Gayatri Mantra: గాయంత్రీమంత్రం అర్థం, ప్రాముఖ్యత ఏమిటో మీకు తెలుసా..? ఈ దివ్య మంత్రం గురించి ఇక్కడ తెలుసుకోండి..
సనాతన హిందూ ధర్మంలో గాయత్రీ మంత్రానికి ఒక ప్రత్యేక స్థానం ఉంది. ఈ గాయత్రి మంత్రం ఎంతో శక్తివంతమైనదని నమ్మడమే కాక ఇప్పటికీ తమ..
Updated on: Feb 03, 2023 | 6:50 AM
సనాతన హిందూ ధర్మంలో గాయత్రీ మంత్రానికి ఒక ప్రత్యేక స్థానం ఉంది. ఈ గాయత్రి మంత్రం ఎంతో శక్తివంతమైనదని నమ్మడమే కాక ఇప్పటికీ తమ పిల్లలతో పఠిస్తుంటారు వైదికులు. ప్రతిరోజూ ఈ మంత్రాన్ని జపించడం వల్ల మనిషికి కష్టాల నుంచి విముక్తి లభిస్తుందని, జీవితమంతా సంతోషం ఉంటుందని నమ్ముతారు హిందువులు. మొదటిసారిగా ఋగ్వేదంలో ప్రస్తావించబడిన ఈ గాయత్రీ మంత్రం.. సంస్కృతంలో లిఖించి ఉంటుంది. ఇక గాయత్రీ మంత్రలోని “వ్యాహృతులు” అనేవి దివ్యశక్తిని కలిగి ఉంటాయి. ఇవి 3 కాలాలను సూచిస్తాయి. ఇంకా గాయత్రి మంత్రంలో 24 భీజాక్షరాలు ఉంటాయి. ఈ 24 భీజాక్షరాలను ఆధారం చేసుకొని ఆలయాలను కూడా నిర్మించారు మన పూర్వీకులు. మరి హిందూ ధర్మంలో ఇంతటి మహిమ కలిగిన గాయత్రీ మంత్రం అర్థం, దానిని జపించడం వల్ల కలిగే ప్రయోజనాలు ఏమిటో మనం ఇప్పడు తెలుసుకుందాం..
గాయత్రీ మంత్రం అర్థం:
‘ఓం భూర్భువస్సువ: తత్ సవితుర్వరేణ్యం భర్గోదేవస్య ధీమహి, ధియోయోన: ప్రచోదయాత్’
తాత్పర్యం: ‘మేము దైవిక జీవి, సృష్టికర్త ప్రకాశాన్ని ధ్యానిస్తాము. ఆ భగవంతుని తేజస్సు మన మేధస్సును సన్మార్గంలో నడవడానికి ప్రేరేపిస్తుంది’. హిందూ ధర్మ విశ్వాసాల ప్రకారం ఈ మంత్రం గాయత్రీ దేవికి అంకితం. ఇంకా గాయత్రీదేవిని వేదాలకు తల్లి అని కూడా అంటారు. ఎంతో ప్రాముఖ్యత కలిగిన ఈ మంత్రాన్ని ప్రతిరోజూ పెద్ద సంఖ్యలో ప్రజలు జపిస్తారు. గాయత్రీ మంత్రాన్ని స్వచ్ఛమైన మనసుతో పఠించాలని శాస్త్రాలు పేర్కొన్నాయి. ఈ మంత్రాన్ని అన్ని సమయాలలోనూ పఠించవచ్చు.
గాయత్రీ మంత్రం ప్రయోజనాలు
- ప్రతిరోజూ గాయత్రీ మంత్రాన్ని జపించడం వల్ల జీవితంలో విజయం, ఆనందం లభిస్తాయని హిందువులు నమ్ముతారు.
- గాయత్రీ మంత్రాన్ని క్రమం తప్పకుండా జపించడం మనస్సును నియంత్రించడంలో సహాయపడుతుంది. ఈ మంత్రం మన మేధస్సును పదునుగా చేస్తుంది.
- ఈ మంత్రాన్ని జపించడం ద్వారా ఏకాగ్రతను కాపాడుకోవచ్చు.
- ఈ మంత్రాన్ని పఠించడం వల్ల శరీరంలోని విషపదార్థాలు బయటకు వస్తాయి. ఇంతే కాకుండా, ఇది నాడీ వ్యవస్థ, శ్వాస, పనితీరులో సహాయపడుతుంది.
- ఈ మంత్రం ఒత్తిడి, ఆందోళనను తగ్గించడం ద్వారా మనస్సును ప్రశాంతపరుస్తుంది.
- గాయత్రీ మంత్రాన్ని క్రమం తప్పకుండా జపించడం వల్ల మనస్సు ప్రశాంతంగా ,ఏకాగ్రతతో ఉంటుంది.
- ఈ మంత్రాన్ని పఠించడం వల్ల దుఃఖం, బాధలు, దారిద్య్రం, పాపం మొదలైనవి తొలగిపోతాయి.
- సంతానం కోసం గాయత్రీ మంత్రం కూడా జపిస్తారు.
- పనిలో విజయం, వృత్తిలో పురోగతి మొదలైన వాటి కోసం కూడా గాయత్రీ మంత్రాన్ని జపిస్తారు.
- ప్రత్యర్థులు లేదా శత్రువుల మధ్య మీ ఆధిపత్యాన్ని నెలకొల్పడానికి, నెయ్యి ,కొబ్బరికాయతో హవనం చేయవచ్చు.
- పితృ దోషం, కాల సర్ప దోషం, రాహు-కేతు ,శని దోషాల శాంతి కోసం శివగాయత్రీ మంత్రాన్ని జపించాలి.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
