT

— Star Sports (@StarSportsIndia) July 10, 2025

“ఇక వినోదాత్మక క్రికెట్ లేదు. బోరింగ్ టెస్ట్ క్రికెట్‌కు తిరిగి స్వాగతం, అబ్బాయిలు,” అని గిల్ వ్యంగ్యంగా కామెంట్ చేశాడు. ఆ సమయంలో ఇంగ్లాండ్ రన్ రేట్ 3 కంటే తక్కువకు పడిపోయింది. జో రూట్ 50 పరుగులు చేయడంతో కాస్త కోలుకున్న ఇంగ్లండ్.. రన్ రేట్ ఇప్పటికీ ఆందోళన కలిగిస్తుంది.

#ShubmanGill, with the most sarcastic sledge of the season kyunki ye seekhne nahi, sikhane aaye hain 😎

“Welcome to Boring Test Cricket.” 🫢💭

Who said Test matches aren’t spicy? 🔥#ENGvIND 👉 3rd TEST, DAY 1 | LIVE NOW on JioHotstar ➡ https://t.co/H1YUOckUwK pic.twitter.com/U7fEy4HXpR

— Star Sports (@StarSportsIndia) July 10, 2025

కొద్దిసేపటి తర్వాత, మహమ్మద్ సిరాజ్ కూడా జో రూట్‌ను రెచ్చగొట్టడానికి ప్రయత్నించాడు, “బజ్‌బాల్ ఎక్కడ ఉంది? బజ్ బజ్ బజ్‌బాల్, రండి నేను చూడాలనుకుంటున్నాను” అంటూ టీజ్ చేశాడు.

సిరాజ్ వ్యాఖ్యలకు శుభమాన్ గిల్ కూడా తోడయ్యాడు. సాధారణంగా ప్రశాంతంగా కనిపించే గిల్ కూడా, ఇంగ్లండ్ బ్యాట్స్‌మెన్ ఆడుతున్న తీరుపై వ్యంగ్యంగా “బజ్‌బాల్!” అంటూ అరిచాడు. భారత డగౌట్ నుంచి కూడా ఈ వ్యాఖ్యలకు మద్దతు లభించింది. భారత జట్టు సభ్యులు నవ్వుతూ, ఈ స్లెడ్జింగ్‌ను ఆస్వాదించారు.

క్రికెట్‌లో స్లెడ్జింగ్ పాత్ర..

క్రికెట్‌లో స్లెడ్జింగ్ అనేది ఆటలో ఒక అంతర్భాగం. ప్రత్యర్థి ఆటగాళ్ల ఏకాగ్రతను దెబ్బతీయడానికి, లేదా వారిపై ఒత్తిడి పెంచడానికి ఆటగాళ్లు స్లెడ్జింగ్‌కు పాల్పడుతుంటారు. అయితే, ఇది స్పోర్ట్స్‌మన్‌షిప్‌ను మించిపోకుండా ఉండటం ముఖ్యం. సిరాజ్,యు గిల్ వ్యాఖ్యలు వ్యంగ్యంగా ఉన్నప్పటికీ, అవి ఆటలో ఉన్న పోటీతత్వాన్ని, ఆటగాళ్ల మధ్య ఉండే సరదా సంభాషణలను ప్రతిబింబిస్తాయి. కాగా, తొలిరోజు ఆట ముగిసే సమయానికి 4 వికెట్ల నష్టానికి 251 పరుగులు చేసింది. జో రూట్ అద్భుతమైన 99 పరుగులతో నాటౌట్‌గా నిలిచాడు.