IPL 2024: ఫ్రాంచైజీలకే కాదు, కెప్టెన్లకూ కనిపించని టీ20 ఆణిముత్యాలు.. ఒక్క మ్యాచ్‌లోనూ ఛాన్సివ్వలే..

Ipl 2024 Srh

3 Overseas Players Did Not Get a Single Match in IPL 2024: ఐపీఎల్ 2024 సందడి మార్చి 22 నుంచి మే 26 వరకు కొనసాగింది. ఈ కాలంలో మొత్తం 74 మ్యాచ్‌లు జరిగాయి. వీటిలో కొన్ని మ్యాచ్‌లు వర్షం కారణంగా రద్దయినా.. ఆడిన మ్యాచ్‌లన్నీ అభిమానులకు విపరీతమైన థ్రిల్‌ను ఇచ్చాయనడంలో ఎలాంటి సందేహం లేదు. లీగ్ 17వ సీజన్ టైటిల్‌ను కోల్‌కతా నైట్ రైడర్స్ గెలుచుకుంది. ఫైనల్‌లో సన్‌రైజర్స్ హైదరాబాద్‌ను ఏకపక్షంగా ఓడించి, మూడోసారి ఛాంపియన్‌గా అవతరించింది.

ఈసారి కూడా, టోర్నమెంట్‌లో చాలా మంది బలమైన ఆటగాళ్లు వివిధ జట్లలో ఉన్నారు. వారిలో కొందరు అన్ని మ్యాచ్‌లు ఆడవలసి వచ్చింది. అయితే కొంతమంది సీజన్‌లో బెంచ్‌పై ఉండవలసి వచ్చింది. ఇలాంటివారు ఒక్క మ్యాచ్ కూడా ఆడలేకపోయారు. ఐపీఎల్ 2024లో ఒక్క మ్యాచ్ కూడా ఆడని ముగ్గురు విదేశీ ఆటగాళ్ల గురించి ఇప్పుడు తెలుసుకుందాం..

ఈ ముగ్గురు బలమైన విదేశీ ఆటగాళ్లకు ఐపీఎల్ 2024లో ఒక్క మ్యాచ్‌లో కూడా అవకాశం రాలేదు.. లిస్టులో ఎవరున్నారంటే..

1. కైల్ మేయర్స్ (లక్నో సూపర్ జెయింట్స్)..

వెస్టిండీస్ ఆల్-రౌండర్ కైల్ మేయర్స్‌కు లక్నో సూపర్ జెయింట్స్ గత సీజన్‌లో ప్రధాన ఓపెనర్‌గా అవకాశం ఇచ్చారు. అతను 13 మ్యాచ్‌లలో 144.10 స్ట్రైక్ రేట్‌తో 379 పరుగులు చేశాడు. అయితే ఈ సీజన్‌లో లక్నో జట్టు ఒక్క మ్యాచ్‌లోనూ మేయర్స్‌కు అవకాశం ఇవ్వకపోవడంతో సీజన్ మొత్తం బెంచ్‌పై కూర్చోవాల్సి వచ్చింది. LSG చాలా మ్యాచ్‌లలో క్వింటన్ డి కాక్, మార్కస్ స్టోయినిస్, నికోలస్ పూరన్‌లను విదేశీ ఆటగాళ్లుగా ఉపయోగించుకుంది.

2. గ్లెన్ ఫిలిప్స్ (సన్‌రైజర్స్ హైదరాబాద్)..

న్యూజిలాండ్‌కు చెందిన గ్లెన్ ఫిలిప్స్ తన సామర్థ్యం కారణంగా ప్రపంచంలోని ఏ T20 జట్టులోనైనా ప్లేయింగ్ XIలో చోటు సంపాదించగలడు. కానీ, సన్‌రైజర్స్ హైదరాబాద్ IPL 2024లో ఒక్క మ్యాచ్‌లో కూడా అతనిని ఆడించలేదు. ఫిలిప్స్ స్పిన్ బౌలింగ్‌తో పాటు వేగంగా బ్యాటింగ్ చేయగల సామర్థ్యాన్ని కలిగి ఉన్నాడు. మొత్తం సీజన్‌లో బెంచ్‌లోనే ఉన్నాడు.

3. క్రిస్ వోక్స్ (పంజాబ్ కింగ్స్)..

గతేడాది డిసెంబర్‌లో జరిగిన మినీ వేలంలో ఇంగ్లండ్ బౌలింగ్ ఆల్ రౌండర్ క్రిస్ వోక్స్‌ను పంజాబ్ కింగ్స్ రూ.4.20 కోట్లకు కొనుగోలు చేసింది. సన్‌రైజర్స్ హైదరాబాద్‌తో జరిగిన చివరి లీగ్ మ్యాచ్‌లో అతను అందుబాటులో లేనప్పుడు ఈసారి వోక్స్‌కు ఆడే అవకాశం లభించవచ్చని అనిపించింది.

మరిన్ని క్రీడా వార్తల కోసం ఇక్కడ క్లిక్ చేయండి..