Margashira Purnima: లక్ష్మీదేవి అనుగ్రహం కోసం మార్గశిర పౌర్ణమి రోజున ఏ రాశి వారు ఏ వస్తువులను దానం చేయాలంటే..
మార్గశిర పౌర్ణమి రోజున శ్రీ మహా విష్ణువు, లక్ష్మీ దేవిని పూజిస్తారు. ఈ రోజున గంగా స్నానం చేయడం దానం చేయడం చాలా పవిత్రమైనదిగా భావిస్తారు. జ్యోతిష్య శాస్త్రం ప్రకారం మార్గశిర పౌర్ణమి రోజు దానం చేయడం వల్ల పుణ్యం అనేక రెట్లు పెరుగుతుంది. ఈ శుభదినాన ఏ రాశి వారు ఏమి దానం చేయడం శుభప్రదమో తెలుసుకుందాం.
Updated on: Dec 10, 2024 | 8:51 PM
హిందూ మతంలో మార్గశిర పౌర్ణమికి ప్రత్యేక ప్రాముఖ్యత ఉంది. ఈ రోజున ప్రపంచ సృష్టికర్త అయిన శ్రీ మహా విష్ణువు, లక్ష్మీ దేవిని పూజిస్తారు. గంగా స్నానం, మార్గశిర పౌర్ణమి రోజున చేసే దానాలకు కూడా చాలా శుభప్రదమైనవి. మత విశ్వాసాల ప్రకారం ఈ రోజున ఎవరు దానధర్మాలు చేస్తారో.. వారి ఇంట్లో ఆహారం, డబ్బుకు ఎటువంటి కొరత ఉండదు. జ్యోతిష్య శాస్త్రం ప్రకారం, మార్గశిర పౌర్ణమి రోజున ఏ రాశి వారు ఎటువంటి దానం చేయడం శుభం కలుగుతుందో తెలుసుకుందాం..
మార్గశిర పౌర్ణమి ఎప్పుడు వచ్చిందంటే
హిందూ పంచాంగం ప్రకారం పౌర్ణమి తిధి డిసెంబర్ 14 సాయంత్రం 4:58 గంటలకు ప్రారంభమై డిసెంబర్ 15 మధ్యాహ్నం 2:31 గంటలకు ముగుస్తుంది. అటువంటి పరిస్థితిలో ఉదయ తిథి ప్రకారం మార్గశిర పౌర్ణమి ఈసారి డిసెంబర్ 15 న జరుపుకోనున్నారు.
ఏ రాశి వారు ఏ వస్తువులను దానం చేయాలంటే
- మేష రాశి వారు మార్గశిర పౌర్ణమి రోజున గోధుమలు, బెల్లం దానం చేయడం శుభప్రదం.
- వృషభ రాశి వారు బియ్యం, పంచదార దానం చేయడం శుభప్రదం.
- మిథున రాశి వారు మార్గశిర పౌర్ణమిన పూర్ణ చంద్రుడు అనుగ్రహం కోసం కూరగాయలను దానం చేయడం శుభప్రదం.
- కర్కాటక రాశి వారు ఈ రోజున పాలు, పెరుగు దానం చేయడం శుభప్రదం. దీంతో వీరి జాతకంలో గ్రహాలు బలపడతాయి.
- సింహరాశి వారికి వేరుశెనగ, తేనె దానం చేయడం శుభప్రదం. ఇలా చేయడం వల్ల ఈ రాశుల వారికి ధనలాభం కలిగే అవకాశాలున్నాయి.
- కన్యా రాశి వారికి మొక్కజొన్న, చెరకు దానం చేయడం శుభప్రదం.
- తులారాశి వారు తెల్లని వస్త్రాలను దానం చేయడం శుభప్రదం. ఇలా చేయడం వల్ల చంద్రుని అనుగ్రహం లభిస్తుంది.
- వృశ్చిక రాశి వారు మార్గశిర పౌర్ణమి రోజున ఎరుపు రంగు దుస్తులను దానం చేయడం శుభప్రదం. ఇది వీరి జీవితంలో ఆనందాన్ని నింపుతుంది.
- ధనుస్సు రాశి వారు ఈ రోజు పసుపు రంగు దుస్తులు దానం చేయడం శుభప్రదం. ఇలా చేయడం వల్ల ధనుస్సు రాశి వారి పట్ల విష్ణువు ప్రసన్నుడవుతాడు.
- మకర రాశి మార్గశిర పౌర్ణమి రోజున పాదరక్షలు, చెప్పులు, గొడుగు దానం చేయడం శుభప్రదం. ఇది వీరికి శుభ ఫలితాలను ఇస్తుంది.
- కుంభ రాశి వారు ఈ రోజున నీలిరంగు వస్త్రాలు, నల్ల నువ్వులు దానం చేయడం శుభప్రదం. దీంతో కుంభ రాశి వారికి శని గ్రహదోషం తొలగిపోతుంది.
- మీన రాశి వారికి పండిన అరటిపండ్లు, బొప్పాయి దానం చేయడం శుభప్రదం. దీంతో ఇంట్లో ఐశ్వర్యం ఉంటుంది.
మరిన్ని ఆధ్మాతిక వార్తల కోసం క్లిక్ చేయండి..
నోట్ : పైన తెలిపిన విషయాలు పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి.
