RR vs RCB IPL 2022 Match Preview: హ్యాట్రిక్‌పై కన్నేసిన రాజస్థాన్.. బెంగళూరుతో పోరుకు సిద్ధం.. బలాలు, రికార్డులు ఎలా ఉన్నాయంటే?
IPL 2022 RR vs RCB Head to Head: రాజస్థాన్ వర్సెస్ బెంగళూరు మధ్య మ్యాచ్ ముంబైలోని వాంఖడే స్టేడియంలో జరుగుతుంది. ఈ మైదానంలోని పిచ్‌ మొదట్లో ఫాస్ట్‌ బౌలర్‌లకు సహకరిస్తున్నందున ఇరు జట్లూ సద్వినియోగం చేసుకోవాలని కోరుకుంటున్నాయి.
IPL 2022 RR vs RCB Head to Head: ఐపీఎల్ 2022(IPL 2022) 13వ మ్యాచ్ రాజస్థాన్ రాయల్స్ వర్సెస్ రాయల్ ఛాలెంజర్స్ బెంగళూరు(Rajasthan Royals vs Royal Challengers Bangalore) మధ్య జరగనుంది. తొలి రెండు మ్యాచ్‌ల్లోనూ గెలిచిన సంజూ శాంసన్ నేతృత్వంలోని రాయల్స్ జట్టు హ్యాట్రిక్ విజయాన్ని సాధించడమే లక్ష్యంగా రంగంలోకి దిగనుంది. ఇప్పటివరకు ముంబై ఇండియన్స్, సన్ రైజర్స్ హైదరాబాద్‌లను ఓడించింది. ఫాఫ్ డు ప్లెసిస్(Faf Du Plessis) నేతృత్వంలోని RCB తన మొదటి మ్యాచ్‌లో కోల్‌కతా నైట్ రైడర్స్ (KKR)పై మూడు వికెట్ల తేడాతో విజయం సాధించింది. ఇటువంటి పరిస్థితిలో, ఈ జట్టు కూడా విజయాల పరంపరను కొనసాగించాలని కోరుకుంటుంది. ముంబైలోని వాంఖడే స్టేడియం(Wankhede Stadium)లో రాజస్థాన్ , బెంగళూరు మధ్య మ్యాచ్ జరగనుంది. ఈ మైదానంలోని పిచ్‌ మొదట్లో ఫాస్ట్‌ బౌలర్‌లకు సహకరిస్తున్నందున ఇరు జట్లూ సద్వినియోగం చేసుకోవాలని కోరుకుంటున్నారు.
రాజస్థాన్‌లో ఓపెనర్ జోస్ బట్లర్ అద్భుతమైన ఫామ్‌లో ఉన్నాడు. ఏప్రిల్ 2న ముంబైతో జరిగిన మ్యాచ్‌లో సెంచరీతో ఆకట్టుకున్నాడు. అయితే, అతనికి ఓపెనర్ యశస్వి జైస్వాల్, నంబర్ త్రీ దేవదత్ పడిక్కల్ నుంచి మద్దతు అవసరం. తొలి మ్యాచ్‌లో అర్ధ సెంచరీ సాధించిన రాజస్థాన్ కెప్టెన్ సంజూ శాంసన్ ముంబైపై శుభారంభాన్ని భారీ స్కోరుగా మార్చలేకపోయాడు. శాంసన్ తన ప్రదర్శనలో నిలకడను కొనసాగించాల్సి ఉంటుంది.
బౌలింగ్‌లో బలంగా రాజస్థాన్:
వెస్టిండీస్ బ్యాట్స్‌మెన్ షిమ్రాన్ హెట్మెయర్ మొదటి రెండు మ్యాచ్‌ల్లో పరుగులు చేశాడు. రాజస్థాన్‌కు చెందిన ఈ ఐదుగురు బ్యాట్స్‌మెన్‌లు RCB బౌలర్లను ఇబ్బందులకు గురిచేస్తారు. ట్రెంట్ బౌల్ట్, ప్రసిద్ధ్ కృష్ణ, నవదీప్ సైనీలు ఇప్పటి వరకు రాణించగా, స్పిన్నర్లు రవిచంద్రన్ అశ్విన్, యుజువేంద్ర చాహల్‌ల ఎనిమిది ఓవర్లు చాలా కీలకం కానున్నాయి.
RCB బ్యాటింగ్‌పై దృష్టి పెట్టాలి..
ఆర్సీబీ బౌలింగ్‌లో శ్రీలంక లెగ్ స్పిన్నర్ వనిందు హసరంగ ముందున్నాడు. ఆయనతో పాటు డేవిడ్ విల్లీ, ఆకాశ్ దీప్, మహ్మద్ సిరాజ్ కూడా గత మ్యాచ్‌లానే రాణించాల్సి ఉంది. RCB రాజస్థాన్ బ్యాట్స్‌మెన్‌లను కట్టడి చేయాలంటే డెత్ ఓవర్ల స్పెషలిస్ట్ హర్షల్ పటేల్ తన వంతు కృషి చేయాల్సి ఉంటుంది. ఆర్‌సీబీకి బౌలింగ్ కంటే బ్యాటింగ్ ఎక్కువ ఆందోళన కలిగిస్తుంది. ఓపెనర్ అనుజ్ రావత్ నిలకడను ప్రదర్శించలేకపోయాడు. అయితే డు ప్లెసిస్ మళ్లీ భారీ స్కోర్ చేయవలసి ఉంది. ఈ మ్యాచ్‌కు ఆస్ట్రేలియా ఆల్‌రౌండర్ గ్లెన్ మాక్స్‌వెల్ అందుబాటులో ఉంటాడా లేదా అనేది ఇంకా స్పష్టంగా తెలియలేదు.
బెంగళూరుదే ఆధిపత్యం..
గత రెండు ఐపీఎల్ సీజన్లలో రాజస్థాన్ రాయల్స్ చేతిలో రాయల్ ఛాలెంజర్స్ బెంగళూరు ఒక్క మ్యాచ్ కూడా ఓడిపోలేదు. గతేడాది రాజస్థాన్‌పై బెంగళూరు 10 వికెట్ల తేడాతో విజయం సాధించి, రెండో మ్యాచ్‌లో 7 వికెట్ల తేడాతో విజయం సాధించింది. 2020లో కూడా బెంగళూరు 8 వికెట్ల తేడాతో రాజస్థాన్‌పై విజయం సాధించింది. దీంతో బెంగళూరు మరోసారి 7 వికెట్ల తేడాతో విజయం సాధించింది. IPL 2019లో, రాజస్థాన్ ఖచ్చితంగా బెంగళూరును 7 వికెట్ల తేడాతో ఓడించింది. ఒక మ్యాచ్‌లో ఫలితం తేలలేదు. అంటే గత ఐదు మ్యాచ్‌ల్లో రాజస్థాన్ ఒక మ్యాచ్‌లో మాత్రమే గెలుపొందగా, బెంగళూరు నాలుగింటిలో గెలిచింది. అయితే ప్రస్తుతం రాజస్థాన్ రాయల్స్ ఫాంను చూస్తుంటే.. బెంగుళూరు తీవ్రంగా పోరాడాల్సి రావొచ్చు.
రెండు జట్లలో ప్లేయింగ్-11 ఇలా ఉండొచ్చు..
రాజస్థాన్ రాయల్స్: సంజూ శాంసన్ (కెప్టెన్), యశస్వి జైస్వాల్, జోస్ బట్లర్ (కీపర్), దేవదత్ పడిక్కల్, షిమ్రాన్ హెట్మెయర్, రాసి వాన్ డెర్ డస్సెన్, రవిచంద్రన్ అశ్విన్, యుజ్వేంద్ర చాహల్, ట్రెంట్ బౌల్ట్, ప్రసిద్ధ్ కృష్ణ, నవదీప్ సైనీ
రాయల్ ఛాలెంజర్స్ బెంగళూరు: ఫాఫ్ డు ప్లెసిస్ (కెప్టెన్), విరాట్ కోహ్లి, అనుజ్ రావత్, దినేష్ కార్తీక్ (కీపర్), షెర్ఫాన్ రూథర్‌ఫోర్డ్/గ్లెన్ మాక్స్‌వెల్, డేవిడ్ మిల్లీ, షాబాజ్ అహ్మద్, వనిందు హసరంగా, హర్షల్ పటేల్, మహ్మద్ సిరాజ్, ఆకాశ్ దీప్.
RR vs RCB మ్యాచ్ కోసం జట్లు :
రాయల్ ఛాలెంజర్స్ బెంగళూరు: విరాట్ కోహ్లి, గ్లెన్ మాక్స్‌వెల్, మహ్మద్ సిరాజ్, ఫాఫ్ డు ప్లెసిస్ (కెప్టెన్), హర్షల్ పటేల్, వనిందు హసరంగా, దినేష్ కార్తీక్, జోష్ హేజిల్‌వుడ్, షాబాజ్ అహ్మద్, అనుజ్ రావత్, ఆకాష్ దీప్, మహిపాల్ లోమోర్డ్, ఫిన్ రూథర్, షెర్ఫార్, జాసన్ బెహ్రెన్‌డార్ఫ్, సుయాష్ ప్రభుదేశాయ్, చామా మిలింద్, అనీశ్వర్ గౌతమ్, కర్ణ్ శర్మ, డేవిడ్ విల్లీ, రజత్ పాటిదార్, సిద్ధార్థ్ కౌల్.
రాజస్థాన్ రాయల్స్: యశస్వి జైస్వాల్, రియాన్ పరాగ్, శుభమ్ గర్వాల్, ధ్రువ్ జురెల్, కుల్దీప్ యాదవ్, కుల్దీప్ సేన్, తేజస్ బరోకా, అనునయ్ సింగ్, కెసి కరియప్ప, సంజు శాంసన్ (కెప్టెన్), జోస్ బట్లర్, రెసీ వాన్ డెర్ డుసెన్, నాథన్ కౌల్టర్- నీషమ్, డారిల్ మిచెల్, కరుణ్ నాయర్, ఒబెడ్ మెక్‌కాయ్, నవదీప్ సైనీ, రవిచంద్రన్ అశ్విన్, ట్రెంట్ బౌల్ట్, షిమ్రాన్ హెట్మెయర్, దేవదత్ పడిక్కల్, ప్రసిద్ధ్ కృష్ణ, యుజ్వేంద్ర చాహల్.
