Longest Solar Eclipse: 100ఏళ్ల తర్వాత ఈ శతాబ్దంలో అత్యంత పొడవైన సూర్య గ్రహణం .. ఎప్పుడు ఏర్పడనున్నదంటే
సూర్యగ్రహణం ఎల్లప్పుడూ ప్రజలకు ఉత్సుకత, ఉత్సాహాన్ని కలిగించే అంశం. అయితే 2027లో జరగబోయే ఖగోళ సంఘటన ఈ శతాబ్దంలో అత్యంత ప్రత్యేకమైన సంఘటనలలో ఒకటిగా పరిగణించబడుతుంది. ఖగోళ శాస్త్రవేత్తల ప్రకారం 2027లో ప్రపంచం ఈ శతాబ్దంలో అత్యంత పొడవైన సంపూర్ణ సూర్యగ్రహణాన్ని చూడనుంది. ఈ సుదీర్ఘమైన సూర్యగ్రహణం ఎప్పుడు సంభవిస్తుంది? ఎంతకాలం ఉంటుంది.. ఈ రోజు తెలుసుకుందాం..
2 ఆగస్టు 2027 ఖగోళ శాస్త్ర ప్రియులకు, ప్రపంచవ్యాప్తంగా ఉన్న లక్షలాది మందికి ఒక చారిత్రాత్మక రోజు కానుంది. ఈ రోజున గత 100 సంవత్సరాలలో ఎవరూ ఎన్నడూ చూడనటువంటి ఖగోళ దృశ్యం ఆకాశంలో కనిపిస్తుంది. ఇది శతాబ్దంలో అతి పొడవైన పూర్తి సూర్యగ్రహణం. ఇది అరుదైన, మరపురాని సంఘటన అవుతుంది. రాత్రి వలెనే పగటి సమయంలో కొన్ని ప్రాంతాలు చిమ్మ చీకటిని కమ్ముకుంటాయి.
2027 లో సూర్యగ్రహణం ఎప్పుడు, ఎంతసేపు సంభవిస్తుంది?
ఈ సంపూర్ణ సూర్యగ్రహణం దృశ్యం ఆగస్టు 2, 2027న కనిపిస్తుంది. ఈ సూర్యగ్రహణం దాదాపు 6 నిమిషాల 23 సెకన్ల పాటు ఉంటుంది. ఇది 100 సంవత్సరాలలో అతి సుదీర్ఘమైన సూర్యగ్రహణం అని నమ్ముతారు. ఈ సమయంలో మధ్యాహ్నం ఆకాశం చీకటిలో కప్పబడి ఉంటుంది. పక్షులు తమ గూళ్ళకు తిరిగి రావడం ప్రారంభిస్తాయి. పగలు వాతావరణం అకస్మాత్తుగా రాత్రిలా మారుతుంది.
సంపూర్ణ సూర్యగ్రహణం అంటే ఏమిటి?ఎందుకు ప్రత్యేకమైనది?
చంద్రుడు భూమికి, సూర్యుడికి మధ్య సరిగ్గా వచ్చినప్పుడు సంపూర్ణ సూర్యగ్రహణం సంభవిస్తుంది. దీనివల్ల సూర్యరశ్మి భూమిని చేరకుండా నిరోధించి, పగలు చీకటి ఏర్పడుతుంది. ఆగస్టు 2, 2027న జరిగే సూర్యగ్రహణం కూడా ప్రత్యేకమైనది. ఎందుకంటే ఈ గ్రహణ వ్యవధి చాలా పొడవుగా ఉంటుంది. ఖగోళ శాస్త్రవేత్తల ప్రకారం ఈ గ్రహణం చాలా సమయం ఉంటుంది. వీక్షకులకు ఈ అద్భుతమైన సంఘటనను చూడటానికి, అనుభవించడానికి తగినంత సమయం లభిస్తుంది.
ఈ అద్భుతమైన దృశ్యాన్ని మనం ఎక్కడ చూడవచ్చు?
ఈ సంపూర్ణ సూర్యగ్రహణం ప్రధానంగా ఉత్తర ఆఫ్రికా, మధ్యప్రాచ్యం, కొన్ని యూరోపియన్ దేశాలలో కనిపిస్తుంది. ఈజిప్టులోని లక్సోర్ నగరం ఈ గ్రహణానికి ప్రధాన పరిశీలనా ప్రదేశంగా ఉండనుంది. ఇక్కడ సూర్యగ్రహణం ఎక్కువ సమయం కనిపిస్తుంది. దీనితో పాటు స్పెయిన్, మొరాకో, అల్జీరియా, ట్యునీషియా, లిబియా, సూడాన్, సౌదీ అరేబియా, యెమెన్లోని కొన్ని ప్రాంతాలలో కూడా సంపూర్ణ సూర్యగ్రహణం కనిపిస్తుంది. అయితే ఈ సూర్య గ్రహణం ప్రభావం మన దేశంలో భారతదేశంలో, ఢిల్లీ, ముంబై, చెన్నై, కోల్కతా వంటి నగరాల్లో పాక్షికంగా ఉండనుంది. అంటే భారత దేశంలో పాక్షికంగా సూర్యగ్రహణం చూడవచ్చు, ఇక్కడ సూర్యుడిలో కొంత భాగం కప్పబడి ఉంటుంది.
సూర్యగ్రహణం అంటే ఏమిటి?
చంద్రుడు భూమికి, సూర్యుడికి మధ్య వచ్చి సూర్యుని కాంతిని పూర్తిగా లేదా పాక్షికంగా కప్పివేసినప్పుడు.. ఈ ఖగోళ దృగ్విషయాన్ని సూర్యగ్రహణం అంటారు. చంద్రుడు సూర్యుడిని పూర్తిగా కప్పివేస్తే.. దానిని సంపూర్ణ సూర్యగ్రహణం అంటారు.
సూర్యగ్రహణాన్ని చూసే సమయంలో తీసుకోవాల్సిన జాగ్రత్తలు ఏమిటి?
సూర్యగ్రహణాన్ని నేరుగా కళ్ళతో చూడటం ప్రమాదకరం.
ఎల్లప్పుడూ సోలార్ ఫిల్టర్ ఉన్న అద్దాలు లేదా టెలిస్కోప్ను ఉపయోగించండి.
సనాతన ధర్మం విశ్వాసాల ప్రకారం ఈ కాలంలో పూజలు చేయరాదు. ఆహారం తీసుకోకూడదు. గర్భిణీ స్త్రీలు ప్రత్యేక జాగ్రత్తలు తీసుకోవాలని సూచించారు.
ఆధ్యాత్మిక ప్రాముఖ్యత
భారతీయ సంప్రదాయంలో సూర్యగ్రహణాన్ని శుద్ధి చేసే కాలంగా పరిగణిస్తారు. ఈ సమయంలో మంత్రాలు జపించడం, ధ్యానం చేయడం, స్నానం చేయడం ప్రత్యేక ప్రాముఖ్యతను కలిగి ఉంటాయి. గ్రహణం ముగిసిన తర్వాత స్నానం చేయడం, దానధర్మాలు చేయడం అనే సంప్రదాయం కూడా ఉంది.
తదుపరి సంపూర్ణ సూర్యగ్రహణం ఎప్పుడు సంభవిస్తుంది?
ఆగస్టు 2, 2027 తర్వాత తదుపరి సుదీర్ఘమైన సంపూర్ణ సూర్యగ్రహణం జూలై 13, 2037న కనిపిస్తుంది. అయితే అప్పుడు కూడా ఈ సంపూర్ణ సూర్య గ్రహణం కొన్ని ప్రాంతాలలో మాత్రమే కనిపిస్తుంది.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.