Annapurna Jayanti 2024: అన్నపూర్ణ జయంతి రోజున ఈ వస్తువులు దానం చేయండి.. జీవితంలో ఆహార వస్త్రాలకు లోటు ఉండదు..
హిందూ పురాణాల ప్రకారం భూమి మీద కొరత నెలకొన్నప్పుడు మనుషులు బ్రహ్మ, విష్ణువుతో కలిసి శివుడిని ప్రార్థించారు. అప్పుడు పార్వతీ దేవి మార్గశిర మాసం పౌర్ణమి రోజున అన్నపూర్ణ దేవిగా అవతరించి భూమిపై ఆహారాన్ని నింపింది. అప్పటి నుంచి మార్గశిర పౌర్ణమి తిధిని అన్నపూర్ణ జయంతిగా జరుపుకుంటారు. ఈ రోజున అన్నపూర్ణ దేవిని పూజిస్తారు. అన్నపూర్ణ దేవిని పూజించే ఇంట్లో సిరి సంపదలతో నిండి ఉంటుందని.. ఆహారానికి లోటు ఉండదని నమ్మకం. అన్నపూర్ణ జయంతి రోజున చేసే దానాలకు కూడా చాలా ప్రాముఖ్యత ఉంది. ఈ రోజు దానం చేయడం చాలా పవిత్రమైనదిగా భావిస్తారు.
Updated on: Dec 11, 2024 | 2:46 PM
హిందూ మతంలో అన్నపూర్ణ జయంతి రోజు అన్నపూర్ణ దేవికి అంకితం చేయబడింది. ఎవరైతే అన్నపూర్ణ జయంతి రోజున అమ్మవారిని పూజిస్తారో వారి ఇల్లు ఐశ్వర్యం, సంతోషంతో నిండి ఉంటుంది. ఈ రోజున పూర్ణ క్రతువులతో అమ్మవారిని పూజించేవారి జీవితంలో వచ్చే అన్ని దుఃఖాలను అన్నపూర్ణ దేవి తొలగిస్తుంది. ఈ రోజు చేసే పూజకు మాత్రమే కాదు దానాలకు కూడా చాలా ప్రాముఖ్యత ఉంది. అటువంటి పరిస్థితిలో హిందూ మత విశ్వాసాల ప్రకారం ఈ రోజున చేసే పూజలు, దానాలు శుభప్రదం అని భావిస్తారు.
హిందూ క్యాలెండర్ ప్రకారం అన్నపూర్ణ జయంతి ప్రతి సంవత్సరం మార్గశిర మాసం పౌర్ణమి రోజున వస్తుంది. ఈ సంవత్సరం మార్గశిర పౌర్ణమి తిథి డిసెంబర్ 14వ తేదీ సాయంత్రం 4:58 గంటలకు ప్రారంభమవుతుంది. ఈ తేదీ డిసెంబర్ 15 మధ్యాహ్నం 2:31 గంటలకు ముగుస్తుంది. దీంతో ఉదయతిథి ప్రకారం అన్నపూర్ణ జయంతి డిసెంబర్ 15వ తేదీన జరుపుకోనున్నారు.
అన్నపూర్ణ జయంతి రోజున ఏ వస్తువులను దానం చేయండి
అన్నపూర్ణ జయంతి రోజున నిరుపేదలకు అన్నదానం, వస్త్రదానం చేయండి. అన్నపూర్ణ జయంతి రోజున అన్నదానం, వస్త్రదానం చేయడం శ్రేయస్కరం. ఎవరైతే ఈ రోజున ఆహారం, బట్టలు దానం చేస్తారో అతని జీవితంలో ఎప్పుడూ ఆహారం, డబ్బులకు లోటు ఉండదు. ఈ రోజున అన్నదానం, వస్త్రదానం చేసిన వారికి జీవితంలో శుభ ఫలితాలు కలుగుతాయి.
అన్నపూర్ణ జయంతి 2024 పూజా విధానం
- అన్నపూర్ణ జయంతి రోజున ఉదయం స్నానం చేసిన తర్వాత శుభ్రమైన బట్టలు ధరించండి.
- ఆ తర్వాత పూజా స్థలాన్ని గంగా జలంతో శుద్ధి చేయండి.
- ఈ రోజున ఉపవాసం ఉండాలనుకుంటే.. ముందుగా ఉపవాసం చేయనున్నామని తీర్మానం చేయండి
- పూజకు ముందు, పూజా స్థలంలో అన్నపూర్ణ దేవి విగ్రహాన్ని లేదా చిత్రాన్ని ప్రతిష్టించండి.
- ఆ తర్వాత అమ్మవారి ముందు ధూపం, దీపం వెలిగించాలి.
- పూజ కోసం ముందుగా కుంకుడు, పసుపు, అక్షతలు, నైవేద్యం, తులసి దళాలు మొదలైన వాటిని పూజ స్థలంలో ఉంచండి.
- అన్నపూర్ణ దేవికి హల్వా, పూరీలతో పాటు కూరగాయలను నైవేద్యంగా సమర్పించండి.
- పూజ సమయంలో అన్నపూర్ణ దేవి తల్లి స్తోత్రాలు, మంత్రాలను పఠించడం శుభప్రదం.
- పూజ సమయంలో అమ్మవారికి అక్షతలు, పూలు మొదలైన వాటిని సమర్పించండి.
- పూజ పూర్తయిన తర్వాత కుటుంబ సభ్యులకు ప్రసాదం పంచండి.
- పూజ సమయంలో అమ్మవారి మంత్రం ‘ఓం అన్నపూర్ణాయై నమః’ 108 సార్లు జపించండి.
మరిన్ని ఆధ్మాతిక వార్తల కోసం క్లిక్ చేయండి..
నోట్ : పైన తెలిపిన విషయాలు పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి.
