IPL 2024: నిషేధంతో ఐపీఎల్ నుంచి ఔట్.. కట్‌చేస్తే.. ముజీబ్ స్థానంలో కేకేఆర్ కన్నేసిన ముగ్గురు స్పిన్నర్లు వీరే..

Mujeeb Ur Rahman: ఐపీఎల్ 2024 వేలంలో ఆఫ్ఘనిస్తాన్ స్పిన్ బౌలర్ ముజీబ్ ఉర్ రెహ్మాన్‌ను కోల్‌కతా నైట్ రైడర్స్ జట్టు రూ. 2 కోట్ల బేస్ ధరకు కొనుగోలు చేసింది. IPL 2024లో KKR కోసం ముజీబ్ ప్రధాన స్పిన్నర్ పాత్రను పోషించగలడు. కానీ, ఇప్పుడు IPL 2024లో ముజీబ్ ఆడటం కష్టంగా కనిపిస్తోంది. ఇటువంటి పరిస్థితిలో కోల్‌కతా నైట్ రైడర్స్ టీం ఈ ఆటగాడికి ప్రత్యామ్నాయాన్ని కనుగొనవలసి ఉంటుంది.

ముజీబ్ ఉర్ రెహ్మాన్‌కి ఐపీఎల్ ఆడడం కష్టమే?

ముజీబ్‌తో పాటు నవీన్ ఉల్ హక్, ఫజార్హక్ ఫరూఖీలకు ఆఫ్ఘనిస్తాన్ క్రికెట్ బోర్డు నో అబ్జెక్షన్ సర్టిఫికేట్ ఇవ్వడానికి నిరాకరించింది. ఎందుకంటే, ఈ ముగ్గురు ఆటగాళ్లు జనవరి 1 నుంచి సెంట్రల్ కాంట్రాక్ట్ నుంచి వైదొలగాలని అభ్యర్థించారు.

అందువల్ల, ముజీబ్ ఉర్ రెహ్మాన్‌తో సహా ఈ ఆఫ్ఘన్ ఆటగాళ్లకు ఆఫ్ఘనిస్తాన్ క్రికెట్ బోర్డు NOC ఇవ్వకపోతే, వారు IPL ఆడలేరు. ఇదే జరిగితే, ముజీబ్ ఉర్ రెహ్మాన్ స్థానంలో మరో స్పిన్ బౌలర్‌ను కేకేఆర్ జట్టు తన జట్టులోకి తీసుకోవలసి ఉంటుంది. KKR జట్టు తన జట్టులో చేర్చుకోగల 3 ప్రధాన స్పిన్ బౌలర్ల గురించి మీకు తెలియజేస్తాం.

1. ఆదిల్ రషీద్ – ఇంగ్లండ్..

ఇంగ్లండ్‌ ఆటగాడు ఆదిల్‌ రషీద్‌ కేకేఆర్‌కు మంచి ఎంపిక కాగలడు. ఎందుకంటే అతనికి భారత్‌లో మంచి రికార్డు ఉంది. మూడు ఐపీఎల్ మ్యాచ్‌ల్లో రెండు వికెట్లు తీసిన అతను ఇటీవల టీ20 ఫార్మాట్‌లో నంబర్-1 బౌలర్‌గా కూడా మారాడు.

2. తబ్రేజ్ షమ్సీ – దక్షిణాఫ్రికా..

ఆఫ్ఘనిస్తాన్‌ ఆటగాడు ముజీబ్‌ ఉర్‌ రెహమాన్‌ స్థానంలో దక్షిణాఫ్రికా స్పిన్నర్‌ తబ్రైజ్‌ షమ్సీ కూడా KKRకి మరో ఎంపిక కావచ్చు. టీ20 ఫార్మాట్‌లో నిపుణుడిగా తనను తాను మార్చుకున్నాడు. షమ్సీ ఐదు ఐపీఎల్ మ్యాచ్‌లు ఆడి మూడు వికెట్లు పడగొట్టాడు.

3. ఇష్ సోధి – న్యూజిలాండ్‌..

ఈ జాబితాలో న్యూజిలాండ్‌కు చెందిన ఇష్ సోధి పేరు కూడా ఉంది. అయినప్పటికీ, అతను 2019 నుంచి IPL మ్యాచ్‌లు ఆడలేదు. అయితే, KKR అతన్ని ముజీబ్ స్థానంలో కొనుగోలు చేయవచ్చు. ఎనిమిది ఐపీఎల్ మ్యాచ్‌లు ఆడి తొమ్మిది వికెట్లు పడగొట్టాడు.

మరిన్ని క్రీడా వార్తల కోసం ఇక్కడ క్లిక్ చేయండి..