ఆరోగ్యంగా ఉండటానికి, ఆరోగ్యకరమైన ఆహారాన్ని తినడం చాలా ముఖ్యం. అలాంటి ఆరోగ్యకరమైన ఆహారంలో మొలకలు ప్రధాన పాత్రపోషిస్తాయని పోషకాహార నిపుణులు చెబుతున్నారు. ప్రస్తుతం చాలా మంది రకరకాల మొలకలు తయారు చేసుకుని తింటున్నారు..? కానీ, మొలకెత్తిన మెంతుల గురించి మీకు తెలుసా? ఈ చిన్న విత్తనాలు మొలకెత్తినప్పుడు వాటి పోషక విలువ చాలా రెట్లు పెరుగుతాయని చెబుతున్నారు. మొలకెత్తిన మెంతులు ఆరోగ్యానికి ఎంత మేలు చేస్తుందో తెలుసుకోండి.
మొలకెత్తిన మెంతుల్లో పొటాషియం పుష్కలంగా ఉంటుంది. ఇది హైపర్‌టెన్షన్‌ను అదుపు చేస్తుంది. అధిక కొలెస్ట్రాల్‌ను కరిగిస్తుంది. రక్తంలో కొలెస్ట్రాల్‌ను నియంత్రించడంలోనూ సహాయపడుతుంది. ఇవి గుండె పోటు ప్రమాదాన్ని తగ్గిస్తాయి. గుండె ఆరోగ్యానికి మేలు చేస్తాయి.
1 / 5
మొలకెత్తిన మెంతుల్లో ఉండే యాంటీ ఆక్సిడెంట్లు గుండె ఆరోగ్యాన్ని కాపాడతాయి. రక్తపోటును తగ్గించడంలో కూడా ఇవి సహాయపడతాయి. మొలకెత్తిన మెంతులలో క్యాలరీలు చాలా తక్కువ ఉంటాయి. ఫైబర్ అధికంగా ఉంటుంది. మొలకెత్తిన మెంతులు తినడం వల్ల ఆకలిని తగ్గించి, జీవక్రియను పెంచడం ద్వారా బరువు తగ్గడానికి సహాయపడతాయి.
2 / 5
అంతేకాదు.. మొలకెత్తిన మెంతులు చర్మ సంక్రమణలను నివారించి, మొటిమలను తగ్గించడంలో సహాయపడతాయి. జుట్టు రాలడాన్ని నిరోధించి, జుట్టు పెరుగుదలను ప్రోత్సహిస్తాయి. మొలకెత్తిన మెంతులు సహజంగా రక్తాన్ని శుభ్రపరుస్తాయి. రక్తంలో ఆక్సిజన్ ప్రవాహాన్ని పెంచుతుంది. రక్తంలో ఉన్న అన్ని రకాల విషాలను తొలగించడంలో కూడా సహాయపడుతుంది.
3 / 5
మొలకెత్తిన మెంతుల్లో విటమిన్ సి సమృద్ధిగా లభిస్తుంది. రోగనిరోధక శక్తిని ఇది బలపరుస్తుంది. ఇవి ఈస్ట్రోజన్ ప్రొజెస్టరాన్ హార్మోన్ల అసమతుల్యతను కాపాడతాయి. మెనోపాజ్‌తో బాధపడే మహిళలకు మొలకెత్తిన మెంతులు ఎంతో ఉపయోగకరం. ఈ మొలకెత్తిన మెంతుల్లో క్యాల్షియం సమృద్ధిగా ఉంటుంది. దంతాలు, ఎముకులను బలోపేతం చేస్తాయి.
4 / 5
జీర్ణ సంబంధిత సమస్యలతో బాధపడుతున్నవారికి మొలకెత్తిన మెంతులు దివ్యౌషధంగా పనిచేస్తాయి. మొలకెత్తిన మెంతి గింజలలో జీర్ణక్రియకు సహాయపడే ఎంజైమ్లు సమృద్ధిగా ఉంటాయి. వీటిని తరచుగా తీసుకోవడం ద్వారా కడుపు ఉబ్బరం, అసిడిటీ, అజీర్ణం వంటి సమస్యలను దూరం చేస్తుంది. జీర్ణక్రియ మెరుగుపడుతుందని నిపుణులు చెబుతున్నారు.
