టెక్సాస్లో హనుమంతుడి విగ్రహం.. నోరు పారేసుకున్న రిపబ్లికన్ నేత
Updated on: Feb 20, 2026 | 7:27 PM
అమెరికాలోని టెక్సాస్లో ఉన్న 90 అడుగుల హనుమాన్ విగ్రహంపై రిపబ్లికన్ నేత వివాదాస్పద వ్యాఖ్యలు చేశారు. ఇది భారత వలసదారుల 'సామ్రాజ్యవాదం' అని ఆరోపించారు. కార్లోస్ అనే వ్యక్తి చేసిన ఈ పోస్టుపై తీవ్ర వ్యతిరేకత వ్యక్తమవుతోంది. గతంలోనూ ఇలాంటి వ్యాఖ్యలే వచ్చాయి. ఆలయ ప్రతినిధులు, నెటిజన్లు ఆయన వ్యాఖ్యలను ఖండించారు, ఇది మత స్వాతంత్ర్యంపై దాడి అని పేర్కొన్నారు.
అమెరికాలోని టెక్సాస్ నగరంలో ఉన్న హిందూ దేవుడి విగ్రహంపై రిపబ్లికన్ నేత వివాదాస్పద కామెంట్స్ చేశారు. ఈ విగ్రహం ఏర్పాటు భారత వలసదారుల సామ్రాజ్యవాదానికి నిదర్శనమని ఆయన చేసిన పోస్టుపై కలకలం రేగుతోంది. టెక్సాస్ షుగర్ ల్యాండ్లోని అష్టలక్ష్మి ఆలయంలో 90 అడుగుల హనుమాన్ కాంస్య విగ్రహం ఉంది. ‘స్టాచ్యూ ఆఫ్ యూనియన్’గా పిలిచే ఈ హనుమాన్ విగ్రహం అమెరికాలోనే అత్యంత ఎత్తయింది. ఈ విగ్రహానికి సంబంధించిన వీడియోను మేక్ అమెరికా గ్రేట్ ఎగైన మద్దతుదారుడు కార్లోస్ ఎక్స్ వేదికగా పోస్టు చేశారు. భారత్ నుంచి వచ్చిన వలసదారులు క్రమంగా టెక్సాస్ను ఆక్రమించుకుంటున్నారని వ్యాఖ్యానించారు. ‘అసలు అమెరికాలో హిందూ దేవుడి విగ్రహం ఎందుకు’అని ప్రశ్నించారు. ఈ దండయాత్రను ఆపాల్సిందేనంటూ రెచ్చగొట్టే వ్యాఖ్యలు చేశారు. కార్లోస్ కామెంట్లను ఆలయానికి చెందిన కమ్యూనిటీ సభ్యులు ఖండించారు. అది ప్రైవేటు ప్రాపర్టీ అని..తాము స్వచ్ఛందంగా విరాళాలు సేకరించి దాన్ని ఏర్పాటుచేసినట్లు తెలిపారు. నెటిజన్లు సైతం కార్లోస్ వ్యాఖ్యలను ఖండిస్తూ సోషల్ మీడియాలో పోస్టులు పెడుతున్నారు. ఇదే విగ్రహంపై గతంలో రిపబ్లికన్ పార్టీ నేత అలెగ్జాండర్ డంకన్ కూడా వివాదాస్పద వ్యాఖ్యలు చేశారు. ఇలాంటి హిందూ విగ్రహాన్ని ఇక్కడ మేమెందుకు అనుమతించాలని అప్పట్లో డంకన్ నోరు పారేసుకున్నాడు. అప్పట్లో డంకన్ వ్యాఖ్యలను హిందూ అమెరికన్ ఫౌండేషన్ తీవ్రంగా ఖండించింది.
మరిన్ని వీడియోల కోసం ఇక్కడ క్లిక్ చేయండి
Also Watch:
ఈ వీకెండ్లోనే.. ఇరాన్పై అమెరికా దాడులు !!
బస్సు కింద మంటలు.. వీడియోల కోసం ఎగబడకుండా ప్రాణాలను కాపాడిన స్థానికులు
మహా కుంభమేళాను తలపించిన త్రిశూల చక్రతీర్థ స్నానం
ఉద్యోగులకు కార్లు గిఫ్ట్గా ఇచ్చి.. సర్ప్రైజ్ చేసిన కంపెనీ
ఈ పాము కాటేస్తే మరణ శాసనమే.. భూలోక నరకం
చిన్నారిని క్యాబ్లో మరిచిన తల్లితండ్రులు.. చివరికి ??
పెళ్లికి కుటుంబ సమేతంగా విచ్చేసిన రారాజు.. అతిథులు భయంతో..
రైతును పెళ్ళాడితే రూ.10 లక్షలు.. అంతే కాకుండా
విద్యార్థులపై హెడ్ మాస్టర్ ప్రతాపం.. విచక్షణ లేకుండా..
ఎన్నో పాములను పట్టి ఎందరినో కాపాడాడు.. చివరికి..
