Gautam Gambhir: వెంటనే డిలీట్‌ చేయండి..! టీమిండియా హెడ్‌ కోచ్‌ గంభీర్‌ షాకింగ్‌ ట్వీట్‌

Gautam Gambhir Cred

ఓ వైపు ఆసియా కప్‌ 2025లో టీమిండియా మంచి ప్రదర్శన చేస్తోంది. పాకిస్థాన్‌ మ్యాచ్‌ సందర్భంగా షేక్‌ హ్యాండ్‌ వివాదం నెలకొన్నప్పటికీ.. టీమిండియా డామినేషన్‌ స్పష్టంగా కనిపిస్తోంది. ఈ క్రమంలో టీమిండియా హెడ్‌ కోచ్‌ గౌతమ్‌ గంభీర్‌ ఓ సీరియస్‌ ట్వీట్‌ చేశాడు. ‘ఈ ఫైల్‌ను వెంటనే డిలీట్‌ చేయండి’ అంటూ హెచ్చరించాడు. అయితే ఇది క్రికెట్‌కు సంబంధించిన కాదులేండి. ఓ యాడ్‌కు సంబంధించి క్రెడ్‌ అనే సంస్థను ఉద్దేశించి గంభీర్‌ ఈ ట్వీట్‌ చేశాడు.

CRED కొత్త ప్రచారంలో భాగంగా రోజువారీ జీవితంలో ఏఐని ఎక్కువగా ఉపయోగించడాన్ని ఎగతాళి చేస్తోంది. విచిత్రమైన, ప్రముఖులతో నిండిన ప్రమోషన్లకు ప్రసిద్ధి చెందిన CRED, మళ్ళీ హాస్యం, అతిశయోక్తి, గంభీర్ అర్ధంలేని స్వభావాన్ని ఈ యాడ్‌ కోసం కంటెంట్‌గా ఉపయోగించింది. ఈ ప్రకటన AI ద్వారా తీసుకువచ్చే విచిత్రమైన పరిస్థితులను, హాస్యభరితమైన ఫలితాలను అందిస్తుంది. అయితే గంభీర్‌ చేసిన ట్వీట్‌పై కూడా భిన్నాభిప్రాయాలు వ్యక్తం అవుతున్నాయి. నిజంగానే గంభీర్‌ ఆ యాడ్‌ నచ్చక దాన్ని డిలీట్‌ చేయమన్నాడా? లేక ఇది మార్కెటింగ్‌ స్ట్రాటజీలో భాగమా అనే చర్చ జరుగుతోంది. దీనిపై క్రెడ్ సంస్థ స్పందిస్తే కానీ అసలు విషయం తెలియదు.

మరిన్ని క్రికెట్‌ వార్తల కోసం ఇక్కడ క్లిక్‌ చేయండి