ENG vs SL: చెలరేగిన లంక బౌలర్లు.. తక్కువ స్కోరుకే ఇంగ్లండ్‌ ఆలౌట్‌.. మరో షాక్‌ తప్పదా?

England Vs Sri Lanka

ప్రపంచకప్‌ ఫేవరెట్‌ జట్లలో ఒకటైన ఇంగ్లండ్‌ ఆటతీరు ఏ మాత్రం మారడం లేదు. డిపెండింగ్‌ ఛాంపియన్‌ బరిలోకి దిగన ఆ జట్టు ఇప్పుడు ఏకంగా వరల్డ్‌ కప్‌ టోర్నీ నుంచే నిష్ర్కమించే స్థితికి చేరుకుంది. ఇప్పటికే ఆఫ్గనిస్తాన్‌ చేతిలో ఓడిపోయిన ఆ జట్టు ఇప్పుడు శ్రీలంక చేతిలోనూ చిత్తయ్యేలా కనిపిస్తోంది. బెంగళూరు వేదికగా జరుగుతున్న మ్యాచ్‌లో మొదట బ్యాటింగ్ చేసిన ఇంగ్లిష్‌ టీమ్‌ కేవలం 33. 2 ఓవర్లలో 156 పరుగులకే కుప్పకూలింది. బ్యాటింగ్‌కు స్వర్గధామమైన చిన్నస్వామి స్టేడియంలో ఒక్కరంటే ఒక్క ఇంగ్లండ్‌ బ్యాటర్‌ అర్ధ సెంచరీ చేయలేపోయారు. బెన్‌స్టోక్స్‌ (43; 73 బంతుల్లో 6 ఫోర్లు) టాప్ స్కోరర్‌గా నిలిచాడు. జానీ బెయిర్‌స్టో (30; 31 బంతుల్లో 3 ఫోర్లు), డేవిడ్ మలన్ (28; 25 బంతుల్లో 6 ఫోర్లు) మాత్రమే రాణించారు. ట్‌ (3), జోస్‌ బట్లర్‌ ( 8), లియామ్‌ లివింగ్‌ స్టోన్‌ (1), మొయిన్‌ అలీ (15), క్రిస్‌ వోక్స్‌ (0), ఆదిల్ రషీద్‌ (2), మార్క్‌ వుడ్ (5), డేవిడ్ విల్లీ (14 నాటౌట్‌ ) అలా వచ్చి ఇలా వెళ్లారు. శ్రీలంక బౌలర్లలో లహిరు కుమార 3 వికెట్లు తీసుకోగా, ఏంజెలో మాథ్యూస్‌, రజిత తలా రెండు వికెట్లు, మహీశ్‌ తీక్షణ ఒక వికెట్ పడగొట్టారు.

కాగా ఈ కీలక మ్యాచ్‌ కోసం ఇంగ్లండ్, శ్రీలంక జట్లు రెండు ప్లేయింగ్ ఎలెవన్‌లో భారీ మార్పులు చేశాయి. ఇంగ్లండ్‌ గస్ అటిన్సన్, హ్యారీ బ్రూక్, గాయపడిన రీస్ టాప్లీలకు విశ్రాంతి నిచ్చింది . ప్లేయింగ్ ఎలెవన్‌లో ఈ ముగ్గురికి బదులుగా లియామ్ లివింగ్‌స్టోన్, మొయిన్ అలీ, క్రిస్ వోక్స్‌లకు అవకాశం కల్పించారు. శ్రీలంక జట్టులో ఏంజెలో మాథ్యూస్, లహిరు కుమారకు అవకాశం కల్పించారు. ఇక మ్యాచ్లో టాస్‌ గెలిచిన ఇంగ్లండ్‌ మొదట బ్యాటింగ్‌ ఎంచుకుంది. పవర్‌ ప్లే వరకు 44/0 స్కోరుతో పటిష్టమైన స్థితిలోనే ఉంది. అయితే చాలా రోజుల తర్వాత జట్టులోకి అడుగుపెట్టిన ఏంజెలో మాథ్యూస్‌ ఇంగ్లండ్‌ ను మొదటి దెబ్బ తీశాడు. ఆ తర్వాత లహిరు కుమార, రజిత విజృంభించడంతో వరుస విరామాల్లో వికెట్లో కోల్పోయింది. కెప్టెన్‌ బెన్‌ స్టోక్స్‌ మాత్రమే కాసేపు లంకేయులను ఎదుర్కొన్నాడు. ఇక ప్రపంచకప్‌లో ఇప్పటివరకు ఇంగ్లండ్‌, శ్రీలంక జట్లు 11 సార్లు తలపడ్డాయి. ఇంగ్లండ్‌ 6 మ్యాచ్‌లు, శ్రీలంక 5 మ్యాచ్‌లు గెలిచాయి. మరి ఈ మ్యాచ్‌లో ఓడిన జట్టు దాదాపు ప్రపంచ కప్‌ టోర్నీ నుంచి నిష్ర్కమించడం ఖాయం.

ఇంగ్లాండ్ ప్లేయింగ్ XI

జోస్ బట్లర్ (కెప్టెన్ & వికెట్ కీపర్), జానీ బెయిర్‌స్టో, డేవిడ్ మలన్, జో రూట్, బెన్ స్టోక్స్, లియామ్ లివింగ్‌స్టోన్, మొయిన్ అలీ, క్రిస్ వోక్స్, డేవిడ్ వీలీ, ఆదిల్ రషీద్,  మార్క్ వుడ్.

శ్రీలంక ప్లేయింగ్ XI

కుసాల్ మెండిస్ (కెప్టెన్ మరియు వికెట్ కీపర్), పాతుమ్ నిసంక, కుసల్ పెరీరా, సదీర సమరవిక్రమ, చరిత్ అస్లంక, ధనంజయ డి సిల్వా, ఏంజెలో మాథ్యూస్, మహిష్ తిక్షణ, కసున్ రజిత, లహిరు కుమార , దిల్షాన్ మధుశంక.

 బెన్‌ స్టోక్స్‌ టాప్‌ స్కోరర్..

ఓడితే ఇక ఇంటికే..

మరిన్నిక్రీడా వార్తల కోసం ఇక్కడ క్లిక్ చేయండి..