Video: తొలి మ్యాచ్కు ముందే ఆసీస్ ప్లేయర్ల తలతిక్క ఏశాలు.. భారత ఆటగాళ్లను ఎగతాళి చేస్తూ వీడియో.. కట్చేస్తే
IND vs AUS: భారత్, ఆస్ట్రేలియా మధ్య జరిగే సిరీస్లు ఎప్పుడూ ఉత్కంఠగా ఉంటాయి. ఈ వీడియోతో ఇప్పుడు మైదానంలో ఆటతో పాటు, మైండ్ గేమ్ కూడా మొదలైనట్లు తెలుస్తోంది. ఈ వివాదం భారత జట్టుకు మరింత ప్రేరణగా మారుతుందో లేదో వేచి చూడాలి.
Australian Cricketers Mock India Over Handshake Snub: క్రికెట్ మైదానంలో మరో వివాదం రాజుకుంది. ఆస్ట్రేలియా క్రికెటర్లు, టీమ్ ఇండియా, పాకిస్థాన్ల మధ్య ఇటీవల జరిగిన ‘హ్యాండ్షేక్’ అనే వివాదాస్పద అంశాన్ని ఎగతాళి చేస్తూ ఒక ప్రచార వీడియోను విడుదల చేశారు. అయితే, సోషల్ మీడియాలో విమర్శలు వెల్లువెత్తడంతో ఆ వీడియోను తొలగించారు.
అసలు వివాదం ఏమిటి?
ఇటీవల జరిగిన ఆసియా కప్ 2025, మహిళల ప్రపంచ కప్ మ్యాచ్ల సందర్భంగా, భారత క్రికెట్ జట్లు (పురుషులు, మహిళలు) పాకిస్థాన్ ఆటగాళ్లతో కరచాలనం (Handshake) చేయడానికి నిరాకరించాయి. దీనికి కారణం జమ్మూ కాశ్మీర్లోని పహల్గామ్ ఉగ్రదాడి బాధితులకు నివాళులర్పించడమే అని భారత కెప్టెన్ సూర్యకుమార్ యాదవ్ వివరించారు. ఈ సంఘటన ఇరు దేశాల మధ్య తీవ్ర చర్చకు దారితీసింది.
ఆస్ట్రేలియా ఆటగాళ్ల ఎగతాళి..
భారత జట్టు ఆస్ట్రేలియా పర్యటనకు రానున్న నేపథ్యంలో, ఆస్ట్రేలియా బ్రాడ్కాస్టర్ కేయో స్పోర్ట్స్ (Kayo Sports) ఒక ప్రచార వీడియోను రూపొందించింది. ఈ వీడియోలో జోష్ హేజిల్వుడ్, గ్లెన్ మ్యాక్స్వెల్, మిచెల్ మార్ష్, అలిస్సా హీలీ వంటి ప్రముఖ ఆస్ట్రేలియా క్రికెటర్లు పాల్గొన్నారు.
వీడియోలో అంశాలు..
AUS players pre-India clip mocks India no-handshake theatre vs Pak. Why Aussie media & players laughing at stance sold as national pride? @BCCI @JayShah @GautamGambhir @narendramodi @ICC @MithunManhas @vikrantgupta73 @rawatrahul9 @mufaddal_vohra @PadmajaJoshi @ShivAroor pic.twitter.com/lSbuyhEcui
— Maham Fazal (@MahamFazal_) October 14, 2025
వీడియో యాంకర్లు మాట్లాడుతూ, “భారత జట్టు వస్తోంది, అయితే మేg వారిలో ఒక కీలకమైన బలహీనతను గుర్తించాం” అన్నారు. అలాగే, “వారికి సాంప్రదాయ కరచాలనం అంటే అంతగా ఇష్టం లేదని మాకు తెలుసు. కాబట్టి, మేg బంతి వేయడానికి ముందే వారిని గందరగోళానికి గురి చేయవచ్చు” అని వ్యాఖ్యానించారు. దీనికి ప్రతిస్పందనగా, ఆస్ట్రేలియా ఆటగాళ్లు కరచాలనానికి ప్రత్యామ్నాయంగా తాము ఉపయోగించగల హాస్యాస్పదమైన గ్రీటింగ్ పద్ధతులను ప్రదర్శించారు.
మిచెల్ మార్ష్: ఓపెనర్ ట్రావిస్ హెడ్ ప్రసిద్ధి చేసిన ‘ఐస్ కప్లో వేలు’ (finger in the ice cup) సంజ్ఞను సూచించారు.
అలిస్సా హీలీ: తనదైన ‘హీలీ హ్యాండ్స్’ సెలబ్రేషన్ను చూపించారు.
సోఫీ మోలినెక్స్: ‘ఇటాలియన్ సెల్యూట్’ మధ్య వేలిని చూపించే అసభ్యకరమైన సంజ్ఞలను కూడా ప్రదర్శించారు.
జోష్ హేజిల్వుడ్: ‘ది షూటర్’ గురించి జోక్ చేశారు.
తీవ్ర విమర్శలు, వీడియో తొలగింపు..
ఈ వీడియో సోషల్ మీడియాలో విడుదలైన వెంటనే, భారత క్రికెట్ అభిమానుల నుంచి తీవ్ర విమర్శలు వ్యక్తమయ్యాయి. ఇది అగౌరవంగా ఉందని, రాబోయే సిరీస్కు ముందు ఉద్దేశపూర్వకంగా రెచ్చగొట్టడానికి చేసిన ప్రయత్నమని పలువురు విమర్శించారు. దీంతో, కేయో స్పోర్ట్స్ ఈ ప్రచార వీడియోను తమ సోషల్ మీడియా హ్యాండిల్స్ నుంచి తొలగించింది.
భారత్, ఆస్ట్రేలియా మధ్య జరిగే సిరీస్లు ఎప్పుడూ ఉత్కంఠగా ఉంటాయి. ఈ వీడియోతో ఇప్పుడు మైదానంలో ఆటతో పాటు, మైండ్ గేమ్ కూడా మొదలైనట్లు తెలుస్తోంది. ఈ వివాదం భారత జట్టుకు మరింత ప్రేరణగా మారుతుందో లేదో వేచి చూడాలి.
మరిన్ని క్రికెట్ వార్తల కోసం ఇక్కడ క్లిక్ చేయండి..