CSK vs KKR: చెపాక్లో కోల్కతా చెత్త రికార్డ్.. ఓడితే ప్లేఆఫ్కు దూరమే.. చెన్నై గెలిస్తే తొలిజట్టుగా రికార్డ్.. ఇరుజట్ల ప్లేయింగ్ 11 ఇదే?
Chennai Super Kings, Kolkata Knight Riders: ఇండియన్ ప్రీమియర్ లీగ్ (IPL) ఈ సీజన్లో ఈరోజు మళ్లీ డబుల్ హెడర్ మ్యాచ్లు జరగనున్నాయి. చెన్నైలోని ఎంఏ చిదంబరం స్టేడియంలో చెన్నై సూపర్ కింగ్స్ (CSK), కోల్కతా నైట్ రైడర్స్ (KKR) మధ్య రెండో మ్యాచ్ రాత్రి 7:30 గంటలకు జరగనుంది. ఈ మ్యాచ్లో గెలవడం ద్వారా చెన్నై ప్లేఆఫ్లోకి ప్రవేశించిన మొదటి జట్టుగా అవతరిస్తుంది.
Updated on: May 14, 2023 | 4:27 PM
Chennai Super Kings, Kolkata Knight Riders: ఇండియన్ ప్రీమియర్ లీగ్ (IPL) ఈ సీజన్లో ఈరోజు మళ్లీ డబుల్ హెడర్ మ్యాచ్లు జరగనున్నాయి. చెన్నైలోని ఎంఏ చిదంబరం స్టేడియంలో చెన్నై సూపర్ కింగ్స్ (CSK), కోల్కతా నైట్ రైడర్స్ (KKR) మధ్య రెండో మ్యాచ్ రాత్రి 7:30 గంటలకు జరగనుంది. ఈ మ్యాచ్లో గెలవడం ద్వారా చెన్నై ప్లేఆఫ్లోకి ప్రవేశించిన మొదటి జట్టుగా అవతరిస్తుంది. కోల్కతా ప్లేఆఫ్ రేసు నుంచి నిష్క్రమిస్తుంది. కాబట్టి కోల్కతాకు ఇది డూ ఆర్ డై పోటీ. ఈ సీజన్లో ఇరు జట్లు రెండోసారి తలపడుతున్నాయి. అంతకుముందు, ఇరుజట్లు తొలి మ్యాచ్లో తలపడగా CSK 49 పరుగుల తేడాతో గెలిచింది.
ఈ సీజన్లో చెన్నై 12 మ్యాచ్లు ఆడగా 7 మ్యాచ్లు గెలిచింది. నాలుగు మ్యాచ్లు ఓడిపోయింది. ఒక మ్యాచ్ వర్షం కారణంగా అసంపూర్తిగా ఉంది. ప్రస్తుతం ఆ జట్టు 15 పాయింట్లతో ఉంది. డెవాన్ కాన్వే, మొయిన్ అలీ, మహిష్ తీక్షణ, మిచెల్ సాంట్నర్ కోల్కతాపై జట్టులోని 4 విదేశీ ఆటగాళ్లు కావొచ్చు. వీరితో పాటు తుషార్ దేశ్పాండే, రితురాజ్ గైక్వాడ్, రవీంద్ర జడేజా వంటి ఆటగాళ్లు అద్భుతమైన ఫామ్లో ఉన్నారు.
ఈ సీజన్లో కోల్కతా ఆడిన 12 మ్యాచ్ల్లో 5 గెలిచింది. 7 మ్యాచ్ల్లో ఓడిపోయింది. ఖాతాలో 10 పాయింట్లు మాత్రమే ఉన్నాయి. వరుణ్ చక్రవర్తి, వెంకటేష్ అయ్యర్, రింకూ సింగ్ జట్టు తరపున అద్భుత ప్రదర్శన చేస్తున్నారు.
చెన్నై, కోల్కతా మధ్య ఇప్పటివరకు మొత్తం 28 మ్యాచ్లు జరిగాయి. ఇందులో చెన్నై 18 మ్యాచ్లు, కోల్కతా 9 మ్యాచ్లు గెలిచింది. ఒక మ్యాచ్ ఫలితం తేలలేదు. చెపాక్లో కోల్కతా రికార్డు మరింత దారుణంగా ఉంది. ఇక్కడ ఇరుజట్ల మధ్య 9 మ్యాచ్లు ఆడగా, అందులో KKR కేవలం 2 మాత్రమే గెలవగలిగింది. ఈ మైదానంలో చెన్నై 7 మ్యాచ్లు గెలిచింది.
పిచ్ రిపోర్ట్..
చెన్నైలోని చెపాక్ స్టేడియంలోని పిచ్ స్పిన్ బౌలర్ల ఆధిపత్యంలో ఉంది. అయితే ఈ పిచ్పై బ్యాట్స్మెన్ పరుగులు చేయడం చాలా కష్టం.
వాతావరణ పరిస్థితులు:
చెన్నైలో ఆదివారం వాతావరణం వేడిగా ఉంటుంది. ఇక్కడ ఉష్ణోగ్రత 30 నుంచి 39 డిగ్రీల సెల్సియస్ మధ్య ఉంటుంది.
ఇరు జట్ల ప్రాబబుల్ ప్లేయింగ్ 11..
చెన్నై సూపర్ కింగ్స్: మహేంద్ర సింగ్ ధోని (కెప్టెన్/వికెట్ కీపర్), డెవాన్ కాన్వే, రితురాజ్ గైక్వాడ్, అజింక్యా రహానే, అంబటి రాయుడు, శివమ్ దూబే, మొయిన్ అలీ, రవీంద్ర జడేజా, మహిష్ తీక్షణ, తుషార్ దేశ్పాండే, దీపక్ చాహర్.
కోల్కతా నైట్ రైడర్స్: నితీష్ రాణా (కెప్టెన్), జాసన్ రాయ్, వెంకటేష్ అయ్యర్, రహ్మానుల్లా గుర్బాజ్, ఆండ్రీ రస్సెల్, సునీల్ నరైన్, రింకూ సింగ్, అనుకుల్ రాయ్, శార్దూల్ ఠాకూర్, హర్షిత్ రాణా, వరుణ్ చక్రవర్తి.
మరిన్ని క్రీడా వార్తల కోసం ఇక్కడ క్లిక్ చేయండి..
